ਆਈਪੀਐਲ 2022 ਲਈ ਅਹਿਮਦਾਬਾਦ ਦੀ ਟੀਮ ਨੇ ਤਿੰਨ ਖਿਡਾਰੀਆਂ ਨੂੰ ਫਰੈਂਚਾਇਜ਼ੀ ਵਿੱਚ ਸ਼ਾਮਲ ਕੀਤਾ ਹੈ। ਅਹਿਮਦਾਬਾਦ ਟੀਮ ਨੇ ਹਾਰਦਿਕ ਪੰਡਯਾ ਅਤੇ ਰਾਸ਼ਿਦ ਖਾਨ ਅਤੇ ਸ਼ੁਭਮਨ ਗਿੱਲ ਨੂੰ ਸ਼ਾਮਿਲ ਕੀਤਾ ਹੈ ਦਸ ਦਈਏ ਕਿ ਹਾਰਦਿਕ ਪੰਡਯਾ ਅਤੇ ਰਾਸ਼ਿਦ ਖਾਨ ਨੂੰ 15-15 ਕਰੋੜ ਅਤੇ ਸ਼ੁਭਮਨ ਗਿੱਲ ਨੂੰ ਸੱਤ ਕਰੋੜ ਮਿਲਣਗੇ। ਇਸ ਦੇ ਨਾਲ ਹੀ ਪੰਡਯਾ ਟੀਮ ਦੇ ਕਪਤਾਨ ਵੀ ਹੋਣਗੇ।
ਇਸ ਸਾਲ IPL ਵਿੱਚ ਕੁੱਲ 10 ਟੀਮਾਂ ਹੋਣਗੀਆਂ। ਪਿਛਲੇ ਮਹੀਨੇ, ਟੀਮਾਂ ਨੇ ਆਪਣੀ ਪਸੰਦ ਦੇ ਚਾਰ ਖਿਡਾਰੀਆਂ ਦੀ ਸੂਚੀ ਆਈਪੀਐਲ ਪ੍ਰਬੰਧਨ ਨੂੰ ਸੌਂਪੀ ਸੀ। ਲਖਨਊ ਅਤੇ ਅਹਿਮਦਾਬਾਦ ਦੀਆਂ ਟੀਮਾਂ ਨੂੰ ਇਸ ਮਹੀਨੇ ਦੇ ਦੂਜੇ ਹਫ਼ਤੇ ਤੱਕ ਆਪਣੇ ਕੁੱਝ ਹੋਰ ਖਿਡਾਰੀਆਂ ਦੀ ਸੂਚੀ ਸੌਂਪਣੀ ਹੋਵੇਗੀ। ਇਸ ਵਾਰ ਆਈਪੀਐਲ ਵਿੱਚ ਇੱਕ ਮੈਗਾ ਨਿਲਾਮੀ ਹੈ। ਇਹ ਨਿਲਾਮੀ 7 ਅਤੇ 8 ਫਰਵਰੀ ਨੂੰ ਚੇਨਈ ‘ਚ ਹੋਵੇਗੀ।
ਜ਼ਿਕਰਯੋਗ ਹੈ ਕਿ ਅਹਿਮਦਾਬਾਦ ਨੇ ਆਪਣਾ ਕੋਚਿੰਗ ਸਟਾਫ ਵੀ ਚੁਣ ਲਿਆ ਹੈ। ਟੀਮ ਦੇ ਮੁੱਖ ਕੋਚ ਆਸ਼ੀਸ਼ ਨਹਿਰਾ ਹੋਣਗੇ। ਇੰਗਲੈਂਡ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਵਿਕਰਮ ਸੋਲੰਕੀ ਨੂੰ ਟੀਮ ਦਾ ਡਾਇਰੈਕਟਰ ਬਣਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਭਾਰਤ ਦੇ ਸਾਬਕਾ ਕੋਚ ਗੈਰੀ ਕਰਸਟਨ ਟੀਮ ਦੇ ਮੈਂਟਰ ਹੋਣਗੇ।
