ਜੇਕਰ ਤੁਸੀਂ ਆਨਲਾਈਨ ਭੋਜਨ ਆਰਡਰ ਕਰਨ ਲਈ Swiggy ਦੀ ਵਰਤੋਂ ਕਰਦੇ ਹੋ, ਤਾਂ ਤੁਹਾਡੇ ਲਈ ਜਰੂਰੀ ਖ਼ਬਰ ਹੈ। ਹੁਣ Swiggy ਤੋਂ ਖਾਣਾ ਆਰਡਰ ਕਰਨਾ ਤੁਹਾਡੇ ਲਈ ਮਹਿੰਗਾ ਹੋ ਗਿਆ ਹੈ। ਆਨਲਾਈਨ ਫੂਡ ਡਿਲੀਵਰੀ ਕੰਪਨੀ ਨੇ ਪ੍ਰਤੀ ਆਰਡਰ 2 ਰੁਪਏ ਪਲੇਟਫਾਰਮ ਫੀਸ ਵਸੂਲਣੀ ਸ਼ੁਰੂ ਕਰ ਦਿੱਤੀ ਹੈ। ਫਿਲਹਾਲ, ਵਾਧੂ ਚਾਰਜ ਸਿਰਫ ਕੁਝ ਸ਼ਹਿਰਾਂ ਦੇ ਉਪਭੋਗਤਾਵਾਂ ਲਈ ਲਾਗੂ ਕੀਤਾ ਗਿਆ ਹੈ।
ਦੱਸ ਦਈਏ ਕਿ Swiggy ਨੇ ਫਿਲਹਾਲ ਬੈਂਗਲੁਰੂ, ਹੈਦਰਾਬਾਦ ਅਤੇ ਚੇਨਈ ਵਿੱਚ ਪਲੇਟਫਾਰਮ ਫੀਸ ਦੀ ਸ਼ੁਰੂਆਤ ਕੀਤੀ ਹੈ। ਕੰਪਨੀ ਨੇ ਅਜੇ ਇਹ ਖੁਲਾਸਾ ਨਹੀਂ ਕੀਤਾ ਹੈ ਕਿ ਉਹ ਹੋਰ ਵੱਡੇ ਸ਼ਹਿਰਾਂ ‘ਚ ਇਹ ਫੀਸ ਕਦੋਂ ਲਾਗੂ ਕਰੇਗੀ। ਵਰਤਮਾਨ ਵਿੱਚ ਪਲੇਟਫਾਰਮ ਫੀਸ ਸਿਰਫ Swiggy ਦੀ ਫੂਡ ਡਿਲੀਵਰੀ ਸੇਵਾ ‘ਤੇ ਲਾਗੂ ਹੈ। ਕੰਪਨੀ ਨੇ ਇੰਸਟਾਮਾਰਟ ਆਰਡਰ ਲਈ ਇਸ ਨੂੰ ਲਾਗੂ ਨਹੀਂ ਕੀਤਾ ਹੈ।