ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਫਿਲਹਾਲ ਆਪਣੀ ਬੇਟੀ ਦੀ ਪਰਵਰਿਸ਼ ਤੇ ਧਿਆਨ ਦੇ ਰਹੀ ਹੈ। ਬਾਕੀ ਦੁਨੀਆ ਵਾਂਗ, ਅਨੁਸ਼ਕਾ ਸ਼ਰਮਾ ਨੂੰ ਵੀ ਉਮੀਦ ਸੀ ਕਿ ਸਾਲ 2021 ਵਿੱਚ ਮਹਾਂਮਾਰੀ ਖਤਮ ਹੋ ਜਾਵੇਗੀ। ਹਾਲ ਹੀ ਵਿੱਚ ਇੱਕ ਇੰਸਟਾਗ੍ਰਾਮ ਪੋਸਟ ਵਿੱਚ, ਅਨੁਸ਼ਕਾ ਨੇ ਉਸ ਸਮੇਂ ਨੂੰ ਯਾਦ ਕੀਤਾ ਅਤੇ ਉਨ੍ਹਾਂ ਦਿਨਾਂ ਦਾ ਇੱਕ ਵੀਡੀਓ ਸਾਂਝਾ ਕੀਤਾ ਜਦੋਂ ਉਸਨੇ ਲਾਕਡਾਊਨ ਦੌਰਾਨ ਪਹਿਲੀ ਵਾਰ ਟਮਾਟਰ ਜੈਮ ਬਣਾਇਆ ਸੀ। ਵੀਡੀਓ ‘ਚ ਅਨੁਸ਼ਕਾ ਸ਼ਰਮਾ ਆਪਣੇ ਆਰਗੈਨਿਕ ਫਾਰਮ ‘ਚੋਂ ਟਮਾਟਰ ਤੋੜਦੀ ਨਜ਼ਰ ਆ ਰਹੀ ਹੈ, ਜਦਕਿ ਉਸ ਦਾ ਕੁੱਤਾ ਵੀ ਉਸ ਨਾਲ ਨਜ਼ਰ ਆ ਰਿਹਾ ਹੈ।
ਵੀਡੀਓ ‘ਚ ਅਨੁਸ਼ਕਾ ਨੇ ਆਪਣੀ ਟਮਾਟਰ ਜੈਮ ਦੀ ਰੈਸਿਪੀ ਵੀ ਦੱਸੀ ਹੈ। ਇਸ ਦੇ ਨਾਲ ਹੀ ਉਹ ਆਪਣੇ ਮਾਤਾ-ਪਿਤਾ ਅਜੈ ਕੁਮਾਰ ਸ਼ਰਮਾ ਅਤੇ ਆਸ਼ਿਮਾ ਸ਼ਰਮਾ ਨਾਲ ਜੈਮ ਦਾ ਆਨੰਦ ਲੈਂਦੀ ਨਜ਼ਰ ਆ ਰਹੀ ਹੈ। ਵੀਡੀਓ ਸ਼ੇਅਰ ਕਰਦੇ ਹੋਏ ਅਨੁਸ਼ਕਾ ਸ਼ਰਮਾ ਨੇ ਲਿਖਿਆ, “ਲਾਕਡਾਊਨ 2020 ਦੇ ਦੌਰਾਨ ਜਦੋਂ ਮੈਂ ਬਹੁਤ ਸਾਰੇ ਫੂਡ ਬਲੌਗ ਦੇਖੇ, ਤਾਂ ਇਸ ਜੈਮ ਬਣਾਉਣ ਵਾਲੀ ਵੀਡੀਓ ਨੂੰ ਸ਼ੂਟ ਕਰਨ ਦਾ ਫੈਸਲਾ ਕੀਤਾ ਅਤੇ ਸੋਚਿਆ ਕਿ 2021 ਦੇ ਅੰਤ ਤੱਕ ਕੋਰੋਨਾ ਵਾਇਰਸ ਖਤਮ ਹੋ ਜਾਵੇਗਾ।” ਵਰਕ ਫਰੰਟ ਦੀ ਗੱਲ ਕਰੀਏ ‘ਤਾ, ਅਨੁਸ਼ਕਾ ਸ਼ਰਮਾ ਨੇ ਹਾਲ ਹੀ ਵਿੱਚ ਆਪਣੇ ਆਉਣ ਵਾਲੇ ਪ੍ਰੋਜੈਕਟ, ਝੂਲਨ ਗੋਸਵਾਮੀ ਦੀ ਬਾਇਓਪਿਕ ਚੱਕਦਾ ਐਕਸਪ੍ਰੈਸ ਦਾ ਐਲਾਨ ਕੀਤਾ ਹੈ। ਭਾਰਤੀ ਮਹਿਲਾ ਟੀਮ ਦੀ ਸਾਬਕਾ ਕ੍ਰਿਕਟ ਕਪਤਾਨ ਦੇ ਜੀਵਨ ਤੋਂ ਪ੍ਰੇਰਿਤ ਇਹ ਫਿਲਮ ਨੈੱਟਫਲਿਕਸ ‘ਤੇ ਪ੍ਰੀਮੀਅਰ ਹੋਵੇਗੀ।
