ਭਾਰਤ ਦੀ ਸਭ ਤੋਂ ਵੱਡੀ ਆਟੋ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਨੇ ਇੰਜਣ ਚ ਖਰਾਬੀ ਹੋਣ ਕਾਰਨ 16 ਹਜ਼ਾਰ ਕਾਰਾਂ ਵਾਪਸ ਮੰਗਵਾਈਆਂ ਹਨ। ਕੰਪਨੀ ਮੁਤਾਬਕ ਬਲੇਨੋ ਅਤੇ ਵੈਗਨਆਰ ਦੇ ਫਿਊਲ ਪੰਪ ਮੋਟਰ ‘ਚ ਖਰਾਬੀ ਆ ਗਈ ਹੈ।
ਦੱਸ ਦਈਏ ਕਿ ਕੰਪਨੀ 30 ਜੁਲਾਈ, 2019 ਅਤੇ 1 ਨਵੰਬਰ, 2019 ਦਰਮਿਆਨ ਨਿਰਮਿਤ ਬਲੇਨੋ ਦੀਆਂ 11,851 ਯੂਨਿਟਾਂ ਅਤੇ ਵੈਗਨਆਰ ਦੀਆਂ 4,190 ਯੂਨਿਟਾਂ ਨੂੰ ਵਾਪਸ ਮੰਗਵਾ ਰਹੀ ਹੈ। ਕੰਪਨੀ ਮੁਤਾਬਕ ਇਨ੍ਹਾਂ ਵਾਹਨਾਂ ਦੇ ਫਿਊਲ ਪੰਪ ਮੋਟਰ ਦੇ ਕਿਸੇ ਹਿੱਸੇ ‘ਚ ਸੰਭਾਵੀ ਨੁਕਸ ਹੈ, ਜਿਸ ਕਾਰਨ ਇੰਜਣ ਬੰਦ ਹੋ ਸਕਦਾ ਹੈ ਜਾਂ ਇੰਜਣ ਨੂੰ ਚਾਲੂ ਕਰਨ ‘ਚ ਕੋਈ ਸਮੱਸਿਆ ਹੋ ਸਕਦੀ ਹੈ। ਕੰਪਨੀ ਨੇ ਐਲਾਨ ਕੀਤਾ ਕਿ ਜਿਨ੍ਹਾਂ ਗਾਹਕਾਂ ਕੋਲ ਇਹ ਮਾਡਲ ਹਨ, ਉਹ ਇਨ੍ਹਾਂ ਨੂੰ ਆਪਣੇ ਨਜ਼ਦੀਕੀ ਸੇਵਾ ਕੇਂਦਰ ‘ਤੇ ਲੈ ਕੇ ਜਾਣ ਅਤੇ ਲੋੜੀਂਦੀ ਮੁਰੰਮਤ ਕਰਵਾਉਣ। ਕੰਪਨੀ ਮੁਤਾਬਕ ਜੇਕਰ ਤੁਹਾਡੀ ਕਾਰ ਇਸ ਰੀਕਾਲ ਦਾ ਹਿੱਸਾ ਹੈ ਤਾਂ ਤੁਹਾਡੀ ਕਾਰ ਦੇ ਪਾਰਟਸ ਕੰਪਨੀ ਵੱਲੋਂ ਮੁਫਤ ‘ਚ ਬਦਲੇ ਜਾਣਗੇ।