ਭਾਰਤ ਦੇ ਦੋ ਸਭ ਤੋਂ ਵੱਡੇ ਟੈਲੀਕਾਮ ਆਪਰੇਟਰ ਰਿਲਾਇੰਸ ਜੀਓ ਅਤੇ ਭਾਰਤੀ ਏਅਰਟੈੱਲ ਤੋਂ ਬਾਅਦ, ਵੋਡਾਫੋਨ-ਆਈਡੀਆ (VI) ਨੇ ਵੀ ਸ਼ੁੱਕਰਵਾਰ, 28 ਜੂਨ ਨੂੰ ਮੋਬਾਈਲ ਟੈਰਿਫ ਵਿੱਚ ਲਗਭਗ 20% ਵਾਧੇ ਦਾ ਐਲਾਨ ਕੀਤਾ। ਕੰਪਨੀ ਨੇ ਆਪਣੀ ਐਕਸਚੇਂਜ ਫਾਈਲਿੰਗ ‘ਚ ਇਹ ਜਾਣਕਾਰੀ ਦਿੱਤੀ ਹੈ।
ਦੱਸ ਦਈਏ ਕਿ ਹੁਣ VI ਦਾ 179 ਰੁਪਏ ਦਾ ਸਭ ਤੋਂ ਸਸਤਾ ਪਲਾਨ 199 ਰੁਪਏ ਵਿੱਚ ਮਿਲੇਗਾ। ਇਹ 28 ਦਿਨਾਂ ਦੀ ਵੈਧਤਾ, ਅਸੀਮਤ ਕਾਲਿੰਗ ਅਤੇ 2GB ਡੇਟਾ ਦੀ ਪੇਸ਼ਕਸ਼ ਕਰਦਾ ਹੈ। ਜਦਕਿ 269 ਰੁਪਏ ਦਾ ਪਲਾਨ 299 ਰੁਪਏ ‘ਚ ਮਿਲੇਗਾ। ਇਸ ‘ਚ 28 ਦਿਨਾਂ ਦੀ ਵੈਧਤਾ ਦੇ ਨਾਲ ਰੋਜ਼ਾਨਾ ਅਨਲਿਮਟਿਡ ਕਾਲਿੰਗ ਅਤੇ 2GB ਡਾਟਾ ਮਿਲਦਾ ਹੈ। ਨਵੀਆਂ ਦਰਾਂ 4 ਜੁਲਾਈ ਤੋਂ ਲਾਗੂ ਹੋਣਗੀਆਂ।
ਇਸ ਤੋਂ ਪਹਿਲਾ ਜੀਓ ਨੇ ਬੀਤੇ ਕੱਲ੍ਹ ਯਾਨੀ 27 ਜੂਨ ਨੂੰ ਨਵੀਆਂ ਦਰਾਂ ਦੇ ਨਾਲ ਯੋਜਨਾਵਾਂ ਦਾ ਐਲਾਨ ਕੀਤਾ ਸੀ ਅਤੇ ਏਅਰਟੈੱਲ ਨੇ 28 ਜੂਨ ਦੀ ਸਵੇਰ ਨੂੰ ਨਵੀਆਂ ਦਰਾਂ ਨਾਲ ਯੋਜਨਾਵਾਂ ਦਾ ਐਲਾਨ ਕੀਤਾ ਸੀ। ਇਨ੍ਹਾਂ ਦੋਵਾਂ ਕੰਪਨੀਆਂ ਦੇ ਅਪਡੇਟ ਕੀਤੇ ਪਲਾਨ 3 ਜੁਲਾਈ ਤੋਂ ਲਾਗੂ ਹੋਣਗੇ।