ਕਰਨਾਟਕ ਦੇ ਸਾਬਕਾ ਮੁੱਖ ਮੰਤਰੀ ਬੀਐਸ ਯੇਦੀਯੁਰੱਪਾ ਦੀ ਦੋਹਤੀ ਨੇ ਸ਼ੁੱਕਰਵਾਰ ਨੂੰ ਖੁਦਕੁਸ਼ੀ ਕਰ ਲਈ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੌਂਦਰਿਆ ਦੀ ਲਾਸ਼ ਉਨ੍ਹਾਂ ਦੇ ਅਪਾਰਟਮੈਂਟ ਵਿੱਚ ਲਟਕਦੀ ਮਿਲੀ। ਸੂਚਨਾ ਮਿਲਣ ‘ਤੇ ਪਹੁੰਚੀ ਪੁਲਸ ਨੇ ਸੁੰਦਰਿਆ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਬੋਰਿੰਗ ਅਤੇ ਲੇਡੀ ਕਰਜ਼ਨ ਹਸਪਤਾਲ ਭੇਜ ਦਿੱਤਾ ਹੈ।
ਦਸ ਦਈਏ ਕੀ ਸੌਂਦਰਿਆ ਯੇਦੀਯੁਰੱਪਾ ਦੀ ਦੂਜੀ ਧੀ ਪਦਮਾਵਤੀ ਦੀ ਧੀ ਸੀ। ਸੌਂਦਰਿਆ ਮਾਊਂਟ ਕਾਰਮਲ ਕਾਲਜ, ਵਸੰਤ ਨਗਰ ਵਿੱਚ ਰਹਿੰਦੀ ਸੀ ਅਤੇ ਰਾਮਈਆ ਹਸਪਤਾਲ ਵਿੱਚ ਡਾਕਟਰ ਸੀ। ਸੌਂਦਰਿਆ ਦਾ ਵਿਆਹ 2018 ਵਿੱਚ ਡਾਕਟਰ ਨੀਰਜ ਨਾਲ ਹੋਇਆ ਸੀ। 30 ਸਾਲਾ ਸੌਂਦਰਿਆ ਦਾ 4 ਮਹੀਨੇ ਦਾ ਬੱਚਾ ਹੈ। ਸੂਤਰਾਂ ਮੁਤਾਬਕ, ਸੌਂਦਰਿਆ ਗਰਭ ਅਵਸਥਾ ਤੋਂ ਬਾਅਦ ਡਿਪ੍ਰੈਸ਼ਨ ਨਾਲ ਜੂਝ ਰਹੀ ਸੀ ਜਿਸ ਦੇ ਚਲਦਿਆ ਉਸ ਨੇ ਅਜਿਹਾ ਕਦਮ ਚੁਕਿਆ।