ਪੈਰਿਸ ਓਲੰਪਿਕ 2024 ‘ਚ ਭਾਰਤੀ ਪਹਿਲਵਾਨ ਅਮਨ ਸਹਿਰਾਵਤ ਨੂੰ ਸੈਮੀਫਾਈਨਲ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਇਸ ਹਾਰ ਨਾਲ ਪੁਰਸ਼ ਵਰਗ ਵਿੱਚ ਭਾਰਤ ਦੀਆਂ ਚਾਂਦੀ ਅਤੇ ਸੋਨ ਤਗ਼ਮੇ ਦੀਆਂ ਉਮੀਦਾਂ ਵੀ ਖ਼ਤਮ ਹੋ ਗਈਆਂ ਹਨ। ਸੈਮੀਫਾਈਨਲ ‘ਚ ਉਸ ਨੂੰ 57 ਕਿਲੋ ਵਰਗ ‘ਚ ਜਾਪਾਨ ਦੇ ਹਿਗੁਚੀ ਰੇਈ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਰੀਓ ਓਲੰਪਿਕ 2016 ਦੀ ਸਿਲਵਰ ਮੈਡਲ ਜੇਤੂ ਹੈ।
ਅਮਨ, ਜਿਸ ਨੇ ਪ੍ਰੀ-ਕੁਆਰਟਰ ਅਤੇ ਕੁਆਰਟਰ ਫਾਈਨਲ ਵਿੱਚ ਆਪਣੇ ਵਿਰੋਧੀ ਨੂੰ ਹਰਾਇਆ ਸੀ, ਇਹ ਮੈਚ 10-0 ਨਾਲ ਹਾਰ ਗਿਆ। ਇਸ ਤੋਂ ਪਹਿਲਾਂ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਅਮਨ ਨੇ ਅਲਬਾਨੀਆਈ ਖਿਡਾਰੀ ਨੂੰ ਤਕਨੀਕੀ ਅੰਕਾਂ ਦੇ ਆਧਾਰ ’ਤੇ 12-0 ਨਾਲ ਹਰਾਇਆ ਸੀ। ਦੇਸ਼ ਨੂੰ ਉਸ ਤੋਂ ਚਾਂਦੀ ਅਤੇ ਸੋਨ ਤਗਮੇ ਦੀ ਉਮੀਦ ਸੀ ਪਰ ਜਾਪਾਨੀ ਖਿਡਾਰੀ ਦੇ ਸ਼ਾਨਦਾਰ ਪ੍ਰਦਰਸ਼ਨ ਕਾਰਨ ਉਹ ਹਮਲਾਵਰ ਸਥਿਤੀ ‘ਚ ਨਹੀਂ ਆ ਸਕਿਆ।
