ਜੇਕਰ ਬਾਲੀਵੁੱਡ ਦੇ ਮੈਗਾ ਸੁਪਰਸਟਾਰ ਦੀ ਗੱਲ ਕਰੀਏ ਤਾਂ ਇਸ ‘ਚ ਸ਼ਾਹਰੁਖ ਖਾਨ ਦਾ ਨਾਮ ਜ਼ਰੂਰ ਸਾਮਿਲ ਹੋਵੇਗਾ। ਦੱਸ ਦਈਏ ਕਿ ਇਨ੍ਹੀਂ ਦਿਨੀਂ ਉਹ ਆਪਣੀ ਫਿਲਮ ‘ਪਠਾਨ’ ਦੀ ਸਫਲਤਾ ਨੂੰ ਲੈ ਕੇ ਕਾਫ਼ੀ ਚਰਚਾ ‘ਚ ਹੈ। ਇਸ ਫਿਲਮ ਲਈ ਉਨ੍ਹਾਂ ਨੇ 57 ਸਾਲ ਦੀ ਉਮਰ ‘ਚ ਸਿਕਸ ਪੈਕ ਬਣਾ ਕੇ ਆਪਣੇ ਲੁੱਕ ਨਾਲ ਸਭ ਨੂੰ ਪ੍ਰਭਾਵਿਤ ਕੀਤਾ ਸੀ।
25 ਜਨਵਰੀ ਨੂੰ ਰਿਲੀਜ਼ ਹੋਈ ‘ਪਠਾਣ’ ਨੇ ਦੁਨੀਆ ਭਰ ‘ਚ 1000 ਕਰੋੜ ਤੋਂ ਵੱਧ ਦੀ ਕਮਾਈ ਕੀਤੀ ਹੈ। ਬੀਤੇ ਦਿਨ ਹੀ ਇਹ ਫਿਲਮ ਆਪਣੀ ਕਲੈਕਸ਼ਨ ਨੂੰ ਲੈ ਕੇ ਚਰਚਾ ‘ਚ ਰਹੀ ਹੈ। ਹਾਲ ਹੀ ‘ਚ ਪਠਾਣ ਦੀ ਸਫਲਤਾ ਤੋਂ ਖੁਸ਼ ਸ਼ਾਹਰੁਖ ਖਾਨ ਨੇ ਪ੍ਰਸ਼ੰਸਕਾਂ ਨਾਲ ਗੱਲਬਾਤ ਕੀਤੀ। ਅਦਾਕਾਰ ਨੇ ਟਵੀਟਰ ‘ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਗੱਲਬਾਤ ਕੀਤੀ।
ਦੱਸ ਦਈਏ ਕਿ ਪਠਾਣ ‘ਚ ਸਿਕਸ ਪੈਕ ਐਬਸ ਨਾਲ ਸ਼ਾਹਰੁਖ ਖਾਨ ਦੀ ਬਾਡੀ ਦੇਖ ਕੇ ਫੈਨਜ਼ ਨੇ ਆਦਾਕਾਰ ਨੂੰ ਇੱਕ ਟਵੀਟ ਕੀਤਾ ਕਿ ਸ਼ਾਹਰੁਖ ਖਾਨ ਝੂਠ ਬੋਲ ਰਹੇ ਹਨ ਕਿ ਉਨ੍ਹਾਂ ਨੇ 57 ਸਾਲ ਦੀ ਉਮਰ ‘ਚ ਇਨ੍ਹੀਂ ਜਬਰਦਸਤ ਬਾਡੀ ਬਣਾਈ ਹੈ। ਇਹ ਸੰਭਵ ਨਹੀਂ ਹੈ ਕਿ ਉਸ ਦੀ ਉਮਰ 57 ਸਾਲ ਹੈ। ਹੁਣ ਮੈਂ ਉਸ ਦੇ ਖ਼ਿਲਾਫ਼ ਝੂਠ ਬੋਲਣ ਲਈ ਐਫਆਈਆਰ ਦਰਜ ਕਰ ਰਿਹਾ ਹਾਂ। ਪ੍ਰਸ਼ੰਸਕ ਨੇ ਟਵੀਟ ‘ਤੇ ਲਿਖਿਆ ਕਿ- “ ਖਾਨ ਸਾਬ ਮੈਂ ਤੁਹਾਡੇ ਖ਼ਿਲਾਫ਼ ਐਫਆਈਆਰ ਦਰਜ ਕਰਵਾ ਰਿਹਾ ਹਾਂ। ਇਹ ਵਿਅਕਤੀ ਝੂਠ ਬੋਲ ਰਿਹਾ ਹੈ ਕਿ ਉਹ 57 ਸਾਲ ਦਾ ਹੈ।”
ਦੱਸ ਦਈਏ ਕਿ ਉਨ੍ਹਾਂ ਦੇ ਇਸ ਟਵੀਟ ‘ਤੇ ਸ਼ਾਹਰੁਖ ਖਾਨ ਨੇ ਮਜ਼ਾਕੀਆਂ ਜਵਾਬ ਦਿੱਤਾ। ਸ਼ਾਹਰੁਖ ਖਾਨ ਨੇ ਕਿਹਾ ਕਿ, “ਯਾਰ ਨਾ ਕਰੋ। ਠੀਕ ਹੈ, ਮੈਂ ਮੰਨਦਾ ਹਾਂ ਕਿ ਮੈਂ 30 ਸਾਲ ਦਾ ਹਾਂ। ਹੁਣ ਮੈਂ ਤੁਹਾਨੂੰ ਸੱਚ ਦੱਸਦਾ ਹਾਂ… ਇਸੇ ਲਈ ਮੇਰੀ ਅਗਲੀ ਫਿਲਮ ਦਾ ਨਾਂ ਹੈ ਜਵਾਨ ਹੈ।
