- ਪ੍ਰਸ਼ੰਸਕ ਐਮਕੇ ਭਾਟੀਆ ਨੇ ਕਿਹਾ- ਟੀਮ ਇੰਡੀਆ ਵਿਸ਼ਵ ਚੈਂਪੀਅਨ ਬਣੇਗੀ
ਪੰਚਕੂਲਾ, 18 ਨਵੰਬਰ 2023 (ਬਲਜੀਤ ਮਰਵਾਹਾ) – ਵਨਡੇ ਵਿਸ਼ਵ ਕੱਪ-2023 ਦਾ ਫਾਈਨਲ ਮੈਚ ਐਤਵਾਰ ਨੂੰ ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਖੇਡਿਆ ਜਾਵੇਗਾ। ਇਸ ਮੈਚ ਨਾਲ ਕਰੋੜਾਂ ਭਾਰਤੀ ਪ੍ਰਸ਼ੰਸਕਾਂ ਦੀਆਂ ਉਮੀਦਾਂ ਜੁੜੀਆਂ ਹੋਈਆਂ ਹਨ। ਅਜਿਹੇ ‘ਚ ਟੀਮ ਦੀ ਜਿੱਤ ਲਈ ਟ੍ਰਾਈਸਿਟੀ ਦੇ ਮਿਟਸ ਐਂਟਰਟੇਨਮੈਂਟ ‘ਚ ਸਵੇਰੇ ਵਿਸ਼ੇਸ਼ ਹਵਨ ਪੂਜਾ ਕੀਤੀ ਗਈ।
ਐਮ ਕੇ ਭਾਟੀਆ ਨੇ ਦੱਸਿਆ ਕਿ ਸੈਮੀਫਾਈਨਲ ਤੋਂ ਪਹਿਲਾਂ ਵੀ ਉਨ੍ਹਾਂ ਨੇ ਹਵਨ ਕੀਤਾ ਸੀ ਅਤੇ ਇਸ ਮੌਕੇ ਪੂਰੇ ਦੇਸ਼ ਨੂੰ ਭਾਰਤੀ ਖਿਡਾਰੀਆਂ ਤੋਂ ਉਮੀਦਾਂ ਹਨ ਅਤੇ ਅਸੀਂ 11ਵੀਂ ਜਿੱਤ ਲਈ ਲਗਾਤਾਰ 11 ਘੰਟੇ ਹਵਨ ਕਰ ਕੇ ਭਾਰਤੀ ਟੀਮ ਦੀ ਜਿੱਤ ਲਈ ਅਰਦਾਸ ਕਰ ਰਹੇ ਹਾਂ। ਪੰਚਕੂਲਾ ਵਿੱਚ ਵਿਸ਼ਵ ਕੱਪ ਜਿੱਤ ਲਈ ਉਹ ਇਹ ਵਿਸ਼ੇਸ਼ ਹਵਨ ਕਰ ਰਹੇ ਹਨ। ਪੂਰੇ ਦੇਸ਼ ਦੇ 140 ਕਰੋੜ ਲੋਕਾਂ ਦਾ ਆਸ਼ੀਰਵਾਦ ਭਾਰਤੀ ਟੀਮ ਦੇ ਨਾਲ ਹੈ, ਭਾਟੀਆ ਨੇ ਕਿਹਾ ਕਿ ਦੁਨੀਆ ਦੀ ਕੋਈ ਵੀ ਤਾਕਤ ਭਾਰਤ ਦੀ ਜਿੱਤ ਨੂੰ ਰੋਕ ਨਹੀਂ ਸਕੇਗੀ।












