ਉੱਤਰ ਪ੍ਰਦੇਸ਼ ਵਿੱਚ ਕਾਂਗਰਸ ਦੇ ਬੇਹੱਦ ਖ਼ਰਾਬ ਪ੍ਰਦਰਸ਼ਨ ਤੋਂ ਬਾਅਦ ਯੂਪੀ ਇੰਚਾਰਜ ਪ੍ਰਿਅੰਕਾ ਗਾਂਧੀ ਦੇ ਅਹੁਦੇ ’ਤੇ ਬਣੇ ਰਹਿਣ ਨੂੰ ਲੈ ਕੇ ਸਵਾਲ ਉੱਠ ਰਹੇ ਹਨ। ਪਾਰਟੀ ਦੇ ਨੇਤਾ ਅਤੇ ਸਾਬਕਾ ਬੁਲਾਰੇ ਜ਼ੀਸ਼ਾਨ ਹੈਦਰ ਨੇ ਪਾਰਟੀ ਪ੍ਰਧਾਨ ਸੋਨੀਆ ਗਾਂਧੀ ਨੂੰ ਪੱਤਰ ਲਿਖ ਕੇ ਪ੍ਰਿਯੰਕਾ ਗਾਂਧੀ ਦੇ ਅਸਤੀਫਾ ਦੀ ਮੰਗ ਕੀਤੀ ਹੈ।
ਜ਼ੀਸ਼ਾਨ ਹੈਦਰ ਨੇ ਪੱਤਰ ‘ਚ ਕਿਹਾ ਹੈ ਕਿ ਯੂਪੀ ‘ਚ ਕਾਂਗਰਸ ਦੀ ਹਾਰ ਦਾ ਦੋਸ਼ ਸਿਰਫ ਸੂਬਾ ਪ੍ਰਧਾਨ ‘ਤੇ ਲਗਾਉਣਾ ਬਿਲਕੁਲ ਗਲਤ ਹੈ, ਜਦਕਿ ਉਹ ਯੂਪੀ ਇੰਚਾਰਜ ਅਤੇ ਜਨਰਲ ਸਕੱਤਰ ਪ੍ਰਿਅੰਕਾ ਗਾਂਧੀ ਦੀ ਸਹਿਮਤੀ ਤੋਂ ਬਿਨਾਂ ਚਪੜਾਸੀ ਵੀ ਨਹੀਂ ਰੱਖ ਸਕਦੇ ਸਨ। ਪਿਛਲੀਆਂ ਚੋਣਾਂ ਵਿੱਚ ਸੂਬਾ ਪ੍ਰਧਾਨ ਦੇ ਨਾਲ ਹੀ ਇੰਚਾਰਜ ਦੇ ਅਸਤੀਫ਼ੇ ਨੂੰ ਯਾਦ ਕਰਵਾਉਂਦੇ ਹੋਏ ਜੀਸ਼ਾਨ ਨੇ ਕਿਹਾ ਹੈ ਕਿ ਪ੍ਰਿਅੰਕਾ ਗਾਂਧੀ ਨੂੰ ਵੀ ਹਟਾ ਦੇਣਾ ਚਾਹੀਦਾ ਹੈ।
ਜ਼ੀਸ਼ਾਨ ਹੈਦਰ ਨੇ ਪੱਤਰ ਵਿੱਚ ਅੱਗੇ ਕਿਹਾ ਹੈ ਕਿ ਜਦੋਂ ਤੱਕ ਪ੍ਰਿਯੰਕਾ ਗਾਂਧੀ ਇਸ ਅਹੁਦੇ ‘ਤੇ ਰਹੇਗੀ, ਉਨ੍ਹਾਂ ਦੇ ਉਹੀ ਸੇਵਕ ਅਤੇ ਉਨ੍ਹਾਂ ਦੀ ਉਹੀ ਟੀਮ ਕੰਮ ਕਰੇਗੀ, ਜਿਸ ਕਾਰਨ ਪਹਿਲਾ ਹੀ 387 ਵਿਧਾਨ ਸਭਾਵਾਂ ਵਿੱਚ ਪਾਰਟੀ ਉਮੀਦਵਾਰਾਂ ਦੀ ਜ਼ਮਾਨਤ ਜ਼ਬਤ ਹੋ ਚੁੱਕੀ ਹੈ। ਜੇਕਰ ਪ੍ਰਿਅੰਕਾ ਗਾਂਧੀ ਜੀ ਉਨ੍ਹਾਂ ਨੂੰ ਹਟਾਉਣ ਲਈ ਤਿਆਰ ਨਹੀਂ ਹਨ, ਤਾਂ ਤੁਹਾਨੂੰ ਬੇਨਤੀ ਹੈ ਕਿ ਪ੍ਰਿਅੰਕਾ ਜੀ ਨੂੰ ਉੱਤਰ ਪ੍ਰਦੇਸ਼ ਦੇ ਇੰਚਾਰਜ ਤੋਂ ਮੁਕਤ ਕੀਤਾ ਜਾਵੇ।
ਜ਼ੀਸ਼ਾਨ ਹੈਦਰ ਨੇ ਅੱਗੇ ਕਿਹਾ, “ਜਿਵੇਂ ਕਿ ਹਮੇਸ਼ਾ ਕਿਹਾ ਜਾਂਦਾ ਰਿਹਾ ਹੈ ਕਿ ਕਾਂਗਰਸ ਪਾਰਟੀ ਸਭ ਦੀ ਹੈ, ਤਾਂ ਸਾਨੂੰ ਲੱਗਦਾ ਹੈ ਕਿ ਕਾਂਗਰਸ ਪਾਰਟੀ ਸਾਡੀ ਵੀ ਓਨੀ ਹੀ ਹੈ ਜਿੰਨੀ ਤੁਹਾਡੀ ਹੈ ਅਤੇ ਜੇਕਰ ਇਸ ਦੇ ਭਲੇ ਲਈ ਕੋਈ ਕਦਮ ਉਠਾਉਣਾ ਹੈ ਤਾਂ ਸਾਨੂੰ ਬੋਲਣ ਤੋਂ ਝਿਜਕਣਾ ਨਹੀਂ ਚਾਹੀਦਾ।