ਹਰਿਆਣਾ ਦੇ ਮਹਿੰਦਰਗੜ੍ਹ ‘ਚ ਸ਼ੁੱਕਰਵਾਰ ਨੂੰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਸ਼ੁੱਕਰਵਾਰ ਸਵੇਰੇ 9.16 ਵਜੇ ਆਏ ਭੂਚਾਲ ਦਾ ਕੇਂਦਰ ਨਾਰਨੌਲ ਦਾ ਪਿੰਡ ਤਿਗਰਾ ਸੀ। ਇਸ ਭੂਚਾਲ ਦੀ ਤੀਬਰਤਾ 3.0 ਮਾਪੀ ਗਈ। ਲੋਕ ਆਪਣੇ ਘਰਾਂ, ਦੁਕਾਨਾਂ ਅਤੇ ਦਫਤਰਾਂ ਤੋਂ ਬਾਹਰ ਆ ਗਏ। ਹਾਲਾਂਕਿ ਅਜੇ ਤੱਕ ਕਿਸੇ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਸੂਚਨਾ ਨਹੀਂ ਹੈ।
ਨਾਰਨੌਲ ਦੇ ਸਰਕਾਰੀ ਕਾਲਜ ਦੇ ਮੌਸਮ ਵਿਗਿਆਨੀ ਅਤੇ ਭੂਗੋਲ ਵਿਗਿਆਨੀ ਨੇ ਦੱਸਿਆ ਕਿ ਭੂਚਾਲ ਦਾ ਕੇਂਦਰ ਨਾਰਨੌਲ ਨੇੜੇ ਤਿਗਰਾ ਪਿੰਡ ਵਿੱਚ 28.12 ਅਕਸ਼ਾਂਸ਼ ਅਤੇ 76.21 ਲੰਬਕਾਰ ‘ਤੇ ਸੀ। ਇਸ ਭੂਚਾਲ ਦੀ ਤੀਬਰਤਾ 3.0 ਤੀਬਰਤਾ ਸੀ ਅਤੇ ਧਰਤੀ ਦੇ ਅੰਦਰ ਡੂੰਘਾਈ 10 ਕਿਲੋਮੀਟਰ ਸੀ।