ਵੋਡਾਫੋਨ ਆਈਡੀਆ (Vi) ਨੇ ਤਿੰਨ ਨਵੇਂ ਪਲਾਨ ਲਾਂਚ ਕੀਤੇ ਹਨ ਜਿਨ੍ਹਾਂ ਦੀ ਵੈਧਤਾ 31 ਦਿਨਾਂ ਤੱਕ ਹੈ। Vi ਨੇ 98 ਰੁਪਏ, 195 ਰੁਪਏ ਅਤੇ 319 ਰੁਪਏ ਦੇ ਤਿੰਨ ਪਲਾਨ ਲਾਂਚ ਕੀਤੇ ਹਨ। ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ ਇੰਡੀਆ (TRAI) ਦੇ ਹੁਕਮਾਂ ਤੋਂ ਬਾਅਦ ਟੈਲੀਕਾਮ ਕੰਪਨੀਆਂ ਨੇ 30 ਦਿਨਾਂ ਅਤੇ 31 ਦਿਨਾਂ ਲਈ ਪ੍ਰੀ-ਪੇਡ ਪਲਾਨ ਲਾਂਚ ਕਰਨੇ ਸ਼ੁਰੂ ਕਰ ਦਿਤੇ ਹਨ।
ਇਨ੍ਹਾਂ ‘ਚੋਂ 98 ਰੁਪਏ ਦੇ ਪਲਾਨ ਨਾਲ 15 ਦਿਨਾਂ ਦੀ ਵੈਲੀਡਿਟੀ, 195 ਰੁਪਏ ਵਾਲੇ ਪਲਾਨ ਨਾਲ 31 ਦਿਨਾਂ ਅਤੇ 319 ਰੁਪਏ ਵਾਲੇ ਪਲਾਨ ਨਾਲ 31 ਦਿਨਾਂ ਦੀ ਵੈਲੀਡਿਟੀ ਉਪਲਬਧ ਹੈ। ਫਾਇਦਿਆਂ ਦੀ ਗੱਲ ਕਰੀਏ ਤਾਂ 98 ਰੁਪਏ ਦੇ ਪਲਾਨ ‘ਚ 200 MB ਡਾਟਾ ਸਾਰੇ ਨੈੱਟਵਰਕ ‘ਤੇ ਅਨਲਿਮਟਿਡ ਕਾਲਿੰਗ ਦੇ ਨਾਲ ਉਪਲਬਧ ਹੈ, ਹਾਲਾਂਕਿ ਇਸ ਪਲਾਨ ‘ਚ ਮੈਸੇਜਿੰਗ ਦੀ ਸਹੂਲਤ ਨਹੀਂ ਮਿਲੇਗੀ।
ਜਦਕਿ 195 ਰੁਪਏ ਵਾਲੇ ਪਲਾਨ ‘ਚ ਕੁੱਲ 300 SMS ਉਪਲਬਧ ਹੋਣਗੇ ਅਤੇ ਹਰ ਦਿਨ 2 GB ਡੇਟਾ ਮਿਲੇਗਾ। ਇਸ ਪਲਾਨ ‘ਚ ਵੀ ਸਾਰੇ ਨੈੱਟਵਰਕ ‘ਤੇ ਅਨਲਿਮਟਿਡ ਕਾਲਿੰਗ ਉਪਲਬਧ ਹੋਵੇਗੀ। ਇਸ ਪਲਾਨ ਦੇ ਨਾਲ 31 ਦਿਨਾਂ ਦੀ ਵੈਧਤਾ ਉਪਲਬਧ ਹੋਵੇਗੀ। 319 ਰੁਪਏ ਦੇ ਪਲਾਨ ‘ਚ 100 SMS ਪ੍ਰਤੀ ਦਿਨ ਦੇ ਨਾਲ ਹਰ ਰੋਜ਼ 2 ਜੀਬੀ ਡਾਟਾ ਵੀ ਮਿਲੇਗਾ।