ਗੁਜਰਾਤ ਦੇ ਬੋਟਾਦ ਰੇਲਵੇ ਸਟੇਸ਼ਨ ‘ਤੇ ਖੜ੍ਹੀ ਇੱਕ ਖਾਲੀ ਯਾਤਰੀ ਟਰੇਨ ‘ਚ ਅੱਗ ਲੱਗ ਗਈ। ਬੋਟਾਦ ਤੋਂ ਸੁਰੇਂਦਰਨਗਰ ਜਾਣ ਵਾਲੀ ਇਹ ਟਰੇਨ ਪਲੇਟਫਾਰਮ ਨੰਬਰ 7 ‘ਤੇ ਖੜ੍ਹੀ ਸੀ। ਇਸ ਦੌਰਾਨ ਤਿੰਨ ਬੋਗੀਆਂ ਵਿੱਚ ਅੱਗ ਲੱਗ ਗਈ। ਟਰੇਨ ਖਾਲੀ ਹੋਣ ਕਾਰਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਕਰੀਬ 2 ਘੰਟੇ ਦੀ ਮੁਸ਼ੱਕਤ ਨਾਲ ਅੱਗ ‘ਤੇ ਕਾਬੂ ਪਾਇਆ। ਇਹ ਟਰੇਨ ਬੋਟਾਦ ਤੋਂ ਸੁਰੇਂਦਰਨਗਰ ਲਈ ਸ਼ਾਮ 6.00 ਵਜੇ ਰਵਾਨਾ ਹੁੰਦੀ ਹੈ। ਇਸ ਤੋਂ ਪਹਿਲਾ ਇਸਨੂੰ ਟਰੇਨ ਨੂੰ ਪਲੇਟਫਾਰਮ ਨੰਬਰ 7 ‘ਤੇ ਖੜ੍ਹਾ ਕੀਤਾ ਜਾਂਦਾ ਹੈ। ਹਾਲਾਂਕਿ ਅੱਗ ਲੱਗਣ ਦੇ ਕਾਰਨਾਂ ਦਾ ਖੁਲਾਸਾ ਨਹੀਂ ਹੋ ਸਕਿਆ ਹੈ। ਰੇਲਵੇ ਪੁਲਿਸ ਇਸ ਦੀ ਜਾਂਚ ਕਰ ਰਹੀ ਹੈ।