ਨਵੀਂ ਦਿੱਲੀ: ਕੋਰੋਨਾ ਵੈਕਸੀਨ ਦੀ ਬੂਸਟਰ ਡੋਜ਼ ਸੋਮਵਾਰ ਤੋਂ ਲੱਗਣੀ ਸ਼ੁਰੂ ਹੋ ਜਾਵੇਗੀ। ਸਿਹਤ ਮੰਤਰਾਲੇ ਨੇ ਕਿਹਾ ਹੈ ਕਿ ਅਜਿਹੇ ਲੋਕਾਂ ਨੂੰ ਨਵਾਂ ਰਜਿਸਟ੍ਰੇਸ਼ਨ ਕਰਵਾਉਣ ਦੀ ਲੋੜ ਨਹੀਂ ਹੈ। ਸੀਨੀਅਰ ਸਿਟੀਜ਼ਨ, ਫਰੰਟਲਾਈਨ ਤੇ ਹੈਲਥਕੇਅਰ ਵਰਕਰ ਲਈ ਪ੍ਰੀਕੌਸ਼ਨਰੀ ਡੋਜ਼ ਬੁੱਕ ਕਰਵਾਉਣ ਲਈ CoWIN ’ਤੇ ਆਨਲਾਈਨ Appointment ਦਾ ਫ਼ੀਚਰ ਮੌਜੂਦ ਹੈ।ਸਿਹਤ ਮੰਤਰਾਲੇ ਵੱਲੋਂ ਇਹ ਗੱਲ ਸਪੱਸ਼ਟ ਕੀਤੀ ਗਈ ਹੈ ਕਿ ਤੀਸਰੀ ਡੋਜ਼ ਵੀ ਉਸੇ ਕੋਰੋਨਾ ਵੈਕਸੀਨ ਦੀ ਹੋਵੇਗੀ ਜਿਸ ਦੇ ਪਹਿਲਾਂ ਦੋਵੇਂ ਡੋਜ਼ ਲਗਾਏ ਗਏ ਹਨ।
ਜਿਸ ਦੇ ਦੋਵੇਂ ਡੋਜ਼ ਕੋਵੈਕਸੀਨ ਦੇ ਲੱਗੇ ਹਨ ਉਹ ਤੀਸਰੀ ਡੋਜ਼ ਵੀ ਕੋਵੈਕਸੀਨ ਦੀ ਹੀ ਲਗਵਾਏਗਾ ਤੇ ਜਿਸ ਦੇ ਦੋਵੇਂ ਡੋਜ਼ ਕੋਵੀਸ਼ੀਲਡ ਲੱਗੇ ਹਨ ਉਹ ਤੀਸਰੀ ਡੋਜ਼ ਵੀ ਕੋਵੀਸ਼ੀਲਡ ਹੀ ਲਗਵਾਏਗਾ। 25 ਦਸੰਬਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਹੈਲਥ ਵਰਕਰਾਂ, ਫਰੰਟਲਾਈਨ ਵਰਕਰ ਤੇ ਸੀਨੀਅਰ ਸਿਟੀਜਨ ਲਈ ਕੋਰੋਨਾ ਵੈਕਸੀਨ ਦੇ ਤੀਸਰੇ ਡੋਜ਼ ਦੀ ਸ਼ੁਰੂਆਤ 10 ਜਨਵਰੀ ਨੂੰ ਹੋ ਜਾਵੇਗੀ।
