ਉਰਫੀ ਜਾਵੇਦ ਪਿਛਲੇ ਕੁੱਝ ਦਿਨਾਂ ਤੋਂ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਉਨ੍ਹਾਂ ਨੂੰ ਕਈ ਵਾਰ ਧਮਕੀਆਂ ਮਿਲ ਗਈਆਂ ਹਨ। ਉਸ ‘ਤੇ ਜਨਤਕ ਥਾਵਾਂ ‘ਤੇ ਅਸ਼ਲੀਲਤਾ ਫਲਾਉਣ ਦੇ ਦੋਸ਼ ਲੱਗੇ ਹੋਏ ਹਨ। ਉਸ ਖ਼ਿਲਾਫ਼ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਇਨ੍ਹਾਂ ਸਭ ਤੋਂ ਜ਼ਿਆਦਾ ਪਰੇਸ਼ਾਨ ਉਰਫੀ ਨੇ ਮਹਾਰਾਸ਼ਟਰ ਮਹਿਲਾ ਕਮੀਸ਼ਨ ਨੂੰ ਵੀ ਪੱਤਰ ਲਿਖ ਕੇ ਮੁੰਬਈ ਪੁਲਿਸ ਤੋਂ ਸੁਰੱਖਿਆ ਦੀ ਮੰਗ ਕੀਤੀ ਹੈ।
ਦੱਸ ਦਈਏ ਕਿ ਉਰਫੀ ਨੂੰ ਰਹਿਣ ਲਈ ਕੋਈ ਨਵੀਂ ਜਗ੍ਹਾ ਨਹੀਂ ਮਿਲ ਰਹੀ। ਉਨ੍ਹਾਂ ਨੇ ਆਪਣਾ ਦਰਦ ਟਵੀਟ ਦੇ ਜਰੀਏ ਬਿਆਨ ਕੀਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਕੋਈ ਵੀ ਉਸਨੂੰ ਮੁੰਬਈ ‘ਚ ਕਿਰਾਏ ‘ਤੇ ਮਕਾਨ ਨਹੀਂ ਦੇ ਰਿਹਾ ਹੈ। ਹਰ ਕੋਈ ਕਿਸੇ ਨਾ ਕਿਸੇ ਕਾਰਨ ਡਰਿਆ ਹੋਇਆ ਹੈ। ਕਈ ਲੋਕ ਉਸ ਦੀ ਡਰੈਸਿੰਗ ਸੈਂਸ ਦੇ ਕਾਰਨ ਉਸਨੂੰ ਮਕਾਨ ਨਹੀਂ ਦੇ ਰਹੋ। ਉਨ੍ਹਾਂ ਨੇ ਕਿਹਾ ਕਿ ਮੁਸਲਮਾਨ ਲੋਕ ਉਸਨੂੰ ਉਸਦੇ ਕੱਪੜਿਆਂ ਕਾਰਨ ਘਰ ਨਹੀਂ ਦੇ ਰਹੇ ਅਤੇ ਹਿੰਦੂ ਲੋਕ ਉਸਨੂੰ ਮੁਸਲਮਾਨ ਹੋਣ ਕਾਰਨ ਘਰ ਨਹੀਂ ਦੇ ਰਹੇ। ਮੈਨੂੰ ਸਿਆਸੀ ਧਮਕੀਆਂ ਮਿਲ ਰਹੀਆਂ ਹਨ। ਮੁੰਬਈ ‘ਚ ਕਿਰਾਏ ‘ਤੇ ਘਰ ਲੱਭਣਾ ਬਹੁਤ ਮੁਸ਼ਕਿਲ ਹੈ। ਉਰਫੀ ਦੇ ਇਸ ਟਵੀਟ ‘ਤੇ ਕਈ ਲੋਕਾਂ ਨੇ ਕਮੈਂਟ ਕਰਕੇ ਉਨ੍ਹਾਂ ਨੂੰ ਦਿਲਾਸਾ ਦਿੱਤਾ ਹੈ।
