ਮੰਗਲਵਾਰ ਨੂੰ ਬੁਲਗਾਰੀਆ ’ਚ ਇੱਕ ਭਿਆਨਕ ਹਾਦਸਾ ਵਾਪਰਿਆ। ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਪੂਰਬੀ ਬੁਲਗਾਰੀਆ ਵਿੱਚ ਇੱਕ ਮੋਟਰਵੇਅ ‘ਤੇ ਭਾਰੀ ਧੁੰਦ ਕਾਰਨ ਕਈ ਵਾਹਨ ਆਪਸ ਵਿੱਚ ਟਕਰਾ ਗਏ, ਜਿਸ ਵਿੱਚ ਘੱਟੋ-ਘੱਟ 12 ਲੋਕਾਂ ਦੀ ਮੌਤ ਹੋ ਗਈ ਅਤੇ 46 ਹੋਰ ਜ਼ਖ਼ਮੀ ਹੋ ਗਏ। ਸਿਹਤ ਮੰਤਰੀ ਕਾਤਿਆ ਇਵਕੋਵਾ ਨੇ ਕਿਹਾ ਕਿ ਇਹ ਹਾਦਸੇ ਰਾਜਧਾਨੀ ਸੋਫੀਆ ਨੂੰ ਕਾਲੇ ਸਾਗਰ ਬੰਦਰਗਾਹ ਬਰਗਾਸ ਨਾਲ ਜੋੜਨ ਵਾਲੇ ਮੋਟਰਵੇਅ ‘ਤੇ ਹੋਏ, ਜਿੱਥੇ ਘੱਟ ਦ੍ਰਿਸ਼ਟੀ ਕਾਰਨ ਦੋ ਵੱਡੇ ਹਾਦਸੇ ਹੋਏ। ਪੁਲਿਸ, ਫਾਇਰਫਾਈਟਰਜ਼ ਅਤੇ ਐਂਬੂਲੈਂਸ ਦੇ ਕਰਮਚਾਰੀ A1 ਰੋਡ ‘ਤੇ ਘਟਨਾ ਸਥਾਨ ‘ਤੇ ਪਹੁੰਚ ਗਏ, ਜੋ ਰਾਜਧਾਨੀ ਸੋਫੀਆ ਨੂੰ ਪੂਰਬੀ ਸ਼ਹਿਰ ਬਰਗਾਸ ਨਾਲ ਜੋੜਦਾ ਹੈ। ਸੋਸ਼ਲ ਮੀਡੀਆ ‘ਤੇ ਘੁੰਮ ਰਹੀਆਂ ਕਈ ਵੀਡੀਓਜ਼ ਵਿੱਚ ਹਾਈਵੇਅ ਦੀਆਂ ਛੇ ਲੇਨਾਂ ‘ਤੇ ਕਾਰਾਂ ਅਤੇ ਟਰੱਕਾਂ ਦੇ ਢੇਰ ਲੱਗੇ ਹੋਏ ਦਿਖਾਈ ਦਿੱਤੇ, ਜਿਸ ਵਿੱਚ ਬਹੁਤ ਸਾਰੇ ਵਾਹਨ ਬੁਰੀ ਤਰ੍ਹਾਂ ਕੁਚਲੇ ਗਏ, ਪਲਟ ਗਏ ਜਾਂ ਸੜਕ ਦੇ ਕਿਨਾਰੇ ਸੁੱਟ ਦਿੱਤੇ ਗਏ।