ਦਿੱਲੀ, 3 ਫਰਵਰੀ 2022 – ਰਾਜਧਾਨੀ ਦਿੱਲੀ ਵਿੱਚ ਅੱਜ ਸਵੇਰੇ ਵੇਲੇ ਤੋਂ ਹੀ ਧੁੰਦ ਛਾਈ ਹੋਈ ਹੈ ਮੀਂਹ ਵੀ ਪੈ ਰਿਹਾ ਹੈ ਅਤੇ ਜਿਸ ਕਾਰਨ ਠੰਢ ‘ਚ ਵਾਧਾ ਹੋਇਆ ਹੈ।
ਦਿੱਲੀ ‘ਚ ਜਨਵਰੀ ‘ਚ ਰਿਕਾਰਡ ਤੋੜ ਮੀਂਹ ਤੋਂ ਬਾਅਦ ਫਰਵਰੀ ਦੀ ਸ਼ੁਰੂਆਤ ਵੀ ਮੀਂਹ ਨਾਲ ਹੋ ਰਹੀ ਹੈ। ਇਕ ਵਾਰ ਫਿਰ ਆਸਮਾਨ ‘ਚ ਕਾਲੇ ਬੱਦਲਾਂ ਨੇ ਡੇਰੇ ਲਾਏ ਹੋਏ ਹਨ ਅਤੇ ਸਵੇਰ ਤੋਂ ਹੀ ਪਹਿਲਾਂ ਨਾਲੋਂ ਜ਼ਿਆਦਾ ਮੀਂਹ ਪੈ ਰਿਹਾ ਹੈ। ਮੀਂਹ ਕਾਰਨ ਰਾਜਧਾਨੀ ਵਿੱਚ ਇੱਕ ਵਾਰ ਫਿਰ ਠੰਢ ਨੇ ਦਸਤਕ ਦੇ ਦਿੱਤੀ ਹੈ।
ਦਿੱਲੀ ‘ਚ ਸੂਰਜ ਨਿਕਲਣ ਕਾਰਨ ਪਿਛਲੇ ਕੁਝ ਦਿਨਾਂ ਤੋਂ ਠੰਢ ਘੱਟ ਰਹੀ ਸੀ, ਲੱਗਦਾ ਸੀ ਕਿ ਹੁਣ ਠੰਢ ਘੱਟਣ ਵਾਲੀ ਹੈ। ਪਰ ਅੱਜ ਦੀ ਬਾਰਿਸ਼ ਨੇ ਇੱਕ ਵਾਰ ਫੇਰ ਠੰਢ ਮੁੜ ਲੈ ਆਂਦੀ ਹੈ। ਕਈ ਇਲਾਕਿਆਂ ‘ਚ ਕਾਲੇ ਬੱਦਲ ਛਾਏ ਹੋਏ ਹਨ। ਕੁਝ ਇਲਾਕਿਆਂ ‘ਚ ਬਾਰਿਸ਼ ਵੀ ਸ਼ੁਰੂ ਹੋ ਚੁੱਕੀ ਹੈ। ਇਸ ਲਈ ਇਸ ਦੇ ਨਾਲ ਹੀ ਪਹਾੜਾਂ ‘ਤੇ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ।
