ਬਾਲੀਵੁਡ ਅਦਾਕਾਰਾ ਆਲੀਆ ਭੱਟ ਹੁਣ ਹਾਲੀਵੁੱਡ ਦਾ ਰੁਖ਼ ਕਰਨ ਵਾਲੀ ਹੈ। ਆਲੀਆ ਭੱਟ ਨੈੱਟਫਲਿਕਸ ਦੀ ਸਪਾਈ ਥ੍ਰਿਲਰ ਫ਼ਿਲਮ ‘ਹਾਰਟ ਆਫ ਸਟੋਨ’ ’ਚ ਕੰਮ ਕਰਨ ਜਾ ਰਹੀ ਹੈ। ਨੈੱਟਫਲਿਕਸ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ’ਤੇ ਆਲੀਆ ਦੇ ਹਾਲੀਵੁੱਡ ਪ੍ਰਾਜੈਕਟ ਦਾ ਐਲਾਨ ਕੀਤਾ ਹੈ।
OTT ਪਲੇਟਫਾਰਮ Netflix ਨੇ ਮੰਗਲਵਾਰ, 8 ਮਾਰਚ ਨੂੰ ਐਲਾਨ ਕੀਤਾ ਕਿ ਅਦਾਕਾਰਾ ਆਲੀਆ ਭੱਟ ਫਿਲਮ ਹਾਰਟ ਆਫ ਸਟੋਨ ਨਾਲ ਆਪਣੀ ਹਾਲੀਵੁੱਡ ਸ਼ੁਰੂਆਤ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਉਹ ਗੈਲ ਗਾਡੋਟ ਅਤੇ ਜੈਮੀ ਡੋਰਨਨ ਦੇ ਨਾਲ ਅਭਿਨੈ ਕਰੇਗੀ। ਇਹ ਫਿਲਮ ਇਸ ਬਸੰਤ ਵਿੱਚ ਨੈੱਟਫਲਿਕਸ ‘ਤੇ ਵਿਸ਼ਵ ਪੱਧਰ ‘ਤੇ ਰਿਲੀਜ਼ ਕੀਤੀ ਜਾਵੇਗੀ, ਅਤੇ ਇਹ ਇੱਕ ਖੁਫੀਆ ਆਪਰੇਟਿਵ ਰੇਚਲ ਸਟੋਨ (ਗੈਲ ਗਡੋਟ) ਦੀ ਕਹਾਣੀ ਹੈ।
ਇਸ ਪ੍ਰੋਜੈਕਟ ਦਾ ਨਿਰਦੇਸ਼ਨ ਬ੍ਰਿਟਿਸ਼ ਫਿਲਮ ਨਿਰਮਾਤਾ ਟੌਮ ਹਾਰਪਰ ਕਰਨਗੇ। ਗ੍ਰੇਗ ਰੁਕਾ ਅਤੇ ਐਲੀਸਨ ਸ਼ਰੋਡਰ ਨੇ ਸਕ੍ਰਿਪਟ ਵਿੱਚ ਯੋਗਦਾਨ ਪਾਇਆ ਹੈ। ਫ਼ਿਲਮ ‘ਹਾਰਟ ਆਫ ਸਟੋਨ’ ਬਾਰੇ ਅਜੇ ਜ਼ਿਆਦਾ ਜਾਣਕਾਰੀ ਨਹੀਂ ਮਿਲੀ ਹੈ ਬਸ ਏਨਾ ਦੱਸਿਆ ਗਿਆ ਹੈ ਕਿ ਫ਼ਿਲਮ ਦੀ ਕਹਾਣੀ ਰਿਸ਼ੇਲ ਸਟੋਨ (ਗੈਲ ਗਡੋਟ) ਦੀ ਹੈ, ਜੋ ਇੰਟੈਲੀਜੈਂਸ ਆਪਰੇਟਿਵ ਹੈ।
