ਹਿਮਾਚਲ ਦੇ ਕੁੱਲੂ ਵਿੱਚ ਚੱਲ ਰਹੇ ਦੁਸਹਿਰੇ ਉਤਸਵ ਵਿੱਚ ਅੱਜ ਅੰਤਰਰਾਸ਼ਟਰੀ ਸੱਭਿਆਚਾਰ ਪਰੇਡ ਦਾ ਆਯੋਜਨ ਕੀਤਾ ਜਾਵੇਗਾ। ਇਸ ਦੌਰਾਨ 14 ਦੇਸ਼ਾਂ ਦੇ ਕਲਾਕਾਰ ਝਾਕੀ ਪੇਸ਼ ਕਰਨਗੇ ਅਤੇ ਆਪਣੇ ਸੱਭਿਆਚਾਰ ਬਾਰੇ ਜਾਣੂ ਕਰਵਾਉਣਗੇ। ਅੰਤਰਰਾਸ਼ਟਰੀ ਕੁੱਲੂ ਦੁਸਹਿਰਾ ਉਤਸਵ ‘ਚ ਪਹਿਲੀ ਵਾਰ ਅਜਿਹੀ ਪਰੇਡ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ।ਸੱਭਿਆਚਾਰ ਪਰੇਡ ਲਈ ਢਾਲਪੁਰ ਨੂੰ ਦੁਲਹਨ ਵਾਂਗ ਸਜਾਇਆ ਗਿਆ ਹੈ। ਇਹ ਢਾਲਪੁਰ ਤੋਂ ਮਾਲ ਰੋਡ ’ਤੇ ਲਾਲ ਚੰਦ ਪ੍ਰਾਰਥੀ ਕਲਾ ਕੇਂਦਰ ਰਾਹੀਂ ਕਾਲਜ ਗੇਟ ਤੋਂ ਵਾਪਸ ਢਾਲਪੁਰ ਮੈਦਾਨ ਪਹੁੰਚੇਗੀ।
ਦੱਸ ਦਈਏ ਕਿ ਇਸ ਵਿੱਚ ਰੂਸ, ਰੋਮਾਨੀਆ, ਕਜ਼ਾਕਿਸਤਾਨ, ਕਰੋਸ਼ੀਆ, ਵੀਅਤਨਾਮ, ਤਾਈਵਾਨ, ਥਾਈਲੈਂਡ, ਪਨਾਮਾ, ਇਰਾਨ, ਮਾਲਦੀਵ, ਮਲੇਸ਼ੀਆ, ਕੀਨੀਆ, ਘਾਨਾ ਅਤੇ ਇਥੋਪੀਆ ਦੇ ਕਲਾਕਾਰ ਝਾਂਕੀ ਪੇਸ਼ ਕਰਨਗੇ। ਇਸ ਤੋਂ ਪਹਿਲਾਂ ਅੱਜ ਸਵੇਰੇ ਸੱਭਿਆਚਾਰ ਪਰੇਡ ਦੀ ਰਿਹਰਸਲ ਕਰਵਾਈ ਗਈ। ਇਹ ਪਰੇਡ ਸ਼ਾਮ 4 ਵਜੇ ਸ਼ੁਰੂ ਹੋਵੇਗੀ। ਸਾਰੇ ਦੇਸ਼ਾਂ ਦੇ ਕਲਾਕਾਰ ਰਵਾਇਤੀ ਸੰਗੀਤ ਯੰਤਰਾਂ ਅਤੇ ਪੁਸ਼ਾਕਾਂ ਦੇ ਨਾਲ ਝਾਂਕੀ ਪੇਸ਼ ਕਰਨਗੇ।