ਚੰਡੀਗੜ੍ਹ, 26 ਜਨਵਰੀ 2022 – ਹਰਿਆਣਾ ਦੇ ਗ੍ਰਹਿ ਮੰਤਰੀ ਅਨਿਲ ਵਿਜ ਨੇ ਗਣਤੰਤਰ ਦਿਵਸ ‘ਤੇ ਪ੍ਰੈੱਸ ਕਾਨਫਰੰਸ ਕਰਕੇ 5 ਸੂਬਿਆਂ ਦੀਆਂ ਚੋਣਾਂ ਅਤੇ ਕਾਂਗਰਸ ‘ਤੇ ਸ਼ਬਦੀ ਨਿਸ਼ਾਨੇ ਸਾਧੇ। ਪੰਜਾਬ ‘ਚ ਈਡੀ ਦੀ ਛਾਪੇਮਾਰੀ ‘ਤੇ ਬੋਲਦਿਆਂ ਕਿਹਾ ਕਿ ਜੇਕਰ ਪੰਜਾਬ ਦੇ ਮੁੱਖ ਮੰਤਰੀ ਆਪਣੀ ਥਾਂ ‘ਤੇ ਸਹੀ ਹਨ ਤਾਂ ਜਾਂਚ ‘ਚ ਈਡੀ ਨੂੰ ਸਹਿਯੋਗ ਦੇਣ ਅਤੇ ਰੌਲਾ ਪਾਉਣਾ ਬੰਦ ਕਰਨ।
ਉਨ੍ਹਾਂ ਦਾਅਵਾ ਕੀਤਾ ਕਿ ਪੰਜਾਂ ਰਾਜਾਂ ਵਿੱਚ ਭਾਜਪਾ ਦੀ ਸਰਕਾਰ ਬਣੇਗੀ। ਸਾਬਕਾ ਸੀਐਮ ਭੁਪਿੰਦਰ ਸਿੰਘ ਹੁੱਡਾ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਸ਼ਾਸਨ ‘ਚ ਹਰ ਮਾੜੇ ਕੰਮ ਨੂੰ ਦਬਾ ਦਿੱਤਾ ਗਿਆ। ਅਸੀਂ ਧਿਆਨ ਦੇ ਕੇ ਹਰ ਆਵਾਜ਼ ਦੀ ਜਾਂਚ ਕਰਵਾਈ ਹੈ। ਭ੍ਰਿਸ਼ਟ ਲੋਕਾਂ ‘ਤੇ ਕੇਸ ਦਰਜ ਕੀਤੇ ਗਏ ਹਨ, ਉਨ੍ਹਾਂ ਨੂੰ ਜੇਲ੍ਹਾਂ ‘ਚ ਡੱਕ ਦਿੱਤਾ ਗਿਆ ਹੈ।
