ਕੇਂਦਰੀ ਖੇਤੀਬਾੜੀ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਦੇ ਵੱਡੇ ਪੁੱਤਰ ਕਾਰਤਿਕੇਯ ਸਿੰਘ ਚੌਹਾਨ ਦੀ ਸਗਾਈ ਤੈਅ ਹੋ ਗਈ ਹੈ। ਇਕ ਮਹੀਨੇ ਬਾਅਦ 17 ਅਕਤੂਬਰ ਨੂੰ ਕਾਰਤਿਕੇਆ ਅਮਾਨਤ ਬਾਂਸਲ ਨਾਲ ਮੰਗਣੀ ਕਰ ਲੈਣਗੇ।
ਸਾਬਕਾ ਸੀਐਮ ਸ਼ਿਵਰਾਜ ਸਿੰਘ ਚੌਹਾਨ ਨੇ ਖੁਦ ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਇਹ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਲਿਖਿਆ- ਪਿਤਾ ਹੋਣ ਦੇ ਨਾਤੇ ਅੱਜ ਮੇਰੇ ਲਈ ਬਹੁਤ ਖੁਸ਼ੀ ਦਾ ਮੌਕਾ ਹੈ। ਮੈਂ, ਮੇਰੀ ਪਤਨੀ ਸਾਧਨਾ ਅਤੇ ਪੂਰੇ ਪਰਿਵਾਰ ਨੂੰ ਤੁਹਾਡੇ ਸਾਰਿਆਂ ਨਾਲ ਇਹ ਖੁਸ਼ਖਬਰੀ ਸਾਂਝੀ ਕਰਦੇ ਹੋਏ ਬੇਹੱਦ ਖੁਸ਼ੀ ਹੋ ਰਹੀ ਹੈ ਕਿ ਮੇਰੇ ਵੱਡੇ ਬੇਟੇ ਕਾਰਤੀਕੇਅ ਦੀ ਮੰਗਣੀ ਅਨੁਪਮ ਬਾਂਸਲ ਅਤੇ ਰੁਚਿਤਾ ਬਾਂਸਲ ਦੀ ਬੇਟੀ ਅਮਾਨਤ ਬਾਂਸਲ ਨਾਲ ਤੈਅ ਹੋ ਗਈ ਹੈ।
ਅਮਾਨਤ ਬਾਂਸਲ ਨੇ ਹਾਲ ਹੀ ਵਿੱਚ ਆਕਸਫੋਰਡ ਯੂਨੀਵਰਸਿਟੀ ਤੋਂ ਮਨੋਵਿਗਿਆਨ ਵਿੱਚ ਐਮਐਸਸੀ ਕੀਤੀ ਹੈ। ਪਿਤਾ ਦਾ ਨਾਮ ਅਨੁਪਮ ਬਾਂਸਲ ਅਤੇ ਮਾਤਾ ਦਾ ਨਾਮ ਰੁਚਿਤਾ ਬਾਂਸਲ ਹੈ। ਪਿਤਾ ਅਨੁਪਮ ਬਾਂਸਲ ਲਿਬਰਟੀ ਸ਼ੂਜ਼ ਕੰਪਨੀ ਦੇ ਕਾਰਜਕਾਰੀ ਨਿਰਦੇਸ਼ਕ ਹਨ। ਮਾਂ ਰੁਚਿਤਾ ਬਾਂਸਲ ਭਾਰਤ ਦੇ ਮਹਿਲਾ ਉੱਦਮੀਆਂ ਦੇ ਸੰਘ ਦੇ ਹਰਿਆਣਾ ਚੈਪਟਰ ਦੀ ਸੰਸਥਾਪਕ ਹੈ।
ਸ਼ਿਵਰਾਜ ਸਿੰਘ ਚੌਹਾਨ ਦੇ ਛੋਟੇ ਬੇਟੇ ਕੁਨਾਲ ਸਿੰਘ ਚੌਹਾਨ ਦੀ ਚਾਰ ਮਹੀਨੇ ਪਹਿਲਾਂ ਮੰਗਣੀ ਹੋਈ ਸੀ । ਕੁਣਾਲ ਦੇ ਰਿਸ਼ਤੇ ਭੋਪਾਲ ਦੇ ਮਸ਼ਹੂਰ ਡਾਕਟਰ ਇੰਦਰਮਲ ਜੈਨ ਦੀ ਪੋਤੀ ਰਿਧੀ ਜੈਨ ਨਾਲ ਹਨ। ਰਿਧੀ ਦੇ ਪਿਤਾ ਦਾ ਨਾਂ ਸੰਦੀਪ ਜੈਨ ਹੈ। ਕੁਨਾਲ ਅਤੇ ਰਿਧੀ ਇਕੱਠੇ ਪੜ੍ਹਦੇ ਸਨ।
ਤੁਹਾਨੂੰ ਦੱਸ ਦੇਈਏ ਕਿ ਸ਼ਿਵਰਾਜ ਸਿੰਘ ਚੌਹਾਨ ਦੇ ਦੋ ਬੇਟੇ ਹਨ। ਵੱਡੇ ਬੇਟੇ ਦਾ ਨਾਂ ਕਾਰਤੀਕੇਯ ਹੈ, ਜਦੋਂ ਕਿ ਛੋਟੇ ਬੇਟੇ ਦਾ ਨਾਂ ਕੁਨਾਲ ਹੈ। ਕੁਣਾਲ ਰਾਜਨੀਤੀ ਤੋਂ ਦੂਰ ਰਹਿੰਦੇ ਹਨ। ਜਦੋਂ ਕਿ ਵੱਡਾ ਬੇਟਾ ਕਾਰਤਿਕੇਯ ਚੌਹਾਨ ਆਪਣੇ ਪਿਤਾ ਦੀ ਤਰ੍ਹਾਂ ਰਾਜਨੀਤੀ ‘ਚ ਕਾਫੀ ਸਰਗਰਮ ਹੈ।
