ਇਲੈਕਟ੍ਰਿਕ ਬਾਈਕ ਨਿਰਮਾਤਾ ਕੰਪਨੀ ਅਲਟਰਾਵਾਇਲਟ ਨੇ ਲਿਮਟਿਡ ਐਡੀਸ਼ਨ F77 ਇਲੈਕਟ੍ਰਿਕ ਬਾਈਕ ਦੀ ਡਿਲੀਵਰੀ ਸ਼ੁਰੂ ਕਰ ਦਿੱਤੀ ਹੈ। ਕੰਪਨੀ ਨੇ ਬੈਂਗਲੁਰੂ ਵਿੱਚ ਆਪਣਾ ਗਲੋਬਲ ਐਕਸਪੀਰੀਅੰਸ ਸੈਂਟਰ – ਅਲਟਰਾਵਾਇਲਟ ਹੈਂਗਰ ਵੀ ਖੋਲ੍ਹਿਆ ਹੈ। ਇਹ ਕੰਪਨੀ ਦਾ ਫਲੈਗਸ਼ਿਪ ਰਿਟੇਲ ਟੱਚਪੁਆਇੰਟ ਹੋਵੇਗਾ।
ਅਲਟਰਾਵਾਇਲਟ F77 ਲਿਮਟਿਡ ਐਡੀਸ਼ਨ ਲਈ ਬੁਕਿੰਗ ਨਵੰਬਰ 2022 ਵਿੱਚ ਖੋਲ੍ਹੀ ਗਈ ਸੀ ਅਤੇ ਸਿਰਫ਼ 2 ਘੰਟਿਆਂ ਵਿੱਚ ਪੂਰੀ ਤਰ੍ਹਾਂ ਬੁੱਕ ਹੋ ਗਈ ਸੀ। ਕੰਪਨੀ ਲਿਮਟਿਡ ਐਡੀਸ਼ਨ ਦੇ ਤਹਿਤ F77 ਇਲੈਕਟ੍ਰਿਕ ਬਾਈਕ ਦੇ ਸਿਰਫ 77 ਯੂਨਿਟ ਉਪਲਬਧ ਕਰਵਾਏ ਗਏ ਸਨ।
ਅਲਟਰਾਵਾਇਲਟ F77 ਦੀ ਕੀਮਤ 3.80 ਲੱਖ ਰੁਪਏ (ਐਕਸ-ਸ਼ੋਰੂਮ, ਬੈਂਗਲੁਰੂ) ਹੈ ਅਤੇ ਇਲੈਕਟ੍ਰਿਕ ਬਾਈਕ ਨੂੰ ਦੋ ਵੇਰੀਐਂਟਸ- F77 ਓਰੀਜਨਲ ਅਤੇ F77 ਰੀਕਨ ‘ਚ ਵੇਚਿਆ ਜਾ ਰਿਹਾ ਹੈ। F77 ਇਲੈਕਟ੍ਰਿਕ ਬਾਈਕ ਨੂੰ Ultraviolette ਦੀ ਅਧਿਕਾਰਤ ਵੈੱਬਸਾਈਟ ਤੋਂ ਬੁੱਕ ਕੀਤਾ ਜਾ ਸਕਦਾ ਹੈ। ਇਸ ਦੀ ਟਾਪ ਸਪੀਡ 150 ਕਿਲੋਮੀਟਰ ਪ੍ਰਤੀ ਘੰਟਾ ਹੈ। ਇਹ ਸਿਰਫ 7.5 ਸਕਿੰਟਾਂ ਵਿੱਚ 0 ਤੋਂ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫਤਾਰ ਫੜ ਲੈਂਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਸ ਨੂੰ ਫੁੱਲ ਚਾਰਜ ਕਰਨ ‘ਤੇ 307 ਕਿਲੋਮੀਟਰ ਤੱਕ ਚਲਾਇਆ ਜਾ ਸਕਦਾ ਹੈ।
