ਨਵੀਂ ਦਿੱਲੀ: ਯਸ਼ ਦੀ ਫਿਲਮ KGF ਚੈਪਟਰ 2 ਨੂੰ ਰਿਲੀਜ਼ ਹੋਏ ਕਾਫੀ ਸਮਾਂ ਹੋ ਗਿਆ ਹੈ ਪਰ ਫਿਲਮ ਕਲੈਕਸ਼ਨ ਦੇ ਮਾਮਲੇ ‘ਚ ਰੁਕਣ ਦਾ ਨਾਂ ਨਹੀਂ ਲੈ ਰਹੀ ਹੈ। ਫਿਲਮ ਆਪਣੇ ਦੂਜੇ ਹਫਤੇ ‘ਚ ਪਹੁੰਚ ਗਈ ਹੈ ਪਰ ਇਸ ਦੇ ਕਾਰੋਬਾਰ ‘ਚ ਕੋਈ ਕਮੀ ਨਹੀਂ ਆਈ ਹੈ। ਯਸ਼ ਦੀ ਫਿਲਮ ਨੇ ਦੂਜੇ ਹਫਤੇ ‘ਚ ਹੀ 300 ਕਰੋੜ ਦਾ ਵੱਡਾ ਅੰਕੜਾ ਪਾਰ ਕਰ ਲਿਆ ਹੈ। KGF ਚੈਪਟਰ 2 ਨੇ SS ਰਾਜਾਮੌਲੀ ਦੀ ਫਿਲਮ RRR ਨੂੰ ਸਖਤ ਮੁਕਾਬਲਾ ਦਿੱਤਾ ਹੈ। ਫਿਲਮ ਆਪਣੀ ਰਿਲੀਜ਼ ਦੇ ਪਹਿਲੇ ਦਿਨ ਤੋਂ ਹੀ ਆਪਣੀ ਕਲੈਕਸ਼ਨ ਨੂੰ ਲੈ ਕੇ ਵੀ ਸੁਰਖੀਆਂ ‘ਚ ਰਹੀ ਹੈ। ਸੂਤਰ ਮੁਤਾਬਕ ਫਿਲਮ ਨੇ 12ਵੇਂ ਦਿਨ 15 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਦੂਜੇ ਪਾਸੇ ਜੇਕਰ ਦੁਨੀਆ ਭਰ ਦੇ ਕੁਲੈਕਸ਼ਨ ਦੀ ਗੱਲ ਕਰੀਏ ਤਾਂ ਫਿਲਮ ਨੇ 900 ਕਰੋੜ ਦਾ ਵੱਡਾ ਅੰਕੜਾ ਪਾਰ ਕਰ ਲਿਆ ਹੈ। ਆਓ ਦੂਜੇ ਹਫਤੇ ‘ਚ KGF ਚੈਪਟਰ 2 ਦੀ ਬਾਕਸ ਆਫਿਸ ਰਿਪੋਰਟ ‘ਤੇ ਨਜ਼ਰ ਮਾਰੀਏ।
Friday: Rs 11.56 Crore
Saturday: Rs 18.25 Crore
Sunday: Rs 22 Crore
Monday: Rs 15 Crore (Approx)
Total: Rs 66.81 Crore (Approx)
ਫਿਲਮ ਨੇ ਸਿਰਫ 12 ਦਿਨਾਂ ‘ਚ 330 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਜਲਦ ਹੀ ਇਹ ਫਿਲਮ ਵੀ 500 ਕਰੋੜ ਦੇ ਕਲੱਬ ‘ਚ ਸ਼ਾਮਲ ਹੋ ਜਾਵੇਗੀ। ਫਿਲਮ ‘ਚ ਯਸ਼ ਤੋਂ ਇਲਾਵਾ ਸੰਜੇ ਦੱਤ ਅਤੇ ਰਵੀਨਾ ਟੰਡਨ ਵੀ ਮੁੱਖ ਭੂਮਿਕਾ ‘ਚ ਨਜ਼ਰ ਆਏ ਹਨ। ਤੁਹਾਨੂੰ ਦੱਸ ਦੇਈਏ, KGF ਚੈਪਟਰ 2 ਦਾ ਇਸ ਸ਼ੁੱਕਰਵਾਰ ਨੂੰ Heropanti 2 ਅਤੇ Runway 34 ਨਾਲ ਸਖਤ ਮੁਕਾਬਲਾ ਹੋਣ ਵਾਲਾ ਹੈ।
