660 ਕਰੋੜ ਦਾ ਅੰਕੜਾ ਪਾਰ ਕਰ ਚੁੱਕੀ ਬੌਲੀਵੁੱਡ ਫਿਲਮ ਐਨੀਮਲ ਦਾ ਸਭ ਤੋਂ ਮਸ਼ਹੂਰ ਗੀਤ ਅਰਜਨ ਵੈਲੀ ਵਿਵਾਦਾਂ ਵਿੱਚ ਘਿਰ ਗਿਆ ਹੈ। ਪੰਜਾਬੀ ਗਾਇਕ ਗੁਰਮੀਤ ਮੀਤ ਨੇ ਫਿਲਮ ‘ਚ ਗੀਤ ਗਾਉਣ ਵਾਲੇ ਭੁਪਿੰਦਰ ਬੱਬਲ ਅਤੇ ਫਿਲਮ ਦੀ ਕਾਸਟ ਨੂੰ ਨੋਟਿਸ ਭੇਜਿਆ ਹੈ। ਗੁਰਮੀਤ ਨੇ ਮੰਗ ਕੀਤੀ ਹੈ ਕਿ ਇਸ ਗੀਤ ਨੂੰ ਲਿਖਣ ਵਾਲੇ ਦੇਵ ਥਰੀਕੇ ਦਾ ਨਾਂ ਵੀ ਜੋੜਿਆ ਜਾਵੇ।
ਗੁਰਮੀਤ ਮੀਤ ਨੇ ਦੱਸਿਆ ਕਿ ਇਸ ਗੀਤ ਨੂੰ ਮਸ਼ਹੂਰ ਲੇਖਕ ਦੇਵ ਥਰੀਕੇ ਨੇ ਲਿਖਿਆ ਹੈ। ਉਸ ਨੇ ਉਹਨਾਂ ਕਈ ਗੀਤ ਗਾਏ ਹਨ ਅਤੇ ਇਹ ਗੀਤ ਉਸ ਨੇ 2015 ਵਿੱਚ ਕੇਪੰਜ ਐਂਟਰਟੇਨਰਜ਼ ਦੇ ਬੈਨਰ ਹੇਠ ਗਾਇਆ ਸੀ ਪਰ ਇਸ ਗੀਤ ਨੂੰ ਇੰਟਰਨੈੱਟ ਤੋਂ ਚੋਰੀ ਕਰਕੇ ਭੁਪਿੰਦਰ ਬੱਬਲ ਨੇ ਗਾਇਆ ਅਤੇ ਫ਼ਿਲਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਜੇਕਰ ਅਜਿਹਾ ਵਰਤਾਰਾ ਹੁਣ ਨਾ ਰੋਕਿਆ ਗਿਆ ਤਾਂ ਆਉਣ ਵਾਲੇ ਸਮੇਂ ਵਿੱਚ ਕੋਈ ਵੀ ਪੰਜਾਬੀ ਸੱਭਿਆਚਾਰ ਨਾਲ ਸਬੰਧਤ ਗੀਤਾਂ ਨੂੰ ਚੁੱਕ ਲਵੇਗਾ।
ਗਾਇਕ ਗੁਰਮੀਤ ਮੀਤ ਨੇ ਦੱਸਿਆ ਕਿ ਫਿਲਹਾਲ ਕੇ ਐਂਟਰਟੇਨਰਜ਼ ਅਤੇ ਪੂਰੀ ਟੀਮ ਵੱਲੋਂ ਟੀ-ਸੀਰੀਜ਼ ਅਤੇ ਫਿਲਮ ਦੀ ਕਾਸਟ ਨੂੰ ਕਾਨੂੰਨੀ ਨੋਟਿਸ ਭੇਜਿਆ ਗਿਆ ਹੈ। ਨੋਟਿਸ ਦੇ ਜਵਾਬ ਦੀ ਅਜੇ ਉਡੀਕ ਹੈ। ਇਸ ਤੋਂ ਬਾਅਦ ਪੂਰੀ ਟੀਮ ਅਗਲੇਰੀ ਕਾਨੂੰਨੀ ਕਾਰਵਾਈ ਦੀ ਯੋਜਨਾ ਬਣਾਏਗੀ।
