ਅਦਾਕਾਰਾ ਕਿਆਰਾ ਅਡਵਾਨੀ ਪਹਿਲੀ ਵਾਰ ਕਾਨਸ ਇਵੈਂਟ ਵਿੱਚ ਸ਼ਾਮਲ ਹੋਈ। ਉਸ ਨੇ ਆਪਣੇ ਕਾਨਸ ਡੈਬਿਊ ਲਈ ਸਫੈਦ ਹਾਈ ਸਲਿਟ ਗਾਊਨ ਨੂੰ ਚੁਣਿਆ, ਜਿਸ ‘ਚ ਉਹ ਬੇਹੱਦ ਖੂਬਸੂਰਤ ਲੱਗ ਰਹੀ ਸੀ। ਕਿਆਰਾ ਨੇ ਇਸ ਲੁੱਕ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ। ਕਾਨਸ ਫਿਲਮ ਫੈਸਟੀਵਲ 2024 ‘ਚ ਕਿਆਰਾ ਅਡਵਾਨੀ ਦਾ ਲੁੱਕ ਦੇਖ ਕੇ ਤੁਸੀਂ ਵੀ ਅਦਾਕਾਰਾ ਦੇ ਫੈਨ ਹੋ ਜਾਵੋਗੇ।
ਕਾਨਸ 2024 ਦੀ ਸ਼ੁਰੂਆਤ ਤੋਂ ਪਹਿਲਾਂ ਕਿਆਰਾ ਅਡਵਾਨੀ ਨੇ ਇੱਕ ਵੀਡੀਓ ਸਾਂਝਾ ਕੀਤਾ ਜੋ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿੱਚ ਅਭਿਨੇਤਰੀ ਥਾਈ-ਹਾਈ ਸਲਿਟ ਦੇ ਨਾਲ ਇਵਰੀ ਕ੍ਰੇਪ ਬੈਕ ਸਾਟਿਨ ਡਰੈੱਸ ਪਹਿਨੀ ਦਿਖਾਈ ਦੇ ਰਹੀ ਹੈ। ਦੱਸ ਦੇਈਏ ਕਿ ਇਸ ਆਊਟਫਿਟ ਨੂੰ ਪ੍ਰਬਲ ਗੁਰੂੰਗ ਨੇ ਡਿਜ਼ਾਈਨ ਕੀਤਾ ਹੈ। ਵੀਡੀਓ ਦੀ ਸ਼ੁਰੂਆਤ ਅਭਿਨੇਤਰੀ ਇੱਕ ਕਾਰ ਤੋਂ ਬਾਹਰ ਆਉਣ ਨਾਲ ਹੁੰਦੀ ਹੈ ਅਤੇ ਇੱਕ ਸ਼ਾਨਦਾਰ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਹੈ। ਲੋਕ ਸੋਸ਼ਲ ਮੀਡੀਆ ‘ਤੇ ਉਸ ਦੀ ਖੂਬਸੂਰਤੀ ਅਤੇ ਫੈਸ਼ਨ ਸਟਾਈਲ ਦੀ ਤਾਰੀਫ ਕਰਦੇ ਨਹੀਂ ਥੱਕ ਰਹੇ ਹਨ।
ਕਾਨਸ 2024 ‘ਚ ਐਸ਼ਵਰਿਆ ਰਾਏ ਬੱਚਨ, ਸ਼ੋਭਿਤਾ ਧੂਲੀਪਾਲਾ, ਕਿਆਰਾ ਅਡਵਾਨੀ ਅਤੇ ਅਦਿਤੀ ਰਾਓ ਹੈਦਰੀ ਸਮੇਤ ਕਈ ਭਾਰਤੀ ਅਭਿਨੇਤਰੀਆਂ ਨੇ ਹਿੱਸਾ ਲਿਆ। ਐਸ਼ਵਰਿਆ ਦੂਜੇ ਦਿਨ ਕਾਨਸ ਵਿੱਚ ਪੇਸਟਲ ਪਿੰਕ ਅਤੇ ਹਰੇ ਰੰਗ ਦੇ ਗਾਊਨ ਵਿੱਚ ਨਜ਼ਰ ਆਈ। ਅਦਾਕਾਰਾ 22 ਸਾਲਾਂ ਤੋਂ ਕਾਨਸ ਦਾ ਹਿੱਸਾ ਬਣ ਰਹੀ ਹੈ। ਇਸ ਵਾਰ ਉਸ ਦਾ ਹੱਥ ਵੀ ਫਰੈਕਚਰ ਹੋ ਗਿਆ ਸੀ। ਇਸ ਦੇ ਬਾਵਜੂਦ ਉਹ ਇਸ ਸਮਾਗਮ ਵਿੱਚ ਸ਼ਾਮਲ ਹੋਈ।