ਅਥਲੈਟਿਕ ਫੈਡਰੇਸ਼ਨ ਆਫ ਇੰਡੀਆ (ਏ ਐੱਫ ਆਈ) ਅਤੇ ਐਚ ਐੱਸ ਬੀ ਸੀ ਇੰਡੀਆ ਨੇ ਮਿਲ ਕੇ ਅੱਜ ਅਥਲੀਟਾਂ ਲਈ ਇੱਕ ਸ਼ਾਨਦਾਰ ਵਿਦਾਇਗੀ ਸਮਾਰੋਹ ਦੀ ਮੇਜ਼ਬਾਨੀ ਕੀਤੀ, ਜੋ ਭਾਰਤੀ ਦਲ ਦਾ ਹਿੱਸਾ ਹਨ, ਆਗਾਮੀ 2024 ਪੈਰਿਸਓਲੰਪਿਕ ਵਿੱਚ ਦੇਸ਼ ਦੀ ਨੁਮਾਇੰਦਗੀ ਕਰ ਰਹੇ ਹਨ। ਚੰਡੀਗੜ੍ਹ ਦੇ ਦਿ ਲਲਿਤ ਵਿਖੇ ਆਯੋਜਿਤ ਵਿਸ਼ੇਸ਼ ਇਕੱਤਰਤਾ ‘ਚ ਭਾਰਤ ਦੇ ਪਹਿਲੇ ਵਿਅਕਤੀਗਤ ਓਲੰਪਿਕ ਸੋਨ ਤਮਗਾ ਜੇਤੂ ਅਭਿਨਵ ਬਿੰਦਰਾ ਇਸ ਸਮਾਗਮ ਵਿੱਚ ਸ਼ਾਮਲ ਸੀ।
ਐਚ ਐੱਸ ਬੀ ਸੀ ਖੇਡਾਂ ਪ੍ਰਤੀ ਮਜ਼ਬੂਤ ਵਚਨਬੱਧਤਾ ਰੱਖਦਾ ਹੈ ਅਤੇ ਸਮਾਜ ਵਿੱਚ ਸਕਾਰਾਤਮਕ ਤਬਦੀਲੀ ਲਿਆਉਣ ਅਤੇ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪ੍ਰੇਰਿਤ ਕਰਨ ਵਿੱਚ ਖੇਡਾਂ ਦੀ ਪਰਿਵਰਤਨਸ਼ੀਲ ਸ਼ਕਤੀ ਵਿੱਚ ਵਿਸ਼ਵਾਸ ਰੱਖਦਾ ਹੈ।
ਇਸ ਮੌਕੇ ‘ਤੇ ਆਦਿਲ ਜੇ ਸੁਮਾਰੀਵਾਲਾ, ਪ੍ਰਧਾਨ ਏ ਐੱਫ ਆਈ, ਨੇ ਖੇਡਾਂ ਅਤੇ ਐਥਲੀਟਾਂ ਲਈ ਐਚ ਐੱਸ ਬੀ ਸੀ ਇੰਡੀਆ ਦੇ ਨਿਰੰਤਰ ਸਮਰਥਨ ‘ਤੇ ਜ਼ੋਰ ਦਿੱਤਾ।ਉਨ੍ਹਾਂ ਕਿਹਾ ਕਿ “ਪਿਛਲੇ ਸਾਲਾਂ ਦੀ ਭਾਈਵਾਲੀ ਨੇ ਨਾ ਸਿਰਫ਼ ਸਿਖਲਾਈ ਸਹੂਲਤਾਂ ਨੂੰ ਵਧਾਉਣ ਅਤੇ ਅੰਤਰਰਾਸ਼ਟਰੀ ਮੁਕਾਬਲਿਆਂ ਵਿੱਚ ਸਾਡੇ ਐਥਲੀਟਾਂ ਦੇ ਪ੍ਰਦਰਸ਼ਨ ਦੇ ਪੱਧਰ ਨੂੰਵਧਾਉਣ ਵਿੱਚ ਮਦਦ ਕੀਤੀ ਹੈ ਬਲਕਿ ਹੋਰ ਕੰਪਨੀਆਂ ਨੂੰ ਅੱਗੇ ਆਉਣ ਅਤੇ ਦੇਸ਼ ਵਿੱਚ ਖੇਡਾਂ ਦੇ ਵਿਕਾਸ ਅਤੇ ਬੁਨਿਆਦੀ ਢਾਂਚੇ ਦਾ ਸਮਰਥਨ ਕਰਨ ਲਈ ਵੀ ਉਤਸ਼ਾਹਿਤ ਕੀਤਾ ਹੈ। ਪੈਰਿਸ ਦੀ ਯਾਤਰਾ ਸਮੂਹਿਕ ਕੋਸ਼ਿਸ਼ਾਂ ਅਤੇ ਸਖ਼ਤ ਮਿਹਨਤ ਦਾ ਨਤੀਜਾ ਹੈ। ਸਾਨੂੰ ਭਰੋਸਾ ਹੈ ਕਿ ਸਾਡੇ ਅਥਲੀਟ ਦੇਸ਼ ਦਾ ਨਾਂ ਰੌਸ਼ਨ ਕਰਨਗੇ।”
ਈਵੈਂਟ ਦੇ ਮੌਕੇ ‘ਤੇ ਬੋਲਦੇ ਹੋਏ, ਸੰਦੀਪ ਬੱਤਰਾ, ਹੈੱਡ – ਵੈਲਥ ਐਂਡ ਪਰਸਨਲ ਬੈਂਕਿੰਗ, ਐਚ ਐੱਸ ਬੀ ਸੀ ਇੰਡੀਆ, ਨੇ ਅਥਲੀਟਾਂ ਦੀ ਉਨ੍ਹਾਂ ਦੇ ਨਿਰੰਤਰ ਸਮਰਪਣ ਅਤੇ ਵਚਨਬੱਧਤਾ ਲਈ ਸ਼ਲਾਘਾ ਕੀਤੀ। “ਸਾਡੇ ਅਥਲੀਟ ਲਗਨ ਅਤੇ ਉੱਤਮਤਾ ਦੀ ਸੱਚੀਭਾਵਨਾ ਨੂੰ ਮੂਰਤੀਮਾਨ ਕਰਦੇ ਹਨ। ਜਦੋਂ ਤੁਸੀਂ ਪੈਰਿਸ ਓਲੰਪਿਕ ਦੀ ਇਸ ਯਾਤਰਾ ਦੀ ਸ਼ੁਰੂਆਤ ਕਰਦੇ ਹੋ, 1.4 ਬਿਲੀਅਨ ਭਾਰਤੀਆਂ ਦੀਆਂ ਉਮੀਦਾਂ ਅਤੇ ਪ੍ਰਾਰਥਨਾਵਾਂ ਤੁਹਾਡੇ ਨਾਲ ਹਨ। ਅਸੀਂ ਤੁਹਾਡੀਆਂ ਖੇਡ ਯਾਤਰਾਵਾਂ ਤੋਂ ਪ੍ਰੇਰਿਤ ਹਾਂ ਅਤੇ ਤੁਹਾਡੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਬਹੁਤ ਸਮਰਥਨ ਕਰਦੇ ਹਾਂ। ਤੁਹਾਡੀ ਭਲਾਈ ਲਈ ਵਚਨਬੱਧ ਹਾਂ ਅਸੀਂ ਤੁਹਾਨੂੰ ਆਉਣ ਵਾਲੇ ਪੈਰਿਸ ਓਲੰਪਿਕ ਲਈ ਸ਼ੁਭਕਾਮਨਾਵਾਂ ਦਿੰਦੇ ਹਾਂ।”
ਇਸ ਮੌਕੇ ਪਾਰੁਲ ਚੌਧਰੀ (ਟਰੈਕਐਂਡ ਫੀਲਡ), ਅੰਨੂ ਰਾਣੀ (ਜੈਵਲਿਨ), ਜੋਤੀ ਯਾਰਰਾਜੀ (ਹਰਡੇਲਸ), ਜੇਸਵਿਨਐਲਡਰਿਨ (ਲੌਂਗ ਜੰਪ), ਪ੍ਰਵੀਨ ਚਿਤਰਵੇਲ (ਟ੍ਰੀਪਲ ਜੰਪ), ਤਜਿੰਦਰਪਾਲ ਸਿੰਘ ਤੂਰ(ਸ਼ਾਟ ਪੁਟ) ਆਦਿ 25 ਤੋਂ ਵੱਧ ਅਥਲੀਟਾਂ ਨੇ ਹਾਜ਼ਰੀ ਭਰੀ ।