ਆਮਿਰ ਖਾਨ ਅੱਜ ਯਾਨੀ ਕਿ 14 ਮਾਰਚ ਨੂੰ ਆਪਣਾ 59ਵਾਂ ਜਨਮਦਿਨ ਮਨਾ ਰਹੇ ਹਨ। ਇਸ ਦੌਰਾਨ ਆਮਿਰ ਖਾਨ ਸਾਬਕਾ ਪਤਨੀ ਕਿਰਨ ਰਾਓ ਅਤੇ ‘ਲਾਪਤਾ ਲੇਡੀਜ਼’ ਦੀ ਟੀਮ ਨਾਲ ਕੇਕ ਕੱਟਦੇ ਹੋਏ ਨਜ਼ਰ ਆਏ। ਇਸ ਦੌਰਾਨ ਆਮਿਰ ਨੇ ਮੀਡੀਆ ਨੂੰ ਵੀ ਸੰਬੋਧਨ ਕੀਤਾ।
ਇਸ ਮੌਕੇ ‘ਤੇ ਲਾਪਤਾ ਲੇਡੀਜ਼ ਸਟਾਰ ਸਪਰਸ਼ ਸ਼੍ਰੀਵਾਸਤਵ, ਨਿਤਾਂਸ਼ੀ ਗੋਇਲ ਅਤੇ ਪ੍ਰਤਿਭਾ ਰਤਨ ਵੀ ਮੌਜੂਦ ਸਨ। ਕੇਕ ਕੱਟਣ ਤੋਂ ਬਾਅਦ ਆਮਿਰ ਨੇ ਸਭ ਤੋਂ ਪਹਿਲਾਂ ਆਪਣੀ ਸਾਬਕਾ ਪਤਨੀ ਕਿਰਨ ਰਾਓ ਨੂੰ ਕੇਕ ਖੁਆਇਆ।
ਆਮਿਰ ਨੇ ਲੋਕਾਂ ਨੂੰ ‘ਲਾਪਤਾ ਲੇਡੀਜ਼’ ਦੇਖਣ ਦੀ ਅਪੀਲ ਕੀਤੀ। ਉਨ੍ਹਾਂ ਨੇ ਕਿਹਾ- ਜੇਕਰ ਤੁਸੀਂ ਇਕ ਟਿਕਟ ਖਰੀਦ ਕੇ ਫਿਲਮ ਦੇਖਦੇ ਹੋ ਤਾਂ ਇਹ ਮੇਰੇ ਲਈ ਜਨਮਦਿਨ ਦਾ ਤੋਹਫਾ ਹੋਵੇਗਾ। ਦੱਸ ਦੇਈਏ ਕਿ ਆਮਿਰ ਨੇ ਆਪਣਾ ਜਨਮਦਿਨ ਆਪਣੇ ਦਫਤਰ ‘ਚ ਹੀ ਮਨਾਇਆ। ਆਮਿਰ ਨੇ ਉੱਥੇ ਮੌਜੂਦ ਲੋਕਾਂ ਨੂੰ ਦੱਸਿਆ ਕਿ ‘ਲਾਪਤਾ ਲੇਡੀਜ਼’ ਆਮਿਰ ਖਾਨ ਪ੍ਰੋਡਕਸ਼ਨ ਦੀ ਹੁਣ ਤੱਕ ਦੀ ਸਭ ਤੋਂ ਵਧੀਆ ਫਿਲਮ ਹੈ।
