ਪੰਜਾਬ : – ਪੰਜਾਬ ਵਿਧਾਨ ਸਭਾ ਚੋਣਾਂ ਲਈ ਪ੍ਰਚਾਰ ਜ਼ੋਰਾਂ ‘ਤੇ ਹੈ। ਇਸ ਦੇ ਨਾਲ ਹੀ ਸਿਆਸਤਦਾਨਾਂ ਵਿਚਾਲੇ ਜ਼ੁਬਾਨੀ ਤੀਰ ਵੀ ਚੱਲਣ ਲੱਗ ਪਏ ਹਨ। ਜਿੱਥੇ ਅਰਵਿੰਦ ਕੇਜਰੀਵਾਲ ਸੀ.ਐਮ ਚਰਨਜੀਤ ਚੰਨੀ ‘ਤੇ ਨਿਸ਼ਾਨਾ ਸਾਧ ਰਹੇ ਹਨ, ਉਥੇ ਹੀ ਸੀ.ਐਮ ਚੰਨੀ ਆਮ ਆਦਮੀ ਪਾਰਟੀ ‘ਤੇ ਵੀ ਕਾਫੀ ਸ਼ਬਦੀ ਵਾਰ ਕਰ ਰਹੇ ਹਨ। ਇਸ ਦੌਰਾਨ ਕੁਝ ਅਣਉਚਿਤ ਟਿੱਪਣੀਆਂ ਵੀ ਕੀਤੀਆਂ ਜਾ ਰਹੀਆਂ ਹਨ।
ਇਸ ਤੋਂ ਪਹਿਲਾਂ ਸੀ.ਐਮ ਚੰਨੀ ਨੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਅਤੇ ਭਗਵੰਤ ਮਾਨ ‘ਤੇ ਤਿੱਖਾ ਹਮਲਾ ਕਰਦਿਆਂ ਚੰਨੀ ਨੇ ਕਿਹਾ ਸੀ ਕਿ ਉਹ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੀ ਹਜ਼ੂਰੀ ‘ਚ ਵੀ ਸ਼ਰਾਬ ਪੀ ਕੇ ਜਾਂਦੇ ਹਨ ਅਤੇ ਸੰਸਦ ‘ਚ ਵੀ।
ਚੰਨੀ ਨੇ ਕਿਹਾ ਕਿ ਕੇਜਰੀਵਾਲ ਕਾਗਜਾਂ ‘ਤੇ ਭਗਵੰਤ ਮਾਨ ਦੇ ਦਸਤਖਤ ਕਰਵਾ ਲੈਣਗੇ, ਕਿਉਂਕਿ ਮਾਨ ਨੂੰ ਲਿਖਣਾ-ਪੜ੍ਹਨਾ ਨਹੀਂ ਆਉਂਦਾ, ਥੋੜਾ ਬਹੁਤ ਆਉਂਦਾ ਵੀ ਹੋਵੇ ਤਾਂ ਸ਼ਰਾਬ ਪੀ ਕੇ ਸਭ ਬਰਬਾਦ ਕਰ ਦੇਵੇਗਾ।