ਵੀਰਵਾਰ ਨੂੰ ਚੰਡੀਗੜ੍ਹ ਦੇ ਜੀਐਮਐਸਐਚ-16 ਹਸਪਤਾਲ ਵਿੱਚ ਆਰਟੀ-ਪੀਸੀਆਰ ਲੈਬ ਦਾ ਉਦਘਾਟਨ ਕੀਤਾ ਗਿਆ। ਇਹ ਉਦਘਾਟਨ ਪ੍ਰਸ਼ਾਸਕ ਦੇ ਸਲਾਹਕਾਰ ਧਰਮਪਾਲ ਨੇ ਕੀਤਾ। ਇਸ ਲੈਬ ਵਿੱਚ ਰੋਜ਼ਾਨਾ ਕੋਰੋਨਾ ਟੈਸਟਿੰਗ, ਸਵਾਈਨ ਫਲੂ ਟੈਸਟਿੰਗ ਅਤੇ ਡੇਂਗੂ ਦੇ ਟੈਸਟ ਵੀ ਕੀਤੇ ਜਾਣਗੇ। ਇਸ ਸਮੇਂ ਲੈਬ ਵਿੱਚ ਟਰਾਇਲ ਚੱਲ ਰਹੇ ਹਨ ਅਤੇ ਇਹ ਲੈਬ ਇੱਕ ਹਫ਼ਤੇ ਵਿੱਚ ਚਾਲੂ ਹੋ ਜਾਵੇਗੀ।
ਸਿਹਤ ਸੇਵਾਵਾਂ (ਡੀਐਚਐਚ) ਦੇ ਡਾਇਰੈਕਟਰ ਡਾ: ਸੁਮਨ ਸਿੰਘ ਨੇ ਦੱਸਿਆ ਕਿ ਇਸ ਲੈਬ ਵਿੱਚ ਰੋਜ਼ਾਨਾ 300 ਦੇ ਕਰੀਬ ਟੈਸਟ ਕੀਤੇ ਜਾਣਗੇ। ਇਸ ਲੈਬ ‘ਚ ਕੋਰੋਨਾ ਟੈਸਟਿੰਗ ਤੋਂ ਇਲਾਵਾ ਸਵਾਈਨ ਫਲੂ ਅਤੇ ਡੇਂਗੂ ਦੇ ਟੈਸਟ ਵੀ ਕੀਤੇ ਜਾ ਸਕਦੇ ਹਨ।
ਜੇਕਰ ਕਿਸੇ ਸਮੇਂ ਸ਼ਹਿਰ ‘ਚ ਕੋਰੋਨਾ ਵਧਦਾ ਹੈ ਤਾਂ GMSH-16 ਵੀ ਟੈਸਟਿੰਗ ਦੇ ਮਾਮਲੇ ‘ਚ ਆਪਣੀਆਂ ਬਿਹਤਰ ਸੇਵਾਵਾਂ ਦੇ ਸਕੇਗਾ। ਪਹਿਲਾਂ ਇਹ ਹਸਪਤਾਲ ਕੋਰੋਨਾ ਦੇ ਸੈਂਪਲ ਲੈਂਦਾ ਸੀ ਪਰ ਅੱਗੇ ਦੀ ਜਾਂਚ ਲਈ ਸੈਂਪਲ ਨੂੰ ਜੀਐਮਸੀਐਚ-32 ਅਤੇ ਪੀਜੀਆਈ ਭੇਜਣਾ ਪੈਂਦਾ ਸੀ। ਪਿਛਲੇ 2 ਸਾਲਾਂ ਵਿੱਚ ਸ਼ਹਿਰ ਵਿੱਚ 10,62,811 ਕੋਰੋਨਾ ਟੈਸਟ ਕੀਤੇ ਗਏ ਹਨ। ਪੀਜੀਆਈ ਵਿੱਚ ਰੋਜ਼ਾਨਾ 2500 ਸੈਂਪਲ ਟੈਸਟ ਕਰਨ ਦੀ ਸਮਰੱਥਾ ਹੈ। GMCH-32 ਰੋਜ਼ਾਨਾ 1 ਹਜ਼ਾਰ ਟੈਸਟ ਹੁੰਦਾ ਹੈ।