ਯੂਨਾਨ ਦੇ ਹੇਰਾਕਲੀਅਨ ਵਿੱਚ ਆਈਡਬਲਯੂਐਫ (ਅੰਤਰਰਾਸ਼ਟਰੀ ਵੇਟਲਿਫਟਿੰਗ ਫੈਡਰੇਸ਼ਨ) ਜੂਨੀਅਰ ਵਿਸ਼ਵ ਵੇਟਲਿਫਟਿੰਗ ਚੈਂਪੀਅਨਸ਼ਿਪ ਵਿੱਚ ਪੁਰਸ਼ਾਂ ਦੇ 61 ਕਿਲੋਗ੍ਰਾਮ ਵਰਗ ਵਿੱਚ ਭਾਰਤ ਦੇ ਟੀ ਮਾਧਵਨ ਅਤੇ ਮੁਨਾ ਨਾਇਕ ਚੌਥੇ ਅਤੇ ਛੇਵੇਂ ਸਥਾਨ ‘ਤੇ ਰਹੇ। 18 ਸਾਲਾ ਮਾਧਵਨ ਨੇ ਕੁੱਲ 263 ਕਿਲੋ (118 ਕਿਲੋ + 145 ਕਿਲੋ) ਭਾਰ ਚੁੱਕਿਆ।
ਮੁਨਾ 10 ਲਿਫਟਰਾਂ ਦੇ ਮੁਕਾਬਲੇ ਵਿੱਚ ਕੁੱਲ 258 ਕਿਲੋ (113 ਕਿਲੋ + 145 ਕਿਲੋ) ਭਾਰ ਦੇ ਨਾਲ ਛੇਵੇਂ ਸਥਾਨ ‘ਤੇ ਰਹੇ । 19 ਸਾਲਾ ਖਿਡਾਰੀ ਆਪਣੀ ਆਖਰੀ ਕਲੀਨ ਐਂਡ ਜਰਕ ਕੋਸ਼ਿਸ਼ ਵਿੱਚ 150 ਕਿਲੋ ਭਾਰ ਚੁੱਕਣ ਵਿੱਚ ਅਸਫਲ ਰਿਹਾ। ਇਸ ਦੇ ਨਾਲ ਹੀ ਔਰਤਾਂ ਦੇ ਮੁਕਾਬਲਿਆਂ ਵਿੱਚ, ਸ਼੍ਰਬਾਨੀ ਦਾਸ 55 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਕੁੱਲ 181 ਕਿਲੋ (78 ਕਿਲੋ + 103 ਕਿਲੋ) ਭਾਰ ਦੇ ਨਾਲ ਸੱਤਵੇਂ ਸਥਾਨ ‘ਤੇ ਰਹੀ।
ਭਾਰਤ ਨੇ ਮੌਜੂਦਾ ਈਵੈਂਟ ਵਿੱਚ ਹੁਣ ਤੱਕ ਸੋਨਾ, ਚਾਂਦੀ ਅਤੇ ਕਾਂਸੀ ਦੇ ਤਿੰਨ ਤਗਮੇ ਜਿੱਤੇ ਹਨ। ਹਰਸ਼ਦਾ ਗਰੁੜ ਸੋਮਵਾਰ ਨੂੰ (ਮਹਿਲਾ 45 ਕਿਲੋਗ੍ਰਾਮ) ਈਵੈਂਟ ਵਿੱਚ ਸੋਨ ਤਮਗਾ ਜਿੱਤਣ ਵਾਲੀ ਪਹਿਲੀ ਭਾਰਤੀ ਬਣ ਗਈ।