ਮਾਈਕ੍ਰੋਸਾਫਟ ਦੇ ਸੀ.ਈ.ਓ. ਸੱਤਿਆ ਨਡੇਲਾ ਦੇ ਬੇਟੇ ਜ਼ੈਨ ਦਾ ਦੇਹਾਂਤ ਹੋ ਗਿਆ ਹੈ। ਜ਼ੈਨ 26 ਸਾਲ ਦੇ ਸਨ ਅਤੇ ਜਨਮ ਤੋਂ ਹੀ ਗੰਭੀਰ ਬਿਮਾਰੀ ਨਾਲ ਪੀੜਤ ਸਨ। ਸਾਫਟਵੇਅਰ ਨਿਰਮਾਤਾ ਨੇ ਆਪਣੇ ਕਾਰਜਕਾਰੀ ਸਟਾਫ ਨੂੰ ਇੱਕ ਈਮੇਲ ਰਾਹੀਂ ਜ਼ੈਨ ਦੀ ਮੌਤ ਬਾਰੇ ਜਾਣਕਾਰੀ ਦਿੱਤੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜ਼ੈਨ ‘ਸੇਰੇਬ੍ਰਲ ਪਾਲਸੀ’ ਨਾਮ ਦੀ ਬਿਮਾਰੀ ਨਾਲ ਪੀੜਤ ਸਨ। ਮਾਈਕ੍ਰੋਸਾਫਟ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਜੇਨ ਦੀ ਮੌਤ ਸੋਮਵਾਰ ਸਵੇਰੇ ਹੋਈ ਹੈ। ਜੇਨ ਸੱਤਿਆ ਨਡੇਲਾ ਦੇ ਤਿੰਨ ਬੱਚਿਆਂ ਵਿੱਚੋਂ ਸਭ ਤੋਂ ਵੱਡਾ ਅਤੇ ਇਕਲੌਤਾ ਪੁੱਤਰ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਦੀਆਂ ਦੋ ਬੇਟੀਆਂ ਤਾਰਾ ਅਤੇ ਦਿਵਿਆ ਹਨ।
ਜ਼ੈਨ ਦੀ ਮਾਂ ਅਨੁਪਮਾ ਨੇ ਆਪਣੀ ਗਰਭ ਅਵਸਥਾ ਦੇ 36ਵੇਂ ਹਫ਼ਤੇ ਦੌਰਾਨ ਦੇਖਿਆ ਕਿ ਬੱਚਾ ਜ਼ਿਆਦਾ ਹਿੱਲ ਨਹੀਂ ਰਿਹਾ ਸੀ। ਡਾਕਟਰ ਨੇ ਐਮਰਜੈਂਸੀ ਕਾਰਨ ਅਨੁਪਮਾ ਦਾ ਆਪਰੇਸ਼ਨ ਕੀਤਾ ਅਤੇ ਜੇਨ ਦਾ ਭਾਰ ਮਹਿਜ਼ 3 ਪੌਂਡ (ਲਗਭਗ 1.3 ਕਿਲੋ) ਦਾ ਸੀ। ਜਨਮ ਸਮੇ ਜ਼ੈਨ ਨਹੀਂ ਰੋਇਆ ਹੀ ਨਹੀਂ। ਜੇਨ ਨੂੰ ਜਨਮ ਤੋਂ ਬਾਅਦ ਸੀਏਟਲ ਚਿਲਡਰਨ ਹਸਪਤਾਲ ਵਿੱਚ ਵੀ ਰੱਖਿਆ ਗਿਆ। ਚਿਲਡਰਨ ਹਸਪਤਾਲ ਦੇ ਸੀਈਓ ਜੈਫ ਸਪਰਿੰਗ ਨੇ ਆਪਣੇ ਬੋਰਡ ਨੂੰ ਇੱਕ ਸੰਦੇਸ਼ ਵਿੱਚ ਲਿਖਿਆ ਕਿ ਜ਼ੈਨ ਨੂੰ ਉਸਦੀ ਚਮਕਦੀ ਧੁੱਪ ਵਰਗੀ ਮੁਸਕਰਾਹਟ ਅਤੇ ਉਸ ਦੁਆਰਾ ਦਿੱਤੀ ਆਪਣੇ ਪਰਿਵਾਰ ਨੂੰ ਖੁਸ਼ੀ, ਲਈ ਹਮੇਸ਼ਾ ਯਾਦ ਕੀਤਾ ਜਾਵੇਗਾ।