ਬਾਲੀਵੁੱਡ ਦੀ ਮਸ਼ਹੂਰ ਜੋੜੀ ਕਰੀਨਾ ਕਪੂਰ ਖਾਨ ਅਤੇ ਸੈਫ ਅਲੀ ਖਾਨ ਇਸ ਸਮੇਂ ਪਰਿਵਾਰ ਨਾਲ ਕੁਆਲਿਟੀ ਟਾਈਮ ਬਤੀਤ ਕਰਦੇ ਨਜ਼ਰ ਆ ਰਹੇ ਹਨ। ਦਰਅਸਲ ਸੈਫ ਦੀ ਭੈਣ ਸੋਹਾ ਅਲੀ ਖਾਨ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਫੋਟੋ ਸ਼ੇਅਰ ਕੀਤੀ ਹੈ, ਜਿਸ ‘ਚ ਕਰੀਨਾ ਅਤੇ ਸੈਫ, ਭੈਣ ਸੋਹਾ, ਮਾਂ ਸ਼ਰਮੀਲਾ ਟੈਗੋਰ, ਇਬਰਾਹਿਮ, ਜੇਹ, ਤੈਮੂਰ ਅਤੇ ਸੋਹਾ ਦੀ ਬੇਟੀ ਇਨਾਇਆ ਨੌਮੀ ਖੇਮੂ ਇਕੱਠੇ ਲੰਚ ਦਾ ਆਨੰਦ ਲੈਂਦੇ ਨਜ਼ਰ ਆ ਰਹੇ ਹਨ। ਸੋਹਾ ਨੇ ਇਸ ਫੋਟੋ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ, ‘ਦਿ ਪ੍ਰਾਈਡ’। ਜਦਕਿ ਸੋਹਾ ਦੀ ਵੱਡੀ ਭੈਣ ਸਬਾਹ ਨੇ ਇਸ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ, ‘ਫੈਮਿਲੀਆ। ਇਸ ਪਲ ਨੂੰ ਸਾਂਝਾ ਕਰਨ ਲਈ ਭੈਣ ਦਾ ਧੰਨਵਾਦ, ਜਲਦੀ ਮਿਲਦੇ ਹਾਂ।
ਕ੍ਰੈਡਿਟ- ਸੋਹਾ ਅਤੇ ਇਗੀ (ਇਬਰਾਹਿਮ)। ਸੈਫ ਅਤੇ ਕਰੀਨਾ ਦੀ ਗੱਲ ਕਰੀਏ ਤਾਂ ਦੋਹਾਂ ਨੇ ਚਾਰ ਸਾਲ ਡੇਟ ਕਰਨ ਤੋਂ ਬਾਅਦ 16 ਅਕਤੂਬਰ 2012 ਨੂੰ ਵਿਆਹ ਕਰ ਲਿਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਦੇ 2 ਬੱਚੇ ਹੋਏ, ਜਿਨ੍ਹਾਂ ਦਾ ਨਾਂ ਤੈਮੂਰ ਅਤੇ ਜੇਹ ਹੈ। ਕਰੀਨਾ ਸੈਫ ਦੀ ਦੂਜੀ ਪਤਨੀ ਹੈ। ਸੈਫ ਅਲੀ ਖਾਨ ਦਾ ਪਹਿਲਾ ਵਿਆਹ ਅੰਮ੍ਰਿਤਾ ਸਿੰਘ ਨਾਲ ਹੋਇਆ ਸੀ ਪਰ ਦੋਹਾਂ ਦਾ ਤਲਾਕ ਹੋ ਗਿਆ ਸੀ। ਸੈਫ ਅਤੇ ਅੰਮ੍ਰਿਤਾ ਦੇ ਵੀ ਦੋ ਬੱਚੇ ਹਨ, ਜਿਨ੍ਹਾਂ ਦਾ ਨਾਂ ਸਾਰਾ ਅਲੀ ਖਾਨ ਅਤੇ ਇਬਰਾਹਿਮ ਹੈ। ਸੈਫ ਦੇ ਆਉਣ ਵਾਲੇ ਪ੍ਰੋਜੈਕਟਾਂ ਦੀ ਗੱਲ ਕਰੀਏ ਤਾਂ ਉਹ ਪ੍ਰਭਾਸ ਅਤੇ ਕ੍ਰਿਤੀ ਸੈਨਨ ਦੇ ਨਾਲ ਓਮ ਰਾਉਤ ਦੀ ਫਿਲਮ ‘ਆਦਿਪੁਰਸ਼’ ‘ਚ ਨਜ਼ਰ ਆਉਣਗੇ। ਇਸ ਦੇ ਨਾਲ ਹੀ ਕਰੀਨਾ ‘ਦਿ ਕਰੂ’ ‘ਚ ਤੱਬੂ ਅਤੇ ਕ੍ਰਿਤੀ ਸੈਨਨ ਨਾਲ ਨਜ਼ਰ ਆਵੇਗੀ।
