ਕੀ ਹੈ ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ
ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ, ਸਾਲਾਨਾ ਹਵਾਲਾ ਕਿਤਾਬ ਹੈ, ਜਿਸ ਵਿੱਚ ਸੰਸਾਰ ਅਤੇ ਇਸਦੇ ਨਿਵਾਸੀਆਂ ਬਾਰੇ ਹਰ ਕਿਸਮ ਦੇ ਰਿਕਾਰਡ ਸ਼ਾਮਿਲ ਹਨ। ਦੁਨੀਆ ਭਰ ਵਿੱਚ ਪ੍ਰਕਾਸ਼ਿਤ, ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡਸ ਦਾ 40 ਤੋਂ ਵੱਧ ਭਾਸ਼ਾਵਾਂ ਵਿੱਚ ਅਨੁਵਾਦ ਕੀਤਾ ਗਿਆ ਹੈ। ਇਹ ਪ੍ਰਕਾਸ਼ਨ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲੀਆਂ ਕਾਪੀਰਾਈਟ ਕਿਤਾਬਾਂ ਵਿੱਚੋਂ ਇੱਕ ਹੈ, ਅਤੇ ਇਹ 1955 ਵਿੱਚ ਪਹਿਲੀ ਵਾਰ ਰਿਲੀਜ਼ ਹੋਣ ਤੋਂ ਬਾਅਦ ਹਰ ਸਾਲ ਔਸਤਨ 3.5 ਮਿਲੀਅਨ ਕਿਤਾਬਾਂ ਅਤੇ 150 ਮਿਲੀਅਨ ਤੋਂ ਵੱਧ ਕਾਪੀਆਂ ਵੇਚਦੀ ਹੈ। ਇਹ ਕਿਤਾਬ ਇਸਦੀਆਂ ਸੂਚੀਆਂ ਅਤੇ ਸੰਬੰਧਿਤ ਰਿਕਾਰਡਾਂ ਦੇ ਵਰਣਨ ਲਈ ਸਭ ਤੋਂ ਵੱਧ ਜਾਣੀ ਜਾਂਦੀ ਹੈ।
ਦੱਸ ਦਈਏ ਕਿ ਇਸ ਵਿੱਚ ਆਕਾਰ, ਗਤੀ ਅਤੇ ਦੂਰੀ ਦੀਆਂ ਵੱਖੋ ਵੱਖਰੀਆਂ ਹੱਦਾਂ (ਜਿਵੇਂ ਕਿ ਦੁਨੀਆ ਦਾ ਸਭ ਤੋਂ ਲੰਬਾ ਵਿਅਕਤੀ, ਸਭ ਤੋਂ ਭਾਰਾ ਪਿਆਜ਼, ਸਭ ਤੋਂ ਤੇਜ਼ ਜਾਨਵਰ, ਅਤੇ ਸਭ ਤੋਂ ਰਿਮੋਟ ਮਨੁੱਖ ਦੁਆਰਾ ਬਣਾਈ ਗਈ ਵਸਤੂ) ਅਤੇ ਮੁਕਾਬਲੇ ਵਾਲੀਆਂ ਚੁਣੌਤੀਆਂ (ਜਿਵੇਂ ਕਿ) ਸਭ ਤੋਂ ਵੱਧ ਸਿੱਕੇ 30 ਸਕਿੰਟਾਂ ਵਿੱਚ ਇਕੱਠੇ ਕੀਤੇ ਗਏ ਆਦਿ ਰਿਕਾਰਡਾਂ ਦਾ ਵਰਣਨ ਹੈ।
ਇਤਿਹਾਸ
ਇਹ 1951 ਦੀ ਗੱਲ ਹੈ। ਇੱਕ ਦਿਨ ਹਿਊਗ ਬੀਵਰ ਆਪਣੇ ਦੋਸਤਾਂ ਨਾਲ ਪੰਛੀਆਂ ਦਾ ਸ਼ਿਕਾਰ ਕਰਨ ਗਿਆ। ਇਸ ਤੋਂ ਪਹਿਲਾਂ ਕਿ ਦੋਸਤਾਂ ਦਾ ਇਹ ਸ਼ਿਕਾਰੀ ਟੋਲਾ ਕੁਝ ਸਮਝ ਪਾਉਂਦਾ, ਪੰਛੀਆਂ ਦਾ ਝੁੰਡ ਬੜੀ ਤੇਜ਼ੀ ਨਾਲ ਉਨ੍ਹਾਂ ਕੋਲੋਂ ਲੰਘ ਗਿਆ। ਹਿਊਗ ਅਤੇ ਉਸ ਦੇ ਦੋਸਤ ਹੈਰਾਨ ਸਨ ਕਿ ਇਹ ਕਿਹੜਾ ਪੰਛੀ ਹੈ ਜੋ ਇੰਨੀ ਤੇਜ਼ੀ ਨਾਲ ਉੱਡਦਾ ਹੈ। ਕਿਸੇ ਨੇ ਕਿਹਾ,ਕੋਈ ਪੰਥੀ “ਤੇ ਕਿਸੇ ਨੇ ਤਿੱਤਰ ਦਾ ਨਾਂ ਲਿਆ, ਪਰ ਗੱਲ ਕਿਸੇ ਸਿੱਟੇ ‘ਤੇ ਨਾ ਪਹੁੰਚੀ। ਆਪਣੀ ਪੂਰੀ ਕੋਸ਼ਿਸ਼ ਦੇ ਬਾਵਜੂਦ, ਹਿਊਗ ਕਿਸੇ ਵੀ ਕਿਤਾਬ ਵਿੱਚ ਇਸ ਬਾਰੇ ਜਾਣਕਾਰੀ ਨਹੀਂ ਲੱਭ ਸਕਿਆ। ਹਿਊਗ ਨੇ ਆਪਣਾ ਕੰਮ ਜਾਰੀ ਰੱਖਿਆ। 1954 ਵਿੱਚ, ਉਸਨੇ ਇੱਕ ਕਿਤਾਬ ਵਿੱਚ ਸਵਾਲ ਦਾ ਜਵਾਬ ਲੱਭ ਲਿਆ, ਪਰ ਉਹ ਵੀ ਬਹੁਤ ਪ੍ਰਮਾਣਿਕ ਨਹੀਂ ਸੀ।
ਇਸ ਘਟਨਾ ਨੇ ਹਿਊਗ ਬੀਵਰ ਦੇ ਮਨ ਵਿਚ ਇਹ ਗੱਲ ਆ ਗਈ ਕਿ ਉਸ ਵਾਂਗ ਕਈ ਲੋਕਾਂ ਦੇ ਮਨ ਵਿਚ ਅਜਿਹੇ ਸਵਾਲ ਹੋਣਗੇ ਅਤੇ ਜਵਾਬ ਨਾ ਮਿਲਣ ‘ਤੇ ਉਹ ਬੇਹੱਦ ਨਿਰਾਸ਼ ਹੋਣਗੇ। ਹਿਊਗ ਨੇ ਆਪਣੇ ਦੋਸਤਾਂ ਨਾਲ ਇਸ ਬਾਰੇ ਚਰਚਾ ਕੀਤੀ। ਦੋਸਤਾਂ ਨੇ ਉਸਨੂੰ ਨੋਰਿਸ ਅਤੇ ਰੌਸ ਮੈਕਵਰਟਰ ਦੇ ਪਤੇ ਦਿੱਤੇ, ਜੋ ਲੰਡਨ ਵਿੱਚ ਡੇਟਾ ਇਕੱਠਾ ਕਰ ਰਹੇ ਸਨ।
ਤਿੰਨਾਂ ਨੇ ਮਿਲ ਕੇ 1955 ਵਿੱਚ ਪਹਿਲਾ ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਸਾਹਮਣੇ ਲਿਆਂਦਾ ।
ਲਿਮਕਾ ਬੁੱਕ ਆਫ਼ ਰਿਕਾਰਡਜ਼
ਭਾਵੇਂ ਦੇਸ਼ ਵਿੱਚ ਕੋਈ ਸਰਕਾਰੀ ਰਿਕਾਰਡ ਬੁੱਕ ਨਹੀਂ ਹੈ ਪਰ ਰਿਕਾਰਡ ਰੱਖਣ ਦਾ ਕੰਮ 1990 ਤੋਂ ਲਿਮਕਾ ਬੁੱਕ ਆਫ਼ ਰਿਕਾਰਡਜ਼ ਵੱਲੋਂ ਕੀਤਾ ਜਾ ਰਿਹਾ ਹੈ। ਦੇਸ਼ ਪੱਧਰ ‘ਤੇ ਕੋਈ ਵੀ ਰਿਕਾਰਡ ਬਣਾਉਣ ਲਈ, ਉਸ ਵਿਚ ਦਰਜ ਕਰਨ ਲਈ ਗਿਨੀਜ਼ ਬੁੱਕ ਆਫ਼ ਰਿਕਾਰਡ ਵਰਗੀ ਪ੍ਰਣਾਲੀ ਹੈ। ਜੇਕਰ ਤੁਸੀਂ ਕਮਾਲ ਕਰ ਦਿੱਤਾ ਹੈ ਤਾਂ ਲਿਮਕਾ ਬੁੱਕ ਆਫ ਰਿਕਾਰਡਸ ਲਈ ਤਿਆਰੀ ਕਰੋ।
