ਬਿੱਗ ਬੌਸ ਓਟੀਟੀ ਫੇਮ ਉਰਫੀ ਜਾਵੇਦ ਇਨ੍ਹੀਂ ਦਿਨੀਂ ਹਰ ਪਾਸੇ ਚਰਚਾ ਵਿੱਚ ਹੈ। ਕਦੇ ਉਸਦੇ ਅਜੀਬ ਲੁੱਕ ਬਾਰੇ ਅਤੇ ਕਦੇ ਉਸਦੇ ਪ੍ਰੇਮ ਸਬੰਧਾਂ ਬਾਰੇ। ਪਰ ਹੁਣ ਉਨ੍ਹਾਂ ਦੇ ਵਿਆਹ ਦੀ ਖਬਰ ਸੁਣ ਕੇ ਕਈ ਲੋਕ ਹੈਰਾਨ ਰਹਿ ਗਏ ਹਨ। ਇਸ ਦੇ ਪਿੱਛੇ ਕਾਰਨ ਹੈ ਉਰਫੀ ਜਾਵੇਦ ਦਾ ਪ੍ਰੀ-ਵੈਡਿੰਗ ਫੋਟੋਸ਼ੂਟ। ਜੀ ਹਾਂ, ਜਦੋਂ ਤੋਂ ਅਦਾਕਾਰਾ ਨੇ ਆਪਣੇ ਪ੍ਰੀ-ਵੈਡਿੰਗ ਫੋਟੋਸ਼ੂਟ ਦੀਆਂ ਤਸਵੀਰਾਂ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕੀਤੀਆਂ ਹਨ, ਉਦੋਂ ਤੋਂ ਹੀ ਉਨ੍ਹਾਂ ਦੇ ਵਿਆਹ ਦੀਆਂ ਖਬਰਾਂ ਉਡਣ ਲੱਗੀਆਂ ਹਨ।
ਉਰਫੀ ਨੇ ਖੁਦ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਇਕ ਫੋਟੋ ਸ਼ੇਅਰ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਉਰਫੀ ਨੇ ਕੈਪਸ਼ਨ ‘ਚ ਲਿਖਿਆ ‘ਪ੍ਰੀ ਵੈਡਿੰਗ ਸ਼ੂਟ’। ਦਰਅਸਲ ਇਹ ਤਸਵੀਰ ਉਸ ਦੇ ਆਉਣ ਵਾਲੇ ਮਿਊਜ਼ਿਕ ਵੀਡੀਓ ਦੀ ਹੈ। ਉਰਫੀ ਨਾਲ ਇਸ ਫੋਟੋ ‘ਚ ਨਜ਼ਰ ਆ ਰਿਹਾ ਸ਼ਖਸ ਹੋਰ ਕੋਈ ਨਹੀਂ ਸਗੋਂ ਪੰਜਾਬੀ ਗਾਇਕ ਕੁੰਵਰ ਹੈ। ਦੋਵਾਂ ਨੇ ਗੀਤ ਨੂੰ ਮਾਈਨਸ ਡਿਗਰੀ ਸੈਲਸੀਅਸ ਤਾਪਮਾਨ ‘ਚ ਬਰਫੀਲੀ ਜਗ੍ਹਾ ‘ਤੇ ਸ਼ੂਟ ਕੀਤਾ ਹੈ।
ਉਰਫੀ ਜਾਵੇਦ ਨੇ ਗਾਇਕ ਕੁੰਵਰ ਨਾਲ ਇੱਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ। ਜਿਸ ‘ਚ ਅਭਿਨੇਤਰੀ ਦੀ ਠੰਡ ਨਾਲ ਕੁਲਫੀ ਜੰਮਦੀ ਨਜ਼ਰ ਆ ਰਹੀ ਹੈ। ਪਰ ਫਿਰ ਵੀ ਉਹ ਰਣਬੀਰ ਕਪੂਰ ਦੀ ਫਿਲਮ ਦਾ ਗੀਤ ਗਾਉਣ ਵਿੱਚ ਲੱਗੀ ਹੋਈ ਹੈ। ਇਸ ਵੀਡੀਓ ਦੇ ਕੈਪਸ਼ਨ ‘ਚ ਉਰਫੀ ਨੇ ਲਿਖਿਆ, ‘ਇੱਥੇ -8 ਡਿਗਰੀ ਤਾਪਮਾਨ ਸੀ, ਇਸ ਡਰੈੱਸ ‘ਚ ਮੈਂ ਸਿਰਫ ਇਕ ਗੀਤ ਬਾਰੇ ਸੋਚ ਸਕਦੀ ਸੀ, ਉਹ ਹੈ ਤੂ ਜਾਨੇ ਨਾ, ਮੈਂ ਗਾਇਕ ਨਹੀਂ ਹਾਂ ਪਰ @kunwxrrr!!! ਇਸ ਵੀਡੀਓ ‘ਚ ਗਾਇਕ ਕੁੰਵਰ ਉਰਫੀ ਦੇ ਨਾਲ ਚੈੱਕਡ ਸ਼ਰਟ ਪਹਿਨੇ ਨਜ਼ਰ ਆ ਰਹੇ ਹਨ।
