ਉਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਲਖਨਊ ਦੇ ਟਰਾਮਾ ਸੈਂਟਰ ਪੁੱਜੇ ਜਿੱਥੇ ਉਨ੍ਹਾਂ ਗੋਲੀਬਾਰੀ ਦੌਰਾਨ ਜ਼ਖ਼ਮੀ ਹੋਈ ਲੜਕੀ ਨਾਲ ਮੁਲਾਕਾਤ ਕੀਤੀ। ਦੱਸ ਦਈਏ ਕਿ ਬੀਤੇ ਕੱਲ SC-ST ਕੋਰਟ ਰੂਮ ‘ਚ ਹੋਏ ਕਤਲੇਆਮ ਦੌਰਾਨ ਡੇਢ ਸਾਲ ਦੀ ਬੱਚੀ ਜ਼ਖਮੀ ਹੋ ਗਈ ਸੀ। ਹਮਲੇ ‘ਚ ਪੁਲੀਸ ਮੁਲਾਜ਼ਮ ਕਮਲੇਸ਼ ਅਤੇ ਲਾਲ ਮੁਹੰਮਦ ਵੀ ਜ਼ਖ਼ਮੀ ਹੋ ਗਏ ਸਨ। ਉਨ੍ਹਾਂ ਦੋਵਾਂ ਦੇ ਪੈਰਾਂ ‘ਚ ਗੋਲੀਆਂ ਵੱਜੀਆਂ ਸਨ। ਮੁੱਖ ਮੰਤਰੀ ਉਨ੍ਹਾਂ ਨਾਲ ਵੀ ਮੁਲਾਕਾਤ ਕਰਨਗੇ।
ਦੱਸ ਦਈਏ ਕਿ ਬਦਨਾਮ ਅਪਰਾਧੀ ਸੰਜੀਵ ਮਹੇਸ਼ਵਰੀ ਉਰਫ ਜੀਵਾ ਦਾ ਬੁੱਧਵਾਰ ਸ਼ਾਮ ਨੂੰ ਲਖਨਊ ਦੇ ਐੱਸਸੀ-ਐੱਸਟੀ ਕੋਰਟ ਰੂਮ ‘ਚ ਪੁਲਸ ਹਿਰਾਸਤ ‘ਚ ਕਤਲ ਕਰ ਦਿੱਤਾ ਗਿਆ। ਹਮਲਾਵਰ ਵਕੀਲ ਦੇ ਭੇਸ ਵਿੱਚ ਪਹੁੰਚਿਆ ਸੀ। ਉਸ ਨੇ ਕੋਰਟ ਰੂਮ ਵਿੱਚ ਹੀ ਰਿਵਾਲਵਰ ਤੋਂ ਛੇ ਰਾਉਂਡ ਫਾਇਰ ਕੀਤੇ। ਇਸ ਗੋਲੀਬਾਰੀ ਦੌਰਾਨ ਇਕ ਡੇਢ ਸਾਲ ਦੀ ਬੱਚੀ ਅਤੇ ਉਸ ਦੀ ਮਾਂ ਨੂੰ ਵੀ ਗੋਲੀਆਂ ਲੱਗੀਆਂ, ਜੋ ਕਿ ਹੁਣ ਲਖਨਊ ਦੇ ਹਸਪਤਾਲ ‘ਚ ਜ਼ੇਰੇ ਇਲਾਜ਼ ਹਨ।