ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਐਤਵਾਰ (24 ਸਤੰਬਰ) ਨੂੰ ਵੀਡੀਓ ਕਾਨਫਰੰਸਿੰਗ ਰਾਹੀਂ 9 ਨਵੀਆਂ ਵੰਦੇ ਭਾਰਤ ਟਰੇਨਾਂ ਨੂੰ ਹਰੀ ਝੰਡੀ ਦਿਖਾਉਣਗੇ। ਇਹ ਟਰੇਨਾਂ 11 ਰਾਜਾਂ ਵਿਚਕਾਰ ਸੰਪਰਕ ਵਧਾਉਣਗੀਆਂ। ਇਨ੍ਹਾਂ ਰਾਜਾਂ ਵਿੱਚ ਰਾਜਸਥਾਨ, ਤਾਮਿਲਨਾਡੂ, ਤੇਲੰਗਾਨਾ, ਆਂਧਰਾ ਪ੍ਰਦੇਸ਼, ਕਰਨਾਟਕ, ਬਿਹਾਰ, ਪੱਛਮੀ ਬੰਗਾਲ, ਕੇਰਲ, ਉੜੀਸਾ, ਝਾਰਖੰਡ ਅਤੇ ਗੁਜਰਾਤ ਸ਼ਾਮਲ ਹਨ। ਇਹ ਟਰੇਨਾਂ ਧਾਰਮਿਕ ਅਤੇ ਸੈਰ-ਸਪਾਟਾ ਸਥਾਨਾਂ ‘ਤੇ ਸੰਪਰਕ ਵਧਾਉਣਗੀਆਂ। ਨਵੀਆਂ ਪੇਸ਼ ਕੀਤੀਆਂ ਗਈਆਂ ਟਰੇਨਾਂ ਵਿੱਚ ਸੁਰੱਖਿਆ ਲਈ ਕਵਚ ਤਕਨੀਕ ਸਮੇਤ ਵਿਸ਼ਵ ਪੱਧਰੀ ਸਹੂਲਤਾਂ ਹਨ।
ਨਵੀਆਂ ਸ਼ੁਰੂ ਕੀਤੀਆਂ ਜਾਣ ਵਾਲੀਆਂ ਵੰਦੇ ਭਾਰਤ ਟਰੇਨਾਂ
- ਕਾਸਰਗੋਡ – ਤਿਰੂਵਨੰਤਪੁਰਮ (ਕੇਰਲ)
- ਜੈਪੁਰ – ਉਦੈਪੁਰ (ਰਾਜਸਥਾਨ)
- ਵਿਜੇਵਾੜਾ- ਰੇਨੀਗੁੰਟਾ- ਚੇਨਈ (ਆਂਧਰਾ ਪ੍ਰਦੇਸ਼ ਅਤੇ ਤਾਮਿਲਨਾਡੂ)
- ਤਿਰੂਨੇਲਵੇਲੀ – ਮਦੁਰਾਈ – ਚੇਨਈ (ਤਾਮਿਲਨਾਡੂ)
- ਜਾਮਨਗਰ-ਅਹਿਮਦਾਬਾਦ (ਗੁਜਰਾਤ)
- ਰਾਂਚੀ – ਹਾਵੜਾ (ਝਾਰਖੰਡ ਅਤੇ ਪੱਛਮੀ ਬੰਗਾਲ)
- ਹੈਦਰਾਬਾਦ-ਬੈਂਗਲੁਰੂ (ਤੇਲੰਗਾਨਾ ਅਤੇ ਕਰਨਾਟਕ)
- ਰੁੜਕੇਲਾ-ਪੁਰੀ (ਓਡੀਸ਼ਾ)
- ਪਟਨਾ-ਹਾਵੜਾ (ਬਿਹਾਰ ਅਤੇ ਪੱਛਮੀ ਬੰਗਾਲ)












