ਅਮਿਤਾਭ ਬੱਚਨ ਨੇ ਅਯੁੱਧਿਆ ‘ਚ ਰਾਮ ਮੰਦਰ ‘ਪ੍ਰਾਣ ਪ੍ਰਤਿਸ਼ਠਾ’ ਸਮਾਰੋਹ ਤੋਂ ਪਹਿਲਾਂ 14.5 ਕਰੋੜ ਰੁਪਏ ਦਾ ਪਲਾਟ ਖਰੀਦਿਆ ਹੈ। ਇਲਾਹਾਬਾਦ (ਹੁਣ ਪ੍ਰਯਾਗਰਾਜ) ਵਿੱਚ ਜਨਮੇ ਅਨੁਭਵੀ ਅਦਾਕਾਰ ਨੇ ਇਹ ਨਿਵੇਸ਼ ‘ਦਿ ਸਰਯੂ’ ਵਿੱਚ ਕੀਤਾ ਹੈ, ਜੋ ਕਿ ਮੁੰਬਈ ਸਥਿਤ ਡਿਵੈਲਪਰ ਦ ਹਾਊਸ ਆਫ਼ ਅਭਿਨੰਦਨ ਲੋਢਾ ਦੇ ਇੱਕ 7 ਸਟਾਰ ਮਿਕਸਡ ਯੂਜ਼ ਇਨਕਲੇਵ ਹੈ।
ਮਿੰਟ ਦੀ ਰਿਪੋਰਟ ਮੁਤਾਬਕ ਅਮਿਤਾਭ ਨੇ 51 ਏਕੜ ‘ਚ ਫੈਲੇ ‘ਦਿ ਸਰਯੂ’ ‘ਚ 10 ਹਜ਼ਾਰ ਵਰਗ ਫੁੱਟ ਦਾ ਪਲਾਟ ਖਰੀਦਿਆ ਹੈ। ਉਹ ਇਸ ‘ਤੇ ਆਪਣਾ ਘਰ ਬਣਾਏਗਾ। ਸਰਯੂ ਦਾ ਉਦਘਾਟਨ ਵੀ 22 ਜਨਵਰੀ ਨੂੰ ਹੋਵੇਗਾ, ਜਿਸ ਦਿਨ ਰਾਮ ਮੰਦਰ ਦਾ ‘ਪ੍ਰਾਣ ਪ੍ਰਤਿਸ਼ਠਾ’ ਸਮਾਰੋਹ ਹੋਣਾ ਹੈ। ਇਸ ਦਿਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਯੋਧਿਆ ‘ਚ ਸ਼੍ਰੀ ਰਾਮ ਮੰਦਰ ਦਾ ਉਦਘਾਟਨ ਕਰਨਗੇ।
ਦੱਸ ਦਈਏ ਕਿ ਇਸ ਪ੍ਰੋਜੈਕਟ ਵਿੱਚ ਨਿਵੇਸ਼ ਕਰਨ ਬਾਰੇ HT ਨਾਲ ਗੱਲ ਕਰਦੇ ਹੋਏ, ਅਮਿਤਾਭ ਨੇ ਕਿਹਾ, ‘ਮੈਂ ਅਯੁੱਧਿਆ ਵਿੱਚ ‘ਦਿ ਸਰਯੂ’ ਨਾਲ ਇਸ ਯਾਤਰਾ ਦੀ ਸ਼ੁਰੂਆਤ ਕਰਨ ਲਈ ਉਤਸ਼ਾਹਿਤ ਹਾਂ। ਇਹ ਇੱਕ ਅਜਿਹਾ ਸ਼ਹਿਰ ਹੈ ਜੋ ਮੇਰੇ ਦਿਲ ਦੇ ਨੇੜੇ ਹੈ। ਅਯੁੱਧਿਆ ਦੀ ਅਧਿਆਤਮਿਕਤਾ ਅਤੇ ਸੱਭਿਆਚਾਰਕ ਅਮੀਰੀ ਨੇ ਇੱਕ ਭਾਵਨਾਤਮਕ ਸਬੰਧ ਬਣਾਇਆ ਹੈ। ਮੈਂ ਇਸ ਵਿਸ਼ਵ ਅਧਿਆਤਮਿਕ ਰਾਜਧਾਨੀ ਵਿੱਚ ਆਪਣਾ ਘਰ ਬਣਾਉਣ ਲਈ ਉਤਸ਼ਾਹਿਤ ਹਾਂ।
\ਦੂਜੇ ਪਾਸੇ ਕੰਪਨੀ ਇਸ ਨੂੰ ਆਪਣੇ ਲਈ ਮੀਲ ਦਾ ਪੱਥਰ ਵੀ ਦੱਸ ਰਹੀ ਹੈ। ਉਸ ਦਾ ਕਹਿਣਾ ਹੈ ਕਿ ਉਹ ‘ਦਿ ਸਰਯੂ’ ਵਿੱਚ ਅਮਿਤਾਭ ਦਾ ਪਹਿਲੇ ਨਾਗਰਿਕ ਵਜੋਂ ਸਵਾਗਤ ਕਰਨ ਲਈ ਬਹੁਤ ਉਤਸ਼ਾਹਿਤ ਹੈ। ‘ਦਿ ਸਰਯੂ’ ਰਾਮ ਮੰਦਰ ਤੋਂ 15 ਮਿੰਟ ਅਤੇ ਅਯੁੱਧਿਆ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ 30 ਮਿੰਟ ਦੀ ਦੂਰੀ ‘ਤੇ ਹੈ।
