IPL 2024 ਦੇ 62ਵੇਂ ਮੈਚ ‘ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ ਦਿੱਲੀ ਕੈਪੀਟਲਸ ਨੂੰ 188 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਐੱਮ ਚਿੰਨਾਸਵਾਮੀ ਸਟੇਡੀਅਮ ‘ਚ ਦਿੱਲੀ ਨੇ ਟੌਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਬੈਂਗਲੁਰੂ ਨੇ ਘਰੇਲੂ ਮੈਦਾਨ ‘ਤੇ 20 ਓਵਰਾਂ ‘ਚ 9 ਵਿਕਟਾਂ ‘ਤੇ 187 ਦੌੜਾਂ ਬਣਾਈਆਂ। ਜਵਾਬ ‘ਚ ਦਿੱਲੀ ਨੇ 4 ਓਵਰਾਂ ‘ਚ 4 ਵਿਕਟਾਂ ‘ਤੇ 30 ਦੌੜਾਂ ਬਣਾ ਲਈਆਂ ਹਨ। ਸ਼ਾਈ ਹੋਪ ਅਤੇ ਕਪਤਾਨ ਅਕਸ਼ਰ ਪਟੇਲ ਕਰੀਜ਼ ‘ਤੇ ਹਨ।

ਕੁਮਾਰ ਕੁਸ਼ਾਗਰ (2 ਦੌੜਾਂ) ਨੂੰ ਮੁਹੰਮਦ ਸਿਰਾਜ ਨੇ ਐਲ.ਬੀ.ਡਬਲਯੂ. ਜੈਕ ਫਰੇਜ਼ਰ-ਮੈਗਰਕ (21 ਦੌੜਾਂ) ਨੂੰ ਫਾਲੋ-ਥਰੂ ‘ਤੇ ਯਸ਼ ਦਿਆਲ ਨੇ ਰਨ ਆਊਟ ਕੀਤਾ। ਇਸ ਤੋਂ ਪਹਿਲਾਂ ਯਸ਼ ਦਿਆਲ ਨੇ ਅਭਿਸ਼ੇਕ ਪੋਰੇਲ (2 ਦੌੜਾਂ) ਨੂੰ ਲਾਕੀ ਫਰਗੂਸਨ ਹੱਥੋਂ ਕੈਚ ਕਰਵਾਇਆ। ਪ੍ਰਭਾਵੀ ਖਿਡਾਰੀ ਡੇਵਿਡ ਵਾਰਨਰ (1 ਦੌੜ) ਸਵਪਨਿਲ ਸਿੰਘ ਦਾ ਸ਼ਿਕਾਰ ਬਣੇ।

ਆਰਸੀਬੀ ਲਈ ਰਜਤ ਪਾਟੀਦਾਰ ਨੇ 32 ਗੇਂਦਾਂ ‘ਤੇ 52 ਦੌੜਾਂ ਦਾ ਅਰਧ ਸੈਂਕੜਾ ਲਗਾਇਆ, ਜਦਕਿ ਵਿਲ ਜੈਕਸ ਨੇ 41 ਦੌੜਾਂ ਬਣਾਈਆਂ। ਵਿਰਾਟ ਕੋਹਲੀ ਨੇ 3 ਛੱਕਿਆਂ ਦੀ ਮਦਦ ਨਾਲ 27 ਦੌੜਾਂ ਬਣਾਈਆਂ। ਕੈਮਰਨ ਗ੍ਰੀਨ ਨੇ 32 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਖਲੀਲ ਅਹਿਮਦ ਅਤੇ ਰਸਿਖ ਸਲਾਮ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ। ਇਸ਼ਾਂਤ ਸ਼ਰਮਾ, ਮੁਕੇਸ਼ ਕੁਮਾਰ ਅਤੇ ਕੁਲਦੀਪ ਯਾਦਵ ਨੂੰ ਇਕ-ਇਕ ਵਿਕਟ ਮਿਲੀ।

ਕਪਤਾਨ ਰਿਸ਼ਭ ਪੰਤ ‘ਤੇ ਇਕ ਮੈਚ ਦੀ ਪਾਬੰਦੀ ਕਾਰਨ ਅਕਸ਼ਰ ਪਟੇਲ ਦਿੱਲੀ ਦੀ ਕਪਤਾਨੀ ਕਰ ਰਹੇ ਹਨ। ਦੋਵੇਂ ਟੀਮਾਂ ਇਸ ਸੀਜ਼ਨ ‘ਚ ਪਹਿਲੀ ਵਾਰ ਆਹਮੋ-ਸਾਹਮਣੇ ਹੋ ਰਹੀਆਂ ਹਨ।