ਹਰ ਸਾਲ ਮਕਰ ਸੰਕ੍ਰਾਂਤੀ ‘ਤੇ, ਪਟਨਾ ਡੇਅਰੀ ਪ੍ਰੋਜੈਕਟ ‘ਚ ਦਹੀਂ ਖਾਓ, ਇਨਾਮ ਪਾਓ ਮੁਕਾਬਲਾ ਹੁੰਦਾ ਹੈ। 12ਵੀਂ ਦਹੀ ਖਾਓ, ਇਨਾਮ ਪਾਓ ਪ੍ਰਤੀਯੋਗਤਾ ਵਿੱਚ ਇਹ ਮੁਕਾਬਲਾ ਤਿੰਨ ਘੰਟੇ ਤੱਕ ਚੱਲਿਆ ਹਰ ਇੱਕ ਨੂੰ ਸਿਰਫ਼ ਤਿੰਨ ਮਿੰਟ ਵਿਚ ਦਹੀਂ ਖਾਣ ਲਈ ਕਿਹਾ ਗਿਆ। ਕੋਰੋਨਾ ਕਾਰਨ ਦੋ ਸਾਲਾਂ ਤੋਂ ਬਾਅਦ ਇਹ ਮੁਕਾਬਲਾ ਬੁੱਧਵਾਰ ਨੂੰ ਹੋਇਆ। ਇਹ ਮੁਕਾਬਲਾ ਪਿਛਲੇ 10 ਸਾਲਾਂ ਤੋਂ ਕਰਵਾਇਆ ਜਾ ਰਿਹਾ ਹੈ, ਜਿਸ ਵਿੱਚ ਬਿਹਾਰ ਦੇ ਕੋਨੇ-ਕੋਨੇ ਤੋਂ ਲੋਕ ਹਿੱਸਾ ਲੈਣ ਲਈ ਆਉਂਦੇ ਹਨ। ਮੁਕਾਬਲੇ ਵਿੱਚ ਤਿੰਨ ਸ਼੍ਰੇਣੀਆਂ ਸਨ-ਔਰਤਾਂ, ਮਰਦ ਅਤੇ ਸੀਨੀਅਰ ਨਾਗਰਿਕ। ਦੱਸ ਦਈਏ ਕਿ ਪੁਰਸ਼ਾਂ ਵਿੱਚ ਅਜੈ ਕੁਮਾਰ ਨੇ 3 ਮਿੰਟ ਵਿੱਚ 3 ਕਿਲੋ 420 ਗ੍ਰਾਮ ਦਹੀਂ ਦਾ ਸੇਵਨ ਕਰਕੇ ਪਹਿਲਾ ਸਥਾਨ ਹਾਸਲ ਕੀਤਾ। ਔਰਤਾਂ ‘ਚ ਪਟਨਾ ਨਿਵਾਸੀ ਪ੍ਰੇਮਾ ਤਿਵਾਰੀ 3 ਮਿੰਟਾਂ ‘ਚ 2 ਕਿਲੋ 718 ਗ੍ਰਾਮ ਦਹੀਂ ਖਾ ਕੇ ਚੋਟੀ ‘ਤੇ ਰਹੀ।
ਇਸ ਮੁਕਾਬਲੇ ‘ਚ 700 ਤੋਂ ਵੱਧ ਲੋਕਾਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਸੀ ਅਤੇ 500 ਪ੍ਰਤੀਯੋਗੀਆਂ ਨੇ ਭਾਗ ਲਿਆ ਸੀ। ਪਟਨਾ ਡੇਅਰੀ ਪ੍ਰੋਜੈਕਟ ਦੇ ਚੇਅਰਮੈਨ ਸੰਜੇ ਕੁਮਾਰ ਨੇ ਸਾਰੇ ਭਾਗੀਦਾਰਾਂ ਨੂੰ ਵਧਾਈ ਦਿੱਤੀ ਅਤੇ ਪ੍ਰਤੀਯੋਗੀ ਵੀ ਭਾਗ ਲੈ ਕੇ ਬਹੁਤ ਖੁਸ਼ ਸਨ। ਦੱਸ ਦਈਏ ਕਿ ਸੀਨੀਅਰ ਸਿਟੀਜ਼ਨ ਅਤੇ ਡਿਫੈਂਡਿੰਗ ਚੈਂਪੀਅਨ ਸ਼ੰਕਰ ਕਾਂਤ ਨੇ 3 ਮਿੰਟ ‘ਚ 3 ਕਿਲੋ 647 ਗ੍ਰਾਮ ਦਹੀਂ ਖਾ ਕੇ ਪਹਿਲਾ ਇਨਾਮ ਜਿੱਤਿਆ ਹੈ। ਸ਼ੰਕਰ ਕਾਂਤ ਨੇ ਸਾਲ 2020 ਵਿੱਚ ਵੀ 4 ਕਿਲੋ ਦਹੀਂ ਖਾ ਕੇ ਜਿੱਤਿਆ ਇਹ ਖਿਤਾਬ ਸੀ। ਜਹਾਨਾਬਾਦ ਦੇ ਸੰਜੇ ਦਿਵੇਦੀ ਦੂਜੇ ਨੰਬਰ ‘ਤੇ ਰਹੇ। ਉਨ੍ਹਾਂ ਨੇ ਦੋ ਕਿੱਲੋ 496 ਗ੍ਰਾਮ ਦਹੀਂ ਖਾ ਕੇ ਦਿਖਾਇਆ। ਤਿੰਨ ਮਿੰਟਾਂ ਵਿੱਚ 500 ਲੋਕਾਂ ਨੇ 5 ਕੁਇੰਟਲ ਦਹੀਂ ਖਾਧਾ।