ਕੀ ਤੁਸੀਂ ਜਾਣਦੇ ਹੋ ਭਾਰਤ ਵਿੱਚ ਅਜਿਹਾ ਸੂਬਾ ਵੀ ਹੈ ਜਿੱਥੇ ਲੋਕਾਂ ਤੋਂ ਇਨਕਮ ਟੈਕਸ ਵਜੋਂ ਇੱਕ ਰੁਪਿਆ ਵੀ ਨਹੀਂ ਵਸੂਲਿਆ ਜਾਂਦਾ। ਜੀ ਹਾਂ ਤੁਸੀਂ ਠੀਕ ਪੜ੍ਹ ਰਹੇ ਹੋ। ਜੇ ਉਸ ਰਾਜ ਦੇ ਲੋਕਾਂ ਦੀ ਆਮਦਨ ਕਰੋੜਾਂ ਰੁਪਏ ਵਿੱਚ ਵੀ ਹੋਵੇ ਤਾਂ ਵੀ ਆਮਦਨ ਕਰ ਵਿਭਾਗ ਉਨ੍ਹਾਂ ਤੋਂ ਇੱਕ ਰੁਪਿਆ ਵੀ ਨਹੀਂ ਵਸੂਲਦਾ।ਇਹ ਸੂਬਾ ਹੈ ਸਿੱਕਮ।
ਸਿੱਕਮ ਦੇ ਮੂਲ ਨਿਵਾਸੀਆਂ ਨੂੰ ਇਨਕਮ ਟੈਕਸ ਐਕਟ ਤਹਿਤ ਇਹ ਛੋਟ ਦਿੱਤੀ ਗਈ ਹੈ। ਸਿੱਕਮ ਦੇ ਵਸਨੀਕਾਂ ਨੂੰ ਇਨਕਮ ਟੈਕਸ ਐਕਟ, 1961 ਦੀ ਧਾਰਾ 10 (26AAA) ਦੇ ਤਹਿਤ ਆਮਦਨ ਕਰ ਤੋਂ ਛੋਟ ਦਿੱਤੀ ਗਈ ਹੈ। ਦੱਸ ਦੇਈਏ ਕਿ ਸੁਪਰੀਮ ਕੋਰਟ ਨੇ ਇਸ ਮਾਮਲੇ ‘ਚ ਫੈਸਲਾ ਸੁਣਾਇਆ ਸੀ। ਉਦੋਂ ਤੋਂ, ਸਿੱਕਮ ਦੇ ਲਗਭਗ 95% ਲੋਕ ਇਸ ਛੋਟ ਦਾ ਲਾਭ ਲੈਂਦੇ ਹਨ। ਪਹਿਲਾਂ ਇਹ ਛੋਟ ਕੇਵਲ ਸਿੱਕਮ ਸਬਜੈਕਟ ਸਰਟੀਫਿਕੇਟ ਰੱਖਣ ਵਾਲਿਆਂ ਨੂੰ ਦਿੱਤੀ ਜਾਂਦੀ ਸੀ।
ਦੱਸਿਆ ਜਾਂਦਾ ਹੈ ਕਿ ਸਾਲ 1950 ‘ਚ ਭਾਰਤ ਨੇ ਸਿੱਕਮ ਨਾਲ ਸ਼ਾਂਤੀ ਸਮਝੌਤਾ ਕੀਤਾ ਸੀ। ਉਸ ਦੇ ਅਧੀਨ ਸਿੱਕਮ ਭਾਰਤ ਦੀ ਸੁਰੱਖਿਆ ਹੇਠ ਆ ਗਿਆ। ਫਿਰ 1975 ਦੇ ਸਮੇਂ ਵਿੱਚ ਇਸਨੂੰ ਪੂਰੀ ਤਰ੍ਹਾਂ ਮਿਲਾ ਦਿੱਤਾ ਗਿਆ। ਸਿੱਕਮ ਵਿੱਚ ਚੋਗਿਆਲ ਰਾਜ ਚੱਲ ਰਿਹਾ ਸੀ। ਉਸਨੇ 1948 ਵਿੱਚ ਸਿੱਕਮ ਇਨਕਮ ਟੈਕਸ ਮੈਨੂਅਲ ਜਾਰੀ ਕੀਤਾ ਅਤੇ ਜਦੋਂ ਇਸਨੂੰ ਭਾਰਤ ਵਿੱਚ ਮਿਲਾਇਆ ਗਿਆ, ਤਾਂ ਇੱਕ ਸ਼ਰਤ ਸੀ ਕਿ ਸਿੱਕਮ ਦੇ ਲੋਕਾਂ ਨੂੰ ਆਮਦਨ ਕਰ ਤੋਂ ਛੋਟ ਦਿੱਤੀ ਜਾਵੇਗੀ। ਦੱਸ ਦੇਈਏ ਕਿ ਇਨਕਮ ਟੈਕਸ ਐਕਟ ਦੀ ਧਾਰਾ 10 (26AAA) ਦੇ ਤਹਿਤ ਸਿੱਕਮ ਦੇ ਮੂਲ ਨਿਵਾਸੀਆਂ ਨੂੰ ਛੋਟ ਦਿੱਤੀ ਜਾਂਦੀ ਹੈ।