ਰਾਜਸਥਾਨ ਵਿੱਚ ਇਸ ਸਾਲ ਵਿਧਾਨ ਸਭਾ ਚੋਣਾਂ ਹੋਣ ਜਾ ਰਹੀਆਂ ਹਨ। ਇਸ ਤੋਂ ਪਹਿਲਾਂ ਸੂਬੇ ਦੀ ਗਹਿਲੋਤ ਸਰਕਾਰ ਜਨਤਾ ਨੂੰ ਲੁਭਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਸੇ ਸਿਲਸਿਲੇ ਵਿੱਚ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਔਰਤਾਂ ਲਈ ਇੱਕ ਵਿਸ਼ੇਸ਼ ਯੋਜਨਾ ਲੈ ਕੇ ਆਏ ਹਨ। ਇਹ ਸਕੀਮ ਮੋਬਾਈਲ ਬਾਰੇ ਹੈ, ਜਿਸ ਤਹਿਤ ਔਰਤਾਂ ਆਪਣੀ ਪਸੰਦ ਦਾ ਮੋਬਾਈਲ ਖ਼ਰੀਦ ਸਕਣਗੀਆਂ। ਸੀਐਮ ਗਹਿਲੋਤ ਨੇ ਕਿਹਾ ਕਿ ਸਰਕਾਰ ਅਗਸਤ ‘ਚ ਰੱਖੜੀ ‘ਤੇ ਇਸ ਯੋਜਨਾ ਨੂੰ ਸ਼ੁਰੂ ਕਰੇਗੀ। ਅਸੀਂ ਸਮਾਰਟਫੋਨ ਦੇ ਬਦਲੇ ਔਰਤਾਂ ਨੂੰ ਕੁਝ ਨਕਦ ਰਾਸ਼ੀ ਦੇਵਾਂਗੇ।
ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਕਿਹਾ, ਸਰਕਾਰ ਇੱਕ ਤਰ੍ਹਾਂ ਦਾ ਮੋਬਾਈਲ ਦੇ ਸਕਦੀ ਹੈ, ਪਰ ਬਾਜ਼ਾਰ ਵਿੱਚ ਕਈ ਤਰ੍ਹਾਂ ਦੇ ਮੋਬਾਈਲ ਹਨ, ਇਸ ਲਈ ਅਸੀਂ ਲੋਕਾਂ ਨੂੰ ਇਹ ਵਿਕਲਪ ਦੇਵਾਂਗੇ ਕਿ ਤੁਸੀਂ ਜਾ ਕੇ ਆਪਣੀ ਪਸੰਦ ਦਾ ਫ਼ੋਨ ਲੈ ਜਾਓ, ਸਰਕਾਰ ਦੇਵੇਗੀ। ਸਰਕਾਰ ਇੱਕ ਨਿਸ਼ਚਿਤ ਰਕਮ ਦੇਵੇਗੀ।
ਮੁੱਖ ਮੰਤਰੀ ਗਹਿਲੋਤ ਨੇ ਇਸ ਯੋਜਨਾ ਬਾਰੇ ਅੱਗੇ ਕਿਹਾ ਕਿ ਮੋਬਾਈਲ ਅਜਿਹੀ ਚੀਜ਼ ਹੈ, ਜੇਕਰ ਤੁਸੀਂ ਇਸ ਨੂੰ ਬਾਜ਼ਾਰ ‘ਚ ਖਰੀਦਣ ਜਾਓਗੇ ਤਾਂ ਤੁਹਾਨੂੰ ਆਪਣੀ ਪਸੰਦ ਦਾ ਮਿਲੇਗਾ। ਜਿਵੇਂ… ਕਿੰਨੇ GB ਦਾ ਮੋਬਾਈਲ ਤੁਹਾਨੂੰ ਚਾਹੀਦਾ ਹੈ … ਤੁਹਾਨੂੰ ਕਿਹੜਾ ਬ੍ਰਾਂਡ ਪਸੰਦ ਹੈ ਜਿਸ ਨੂੰ ਤੁਸੀਂ ਖਰੀਦਣਾ ਚਾਹੁੰਦੇ ਹੋ। ਜਾਂ ਕਿਹੜਾ ਮਾਡਲ ਖਰੀਦਣਾ ਹੈ? ਸੀਐਮ ਨੇ ਕਿਹਾ, ਅਸੀਂ ਇਸ ਸਬੰਧ ਵਿੱਚ ਕੰਪਨੀਆਂ ਨਾਲ ਗੱਲ ਕਰ ਰਹੇ ਹਾਂ। ਕੰਪਨੀਆਂ ਨੂੰ ਮਹਿੰਗਾਈ ਰਾਹਤ ਕੈਂਪਾਂ ਵਰਗੇ ਕਾਊਂਟਰ ਲਗਾਉਣੇ ਚਾਹੀਦੇ ਹਨ ਅਤੇ ਲੋਕਾਂ ਨੂੰ ਵਿਕਲਪ ਦੇਣੇ ਚਾਹੀਦੇ ਹਨ। ਸਮਾਰਟਫੋਨ ਦੇਣ ਦਾ ਮਕਸਦ ਮਹਿਲਾ ਸਸ਼ਕਤੀਕਰਨ ਹੈ।