ਵੰਦੇ ਭਾਰਤ ਟ੍ਰੇਨ ਪਹਿਲੀ ਵਾਰ ਦੁਨੀਆ ਦੇ ਸਭ ਤੋਂ ਉੱਚੇ ਚਨਾਬ ਪੁਲ ‘ਤੇ ਲਗਭਗ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਦੌੜੀ।ਉੱਤਰੀ ਰੇਲਵੇ ਦੇ ਜੰਮੂ ਡਿਵੀਜ਼ਨ ਅਧੀਨ ਸ੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ – ਬਨਿਹਾਲ ਵਿਚਕਾਰ 111 ਕਿਲੋਮੀਟਰ ਲੰਬੇ ਨਵੇਂ ਬ੍ਰੌਡ ਗੇਜ ਰੇਲ ਸੈਕਸ਼ਨ ‘ਤੇ, ਰੇਲਵੇ ਮੰਤਰਾਲੇ ਦੁਆਰਾ ਟ੍ਰੇਨਾਂ ਦੀ ਵੱਧ ਤੋਂ ਵੱਧ ਆਗਿਆਯੋਗ ਗਤੀ ਨੂੰ 100 ਕਿਲੋਮੀਟਰ ਪ੍ਰਤੀ ਘੰਟਾ ਕਰਨ ਦੀ ਪ੍ਰਵਾਨਗੀ ਦਿੱਤੀ ਗਈ ਸੀ।
ਪਹਿਲਾਂ, ਇਸ ਸੈਕਸ਼ਨ ‘ਤੇ ਸ੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ – ਸੰਗਲਦਾਨ ਸੈਕਸ਼ਨ ਲਈ 85 ਕਿਲੋਮੀਟਰ ਪ੍ਰਤੀ ਘੰਟਾ ਅਤੇ ਸੰਗਲਦਾਨ – ਬਨਿਹਾਲ ਸੈਕਸ਼ਨ ਲਈ 75 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਸੀ।