ਲੋਕ ਸਭਾ ਚੋਣਾਂ 2024 ਦੀਆਂ ਵੋਟਾਂ ਦੀ ਗਿਣਤੀ ਜਾਰੀ ਹੈ। ਪੀਐਮ ਮੋਦੀ ਵਾਰਾਣਸੀ ਤੋਂ ਜਿੱਤ ਗਏ ਹਨ। ਉਨ੍ਹਾਂ ਨੇ ਕਾਂਗਰਸ ਦੇ ਸੂਬਾ ਪ੍ਰਧਾਨ ਅਜੈ ਰਾਏ ਨੂੰ 1.50 ਲੱਖ ਤੋਂ ਵੱਧ ਵੋਟਾਂ ਨਾਲ ਹਰਾਇਆ। ਮੋਦੀ ਲਗਾਤਾਰ ਤੀਜੀ ਵਾਰ ਇੱਥੋਂ ਸੰਸਦ ਮੈਂਬਰ ਹੋਣਗੇ। ਪੂਰੇ ਵਾਰਾਣਸੀ ਵਿੱਚ ਪੀਐਮ ਦੀ ਜਿੱਤ ਦਾ ਜਸ਼ਨ ਮਨਾਇਆ ਜਾ ਰਿਹਾ ਹੈ। ਭਾਜਪਾ ਵਰਕਰ ਢੋਲ ਨਾਲ ਨੱਚਦੇ ਨਜ਼ਰ ਆ ਰਹੇ ਹਨ।
ਵਾਰਾਣਸੀ ਵਿੱਚ ਕਾਂਗਰਸ ਦੇ ਅਜੈ ਰਾਏ ਅਤੇ ਬਸਪਾ ਦੇ ਜਮਾਲ ਲਾਰੀ ਪੀਐਮ ਮੋਦੀ ਖ਼ਿਲਾਫ਼ ਚੋਣ ਲੜ ਰਹੇ ਸਨ। ਇਸ ਤੋਂ ਇਲਾਵਾ ਵਾਰਾਣਸੀ ਤੋਂ ਅਪਨਾ ਦਲ (ਕੇ) ਦੇ ਗਗਨ ਪ੍ਰਕਾਸ਼ ਯਾਦਵ ਅਤੇ ਯੁੱਗ ਤੁਲਸੀ ਪਾਰਟੀ ਦੇ ਕੋਲਿਸ਼ੇਤੀ ਸ਼ਿਵ ਕੁਮਾਰ ਵੀ ਚੋਣ ਮੈਦਾਨ ਵਿਚ ਹਨ। ਦੋ ਆਜ਼ਾਦ ਉਮੀਦਵਾਰ ਦਿਨੇਸ਼ ਯਾਦਵ ਅਤੇ ਸੰਜੇ ਕੁਮਾਰ ਤਿਵਾੜੀ ਵੀ ਪੀਐਮ ਮੋਦੀ ਦੇ ਖਿਲਾਫ ਖੜ੍ਹੇ ਹਨ।
ਦੱਸ ਦਈਏ ਕਿ ਗੁਜਰਾਤ ਦੀ ਗਾਂਧੀਨਗਰ ਸੀਟ ਤੋਂ ਅਮਿਤ ਸ਼ਾਹ ਨੇ ਕਮਾਲ ਕਰ ਦਿਖਾਇਆ ਹੈ। ਅਮਿਤ ਸ਼ਾਹ ਨੇ ਆਪਣਾ ਹੀ ਪੁਰਾਣਾ ਰਿਕਾਰਡ ਤੋੜਦੇ ਹੋਏ ਇਹ ਸੀਟ 7,447,16 ਵੋਟਾਂ ਨਾਲ ਜਿੱਤ ਲਈ ਹੈ। 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਅਮਿਤ ਸ਼ਾਹ 5 ਲੱਖ ਵੋਟਾਂ ਨਾਲ ਜਿੱਤੇ ਸਨ। ਇਸ ਤੋਂ ਪਹਿਲਾਂ ਅਡਵਾਨੀ ਗਾਂਧੀਨਗਰ ਸੀਟ ਤੋਂ 4.83 ਲੱਖ ਵੋਟਾਂ ਨਾਲ ਜਿੱਤੇ ਸਨ।