ਹਿਮਾਚਲ ਸਰਕਾਰ ਨੇ ਕਾਂਸਟੇਬਲ ਦੀਆਂ 1228 ਅਸਾਮੀਆਂ ਦੀ ਭਰਤੀ ਤੋਂ ਪਹਿਲਾਂ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਕਾਂਸਟੇਬਲ ਬਣਨ ਲਈ ਸਾਰੀਆਂ ਸ਼੍ਰੇਣੀਆਂ ਵਿੱਚ ਕੱਦ ਇੱਕ ਇੰਚ ਵਧਾ ਦਿੱਤਾ ਗਿਆ ਹੈ। ਵੱਡੀ ਗੱਲ ਇਹ ਹੈ ਕਿ ਜਿਨ੍ਹਾਂ ਨੌਜਵਾਨਾਂ ਦਾ ਕੱਦ 5.7 ਫੁੱਟ ਤੋਂ ਵੱਧ ਹੈ, ਉਨ੍ਹਾਂ ਨੂੰ ਵਾਧੂ ਅੰਕ ਮਿਲਣਗੇ। ਜਿਸ ਦੀ ਉਚਾਈ ਛੇ ਫੁੱਟ ਜਾਂ ਇਸ ਤੋਂ ਵੱਧ ਹੈ, ਉਸ ਨੂੰ 6 ਵਾਧੂ ਅੰਕ ਮਿਲਣਗੇ।
ਕਾਂਸਟੇਬਲ ਵਜੋਂ ਭਰਤੀ ਹੋਣ ਲਈ ਜਨਰਲ ਵਰਗ ਦੇ ਪੁਰਸ਼ਾਂ ਲਈ ਕੱਦ 5.6 ਫੁੱਟ, ਰਿਜ਼ਰਵ ਸ਼੍ਰੇਣੀ ਲਈ 5.4 ਫੁੱਟ ਅਤੇ ਔਰਤਾਂ ਲਈ 5.2 ਫੁੱਟ ਹੋਣੀ ਚਾਹੀਦੀ ਹੈ। ਜਿਨ੍ਹਾਂ ਨੌਜਵਾਨਾਂ ਦਾ ਕੱਦ 5.6 ਫੁੱਟ ਹੈ, ਉਨ੍ਹਾਂ ਨੂੰ ਭਰਤੀ ਵਿੱਚ ਵਾਧੂ ਅੰਕ ਨਹੀਂ ਮਿਲਣਗੇ, ਪਰ ਜਿਨ੍ਹਾਂ ਉਮੀਦਵਾਰਾਂ ਦਾ ਕੱਦ 5.7 ਫੁੱਟ ਤੋਂ 5.8 ਫੁੱਟ ਹੈ, ਉਨ੍ਹਾਂ ਨੂੰ ਇੱਕ ਵਾਧੂ ਅੰਕ ਮਿਲੇਗਾ।
ਦੱਸ ਦਈਏ ਕਿ 5.8 ਫੁੱਟ ਤੋਂ 5.9 ਫੁੱਟ ਦਰਮਿਆਨ ਕੱਦ ਵਾਲੇ ਉਮੀਦਵਾਰਾਂ ਨੂੰ 2 ਅੰਕ, 5.9 ਫੁੱਟ ਤੋਂ 5.10 ਫੁੱਟ ਦਰਮਿਆਨ ਕੱਦ ਵਾਲੇ ਉਮੀਦਵਾਰਾਂ ਨੂੰ 3 ਅੰਕ, 5.10 ਫੁੱਟ ਤੋਂ 5.11 ਫੁੱਟ ਦਰਮਿਆਨ ਕੱਦ ਵਾਲੇ ਉਮੀਦਵਾਰਾਂ ਨੂੰ 4 ਅੰਕ ਅਤੇ 5.11 ਫੁੱਟ ਦਰਮਿਆਨ ਕੱਦ ਵਾਲੇ ਉਮੀਦਵਾਰਾਂ ਨੂੰ 4 ਅੰਕ ਮਿਲਣਗੇ। 6 ਫੁੱਟ ਵਾਲੇ ਨੌਜਵਾਨਾਂ ਨੂੰ 5 ਅੰਕ ਮਿਲਣਗੇ ਅਤੇ 6 ਫੁੱਟ ਜਾਂ ਇਸ ਤੋਂ ਵੱਧ ਉਚਾਈ ਵਾਲੇ ਨੂੰ 6 ਵਾਧੂ ਅੰਕ ਮਿਲਣਗੇ।
ਇਸਤੋਂ ਇਲਾਵਾ ਗਰਾਊਂਡ ਟੈਸਟ ‘ਚ ਸਰਕਾਰ ਨੇ ਪੁਰਸ਼ ਉਮੀਦਵਾਰਾਂ ਲਈ 1500 ਮੀਟਰ ਦੀ ਦੌੜ ਤੈਅ ਕੀਤੀ ਹੈ, ਜਿਸ ਨੂੰ 5.30 ਮਿੰਟ ‘ਚ ਪੂਰਾ ਕਰਨਾ ਹੋਵੇਗਾ। ਇਸ ਦੇ ਨਾਲ ਹੀ ਮਹਿਲਾਵਾਂ ਨੂੰ 800 ਮੀਟਰ ਦੀ ਦੌੜ 3.45 ਮਿੰਟ ਵਿੱਚ ਪੂਰੀ ਕਰਨੀ ਹੋਵੇਗੀ। ਪੁਰਸ਼ਾਂ ਨੂੰ 1.35 ਮੀਟਰ ਅਤੇ ਔਰਤਾਂ ਨੂੰ 1.10 ਮੀਟਰ ਦੀ ਛਾਲ ਮਾਰਨੀ ਪਵੇਗੀ।
ਇਸ ਦੇ ਨਾਲ ਹੀ ਪੁਰਸ਼ਾਂ ਨੂੰ 4 ਮੀਟਰ ਲੰਬੀ ਅਤੇ ਔਰਤਾਂ ਨੂੰ 3 ਮੀਟਰ ਲੰਬੀ ਛਾਲ ਮਾਰਨੀ ਪਵੇਗੀ। ਪੁਰਸ਼ਾਂ ਲਈ 14 ਸੈਕਿੰਡ ਅਤੇ ਔਰਤਾਂ ਲਈ 17 ਸੈਕਿੰਡ ਵਿੱਚ 100 ਮੀਟਰ ਦੌੜ ਪੂਰੀ ਕਰਨ ਦੀ ਸ਼ਰਤ ਰੱਖੀ ਗਈ ਹੈ।ਜਿਨ੍ਹਾਂ ਨੌਜਵਾਨਾਂ ਕੋਲ ਐੱਨ.ਸੀ.ਸੀ. ਸਰਟੀਫਿਕੇਟ ਹੈ, ਉਨ੍ਹਾਂ ਨੂੰ ਵੀ ਇਸ ਲਈ ਅੰਕ ਦਿੱਤੇ ਜਾਣਗੇ। A-ਸਰਟੀਫਿਕੇਟ ਨੂੰ 1 ਅੰਕ, B ਸਰਟੀਫਿਕੇਟ ਨੂੰ 2 ਅੰਕ ਅਤੇ C ਸਰਟੀਫਿਕੇਟ ਨੂੰ 3 ਅੰਕ ਮਿਲਣਗੇ। ਜਿਸ ਉਮੀਦਵਾਰ ਕੋਲ ਸਾਰੇ ਸਰਟੀਫਿਕੇਟ ਹੋਣਗੇ, ਉਸ ਨੂੰ 4 ਅੰਕ ਦਿੱਤੇ ਜਾਣਗੇ।
ਹਿਮਾਚਲ ਮੰਤਰੀ ਮੰਡਲ ਨੇ ਕਾਂਸਟੇਬਲ ਦੀਆਂ 1228 ਅਸਾਮੀਆਂ ਭਰਨ ਦੀ ਪ੍ਰਵਾਨਗੀ ਦੇ ਦਿੱਤੀ ਹੈ। ਇਨ੍ਹਾਂ ਵਿੱਚੋਂ 30 ਫੀਸਦੀ ਅਸਾਮੀਆਂ ਔਰਤਾਂ ਵਿੱਚੋਂ ਭਰੀਆਂ ਜਾਣਗੀਆਂ। ਪੁਲਿਸ ਹੈੱਡਕੁਆਰਟਰ ਵਿਖੇ ਭਰਤੀ ਦੀਆਂ ਰਸਮਾਂ ਪੂਰੀਆਂ ਕੀਤੀਆਂ ਜਾ ਰਹੀਆਂ ਹਨ।
