ਨਵੀਂ ਦਿੱਲੀ: ਮੌਸਮ ਵਿਭਾਗ ਅਨੁਸਾਰ ਸ਼ਨਿੱਚਰਵਾਰ ਨੂੰ ਮੌਸਮ ਸਾਫ਼ ਰਹੇਗਾ ਤੇ ਦਿਨ ‘ਚ ਠੰਢ ਵੀ ਘੱਟ ਰਹੇਗੀ ਪਰ ਸ਼ਾਮ ਨੂੰ ਹਵਾ ਚੱਲਣ ਦੇ ਆਸਾਰ ਹਨ। ਉੱਥੇ ਹੀ ਫਰਵਰੀ ਦੀ ਸ਼ੁਰੂਆਤ ਮੀਂਹ ਦੇ ਨਾਲ ਹੋਣ ਦੇ ਆਸਾਰ ਹਨ। ਉੱਤਰ ਪੱਛਮੀ ਤੇ ਮੱਧ ਭਾਰਤ ‘ਚ ਸੀਤ ਲਹਿਰ ਸ਼ਨਿੱਚਰਵਾਰ ਤੋਂ ਬਾਅਦ ਘੱਟ ਹੋਣ ਦੀ ਸੰਭਾਵਨਾ ਹੈ, ਜਦ ਕਿ 2,3 ਫਰਵਰੀ ਨੂੰ ਮੀਂਹ ਪੈਣ ਦੇ ਆਸਾਰ ਹਨ।
ਸਕਾਈਮੈਟ ਵੈਦਰ ਦੇ ਅਧਿਕਾਰੀ ਨੇ ਦੱਸਿਆ ਕਿ ਦੋ ਤੋਂ ਚਾਰ ਫਰਵਰੀ ਦੇ ਵਿਚਕਾਰ ਜੰਮੂ-ਕਸ਼ਮੀਰ ਵੱਲ ਇਕ ਨਵਾਂ ਪੱਛਮੀ ਗਡ਼ਬਡ਼ ਪੈਦਾ ਹੋ ਰਿਹਾ ਹੈ। ਇਸ ਦੇ ਅਸਰ ਨਾਲ ਪਹਾਡ਼ਾਂ ‘ਚ ਬਰਫ਼ਬਾਰੀ ਹੋਵੇਗੀ. ਜਦਕਿ ਦਿੱਲੀ, ਹਰਿਆਣਾ, ਉੱਤਰ ਪ੍ਰਦੇਸ਼ ਤੇ ਪੰਜਾਬ ‘ਚ ਹਲਕਾ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਹਾਲਾਂਕਿ ਇਸ ਮੀਂਹ ਨਾਲ ਪਹਿਲਾਂ ਵਰਗੀ ਠੰਢ ਨਹੀਂ ਪਵੇਗੀ ਪਰ ਠੰਢ ‘ਚ ਥੋਡ਼੍ਹਾ ਵਾਧਾ ਜ਼ਰੂਰ ਹੋ ਸਕਦਾ ਹੈ।
