ਯੂਪੀ ਚੋਣਾਂ ਦੇ ਮੱਦੇਨਜ਼ਰ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਸ਼ਨੀਵਾਰ ਨੂੰ ਪੱਛਮੀ ਯੂਪੀ ਦੇ ਆਪਣੇ ਦੌਰੇ ਦੌਰਾਨ ਦੇਵਬੰਦ ਪਹੁੰਚੇ। ਅਮਿਤ ਸ਼ਾਹ ਪਹਿਲੀ ਵਾਰ ਦੇਵਬੰਦ ਗਏ ਪਰ ਇੱਥੇ ਸਿਰਫ਼ 17 ਮਿੰਟ ਰੁਕੇ। ਸ਼ਾਹ ਇੱਥੇ ਦੁਪਹਿਰ 2.32 ‘ਤੇ ਪਹੁੰਚੇ ਅਤੇ 2.49 ‘ਤੇ ਰਵਾਨਾ ਹੋਏ। ਉਥੋਂ ਸ਼ਾਹ ਸਿੱਧਾ ਸਹਾਰਨਪੁਰ ਲਈ ਰਵਾਨਾ ਹੋਏ।
ਸ਼ਾਹ ਦੇ ਸਮਰਥਨ ‘ਚ ਦੇਵਬੰਦ ਦੀਆਂ ਸੜਕਾਂ ‘ਤੇ ਭਾਰੀ ਭੀੜ ਇਕੱਠੀ ਹੋ ਗਈ। ਸ਼ਾਹ ਘਰ-ਘਰ ਪ੍ਰਚਾਰ ਕਰਨ ਗਏ ਸਨ ਪਰ ਭਾਰੀ ਭੀੜ ਕਾਰਨ ਉਨ੍ਹਾਂ ਦਾ ਪ੍ਰਚਾਰ ਅੱਧ ਵਿਚਾਲੇ ਹੀ ਰੋਕ ਦਿੱਤਾ ਗਿਆ। ਵਰਕਰਾਂ ਨਾਲ ਗੱਲਬਾਤ ਕਰਨ ਤੋਂ ਬਾਅਦ ਸ਼ਾਹ ਘਰ-ਘਰ ਜਨ ਸੰਪਰਕ ਲਈ ਰਵਾਨਾ ਹੋਏ। ਇੱਥੇ ਉਨ੍ਹਾਂ ਸ਼ਿਵ ਦੀ ਮੂਰਤੀ ਅੱਗੇ ਮੱਥਾ ਟੇਕਿਆ। ਸ਼ਾਹ ਨੇ ਇੱਥੇ ਘਰ-ਘਰ ਜਾ ਕੇ ਪ੍ਰਚਾਰ ਕੀਤਾ । ਸ਼ਾਹ ਨੇ ਸਦਰ ਵਿਧਾਨ ਸਭਾ ਹਲਕੇ ਤੋਂ ਪਾਰਟੀ ਦੇ ਉਮੀਦਵਾਰ ਕਪਿਲ ਦੇਵ ਅਗਰਵਾਲ ਦੇ ਸਮਰਥਨ ਵਿੱਚ ਵੋਟਾਂ ਮੰਗੀਆਂ।