ਚੰਡੀਗੜ੍ਹ ‘ਚ 27 ਤੋਂ 31 ਮਾਰਚ ਤੱਕ ਫਿਲਮੀ ਸਿਤਾਰਿਆਂ ਦਾ ਇਕੱਠ ਹੋਣ ਜਾ ਰਿਹਾ ਹੈ। ਇੱਥੇ ਸਿਨੇਵਿਸਟਾਰ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ (ਸੀਆਈਐਫਐਫ) ਕਰਵਾਇਆ ਜਾ ਰਿਹਾ ਹੈ। ਇਸ ਦਾ ਉਦਘਾਟਨ ਬੋਮਨ ਇਰਾਨੀ ਕਰਨਗੇ। ਜੂਲੀਅਟ ਬਿਨੋਚੇ ਦੀ ਕਾਨਸ-ਵਿਜੇਤਾ ਫ੍ਰੈਂਚ ਫਿਲਮ ‘ਦ ਟੇਸਟ ਆਫ ਥਿੰਗਜ਼’ ਸਮਾਗਮ ਦੀ ਸ਼ੁਰੂਆਤੀ ਫਿਲਮ ਹੋਵੇਗੀ।
ਇਸ ਵਿੱਚ ਕਰਨ ਜੌਹਰ, ਅਦਾਕਾਰ ਰਿਚਾ ਚੱਢਾ, ਅਲੀ ਫਜ਼ਲ, ਰੋਸ਼ਨ ਮੈਥਿਊ, ਗੁਲਸ਼ਨ ਦੇਵਈਆ, ਵਰੁਣ ਗਰੋਵਰ, ਰਸਿਕਾ ਦੁੱਗਲ, ਰਸ਼ਮੀਤ ਕੌਰ, ਸ਼ੇਖਰ ਕਪੂਰ, ਸੁਧੀਰ ਮਿਸ਼ਰਾ ਅਤੇ ਤਾਹਿਰਾ ਕਸ਼ਯਪ ਖੁਰਾਣਾ ਖਿੱਚ ਦਾ ਕੇਂਦਰ ਹੋਣਗੇ।
ਦੱਸ ਦਈਏ ਕਿ ਇਹ ਪ੍ਰੋਗਰਾਮ ਸੈਕਟਰ 17 ਦੇ ਇੱਕ ਨਿੱਜੀ ਮਾਲ ਵਿੱਚ ਕਰਵਾਇਆ ਜਾਵੇਗਾ। ਇਸ ਵਿੱਚ ਫਿਲਮਾਂ ਦੀ ਸਕ੍ਰੀਨਿੰਗ ਹੋਵੇਗੀ। ਇਸ ਤੋਂ ਇਲਾਵਾ ਸੈਕਟਰ 17 ਦੇ ਅੰਡਰਪਾਸ ਵਿੱਚ ਮਹਾਨ ਨਾਇਕਾਂ ਰਾਜ ਕਪੂਰ ਅਤੇ ਦੇਵਾਨੰਦ ਨੂੰ ਸਮਰਪਿਤ ਪ੍ਰਦਰਸ਼ਨੀ ਵੀ ਲਗਾਈ ਜਾਵੇਗੀ।
ਇਸ ਤੋਂ ਇਲਾਵਾ ਹੋਟਲ ਤਾਜ ਵਿੱਚ ਫਿਲਮ ਇੰਡਸਟਰੀ ਨਾਲ ਜੁੜੇ ਲੋਕਾਂ ਵਿੱਚ ਚਰਚਾ, ਇੰਟਰਐਕਟਿਵ ਸੈਸ਼ਨਾਂ ਸਮੇਤ ਹੋਰ ਕਈ ਤਰ੍ਹਾਂ ਦੇ ਸੈਸ਼ਨ ਵੀ ਆਯੋਜਿਤ ਕੀਤੇ ਗਏ ਹਨ।
ਇਸ ਪ੍ਰੋਗਰਾਮ ਦੀ ਸਮਾਪਤੀ ਦੱਖਣੀ ਕੋਰੀਆ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਡਰਾਉਣੀ ਫਿਲਮ ਐਕਸਹੂਮਾ ਨਾਲ ਹੋਈ, ਜਿਸਦਾ ਪ੍ਰੀਮੀਅਰ 2024 ਬਰਲਿਨ ਵਿੱਚ ਪ੍ਰੀਮੀਅਰ ਹੋਇਆ। ਇਹ ਇਸ ਪ੍ਰੋਗਰਾਮ ਦੀ ਸਮਾਪਤੀ ਫਿਲਮ ਹੋਵੇਗੀ।
ਫੈਸਟੀਵਲ ਸਲਾਹਕਾਰ ਬੋਰਡ ਵਿੱਚ ਬਾਹੂਬਲੀ ਸਟਾਰ ਅਤੇ ਉੱਘੇ ਫਿਲਮ ਨਿਰਮਾਤਾ ਰਾਣਾ ਡੱਗੂਬਾਤੀ, ਕਾਂਸ ਫਿਲਮ ਮਾਰਕੀਟ ਦੇ ਸਾਬਕਾ ਮੁਖੀ ਜੇਰੋਮ ਪੈਲਾਰਡ, ਕਾਂਸ ਫਿਲਮ ਫੈਸਟੀਵਲ ਦੇ ਸਾਬਕਾ ਨਿਰਦੇਸ਼ਕ ਨਿਕੋਲ, ਮਸ਼ਹੂਰ ਭਾਰਤੀ ਫਿਲਮ ਨਿਰਮਾਤਾ ਅਜੀਤ ਪਾਲ ਸਿੰਘ ਵਰਗੇ ਨਾਮ ਸ਼ਾਮਲ ਹਨ।
