ਟੀਮ ਇੰਡੀਆ ਦੇ ਸਾਬਕਾ ਦਿੱਗਜ ਖਿਡਾਰੀ ਅਤੇ ਸਾਬਕਾ ਕੋਚ ਰਾਹੁਲ ਦ੍ਰਾਵਿੜ ਦਾ ਇੱਕ ਵੱਡਾ ਸੁਪਨਾ ਅੱਜ ਪੂਰਾ ਹੋ ਗਿਆ ਹੈ। ਕੋਚ ਰਾਹੁਲ ਦ੍ਰਾਵਿੜ ਦੇ ਬੇਟੇ ਸਮਿਤ ਨੂੰ ਭਾਰਤੀ ਅੰਡਰ-19 ਟੀਮ ‘ਚ ਚੁਣਿਆ ਗਿਆ ਹੈ। ਉਸ ਨੂੰ ਆਸਟ੍ਰੇਲੀਆ ਖਿਲਾਫ ਘਰੇਲੂ ਸੀਰੀਜ਼ ਲਈ ਚੁਣਿਆ ਗਿਆ ਹੈ। ਸ਼ਨੀਵਾਰ ਸਵੇਰੇ, ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਦੀ ਚੋਣ ਕਮੇਟੀ ਨੇ ਵਨਡੇ ਅਤੇ ਚਾਰ ਦਿਨਾ ਟੀਮ ਦਾ ਐਲਾਨ ਕੀਤਾ।
ਦੱਸ ਦਈਏ ਕਿ ਉੱਤਰ ਪ੍ਰਦੇਸ਼ ਦੇ ਮੁਹੰਮਦ ਅਮਾਨ ਨੂੰ ਵਨਡੇ ਟੀਮ ਦੀ ਕਪਤਾਨੀ ਸੌਂਪੀ ਗਈ, ਜਦੋਂ ਕਿ ਮੱਧ ਪ੍ਰਦੇਸ਼ ਦੇ ਸੋਹਮ ਪਟਵਰਧਨ ਨੂੰ 4 ਦਿਨਾਂ ਦੀ ਸੀਰੀਜ਼ ਵਿੱਚ ਭਾਰਤੀ ਟੀਮ ਦਾ ਕਪਤਾਨ ਬਣਾਇਆ ਗਿਆ ਸੀ। ਇਹ ਸੀਰੀਜ਼ 21 ਸਤੰਬਰ ਤੋਂ ਸ਼ੁਰੂ ਹੋਵੇਗੀ। ਇਸ ‘ਚ 3 ਵਨਡੇ ਮੈਚ ਪੁਡੂਚੇਰੀ ‘ਚ ਅਤੇ 2 ਚਾਰ ਦਿਨਾ ਮੈਚ ਚੇਨਈ ‘ਚ ਖੇਡੇ ਜਾਣਗੇ।
50 ਓਵਰਾਂ ਦੇ ਮੈਚਾਂ ਲਈ ਭਾਰਤੀ ਅੰਡਰ-19 ਟੀਮ:
ਮੁਹੰਮਦ ਅਮਨ (ਕਪਤਾਨ), ਰੁਦਰ ਪਟੇਲ (ਉਪ-ਕਪਤਾਨ), ਸਾਹਿਲ ਪਾਰਖ, ਕਾਰਤਿਕੇਯ ਕੇਪੀ, ਕਿਰਨ ਚੋਰਮਾਲੇ, ਅਭਿਗਿਆਨ ਕੁੰਡੂ, ਹਰਵੰਸ਼ ਸਿੰਘ ਪੰਗਾਲੀਆ, ਸਮਿਤ ਦ੍ਰਾਵਿੜ, ਯੁਧਜੀਤ ਗੁਹਾ, ਸਮਰਥ ਐਨ, ਨਿਖਿਲ ਕੁਮਾਰ, ਚੇਤਨ ਸ਼ਰਮਾ, ਹਾਰਦਿਕ ਰਾਜ, ਰੋਹਿਤ ਰਾਜਾਵਤ , ਮੁਹੰਮਦ ਇਨਾਨ
ਚਾਰ ਦਿਨਾ ਮੈਚਾਂ ਲਈ ਭਾਰਤੀ ਅੰਡਰ-19 ਟੀਮ
ਸੋਹਮ ਪਟਵਰਧਨ (ਕਪਤਾਨ), ਵੈਭਵ ਸੂਰਿਆਵੰਸ਼ੀ, ਨਿਤਿਆ ਪਾਂਡੇ, ਵਿਹਾਨ ਮਲਹੋਤਰਾ, ਕਾਰਤਿਕੇਅ ਕੇਪੀ, ਸਮਿਤ ਦ੍ਰਾਵਿੜ, ਅਭਿਗਿਆਨ ਕੁੰਡੂ, ਹਰਵੰਸ਼ ਸਿੰਘ ਪੰਗਾਲੀਆ, ਚੇਤਨ ਸ਼ਰਮਾ, ਸਮਰਥ ਐਨ, ਆਦਿਤਿਆ ਰਾਵਤ, ਨਿਖਿਲ ਕੁਮਾਰ, ਅਮੋਲਜੀਤ ਸਿੰਘ, ਆਦਿਤਿਆ ਸਿੰਘ, ਮੁਹੰਮਦ ਇਨਾਨ।