ਜੈੱਟ ਏਅਰਵੇਜ਼ ਦੇ ਜਹਾਜ਼ ਇੱਕ ਵਾਰ ਫਿਰ ਉਡਾਣ ਭਰਨ ਲਈ ਤਿਆਰ ਹਨ। ਏਅਰਲਾਈਨ ਅਗਲੇ ਮਹੀਨੇ ਆਪਣੀਆਂ ਸੇਵਾਵਾਂ ਦੁਬਾਰਾ ਸ਼ੁਰੂ ਕਰੇਗੀ। ਗ੍ਰਹਿ ਮੰਤਰਾਲੇ ਵੱਲੋਂ ਦੱਸਿਆ ਗਿਆ ਕਿ ਏਅਰਲਾਈਨ ਨੂੰ ਪਿਛਲੇ ਹਫ਼ਤੇ ਸੁਰੱਖਿਆ ਪ੍ਰਵਾਨਗੀ ਦਿੱਤੀ ਗਈ ਹੈ, ਇਸ ਲਈ ਹੁਣ ਕੰਪਨੀ ਦੁਬਾਰਾ ਸੇਵਾਵਾਂ ਸ਼ੁਰੂ ਕਰ ਸਕਦੀ ਹੈ।
ਜ਼ਿਕਰਯੋਗ ਹੈ ਕਿ 2019 ਵਿੱਚ, ਕੰਪਨੀ ਦੇ ਦੀਵਾਲੀਆ ਹੋਣ ਕਾਰਨ ਸੇਵਾਵਾਂ ਬੰਦ ਹੋ ਗਈਆਂ ਸਨ। ਅਧਿਕਾਰਤ ਦਸਤਾਵੇਜ਼ਾਂ ਦੇ ਅਨੁਸਾਰ, ਜੈੱਟ ਏਅਰਵੇਜ਼ ਦਾ ਮੌਜੂਦਾ ਪ੍ਰਮੋਟਰ ਜਾਲਾਨ-ਕੋਲਰੌਕ ਕੰਸੋਰਟੀਅਮ ਹੈ। ਪਹਿਲਾਂ ਇਸ ਦੇ ਮਾਲਕ ਨਰੇਸ਼ ਗੋਇਲ ਸਨ। ਮੁਰਾਰੀ ਲਾਲ ਜਾਲਾਨ ਅਤੇ CalRock ਕੰਸੋਰਟੀਅਮ ਨੇ ਜੂਨ 2021 ਵਿੱਚ ਜੈੱਟ ਏਅਰਵੇਜ਼ ਦੀ ਬੋਲੀ ਜਿੱਤੀ ਸੀ। ਹੁਣ ਗ੍ਰਹਿ ਮੰਤਰਾਲੇ ਨੇ ਜੈੱਟ ਏਅਰਵੇਜ਼ ਨੂੰ ਸੁਰੱਖਿਆ ਮਨਜ਼ੂਰੀ ਦੇ ਦਿੱਤੀ ਹੈ। ਸੁਰੱਖਿਆ ਕਲੀਅਰੈਂਸ ਮਿਲਣ ਤੋਂ ਬਾਅਦ ਉਮੀਦ ਕੀਤੀ ਜਾ ਰਹੀ ਹੈ ਕਿ ਕੰਪਨੀ ਅਗਲੇ ਮਹੀਨੇ ਆਪਣੀਆਂ ਸੇਵਾਵਾਂ ਸ਼ੁਰੂ ਕਰ ਦੇਵੇਗੀ। ਜੈੱਟ ਏਅਰਵੇਜ਼ ਦੇ ਜਹਾਜ਼ ਨੇ ਆਪਣੀ ਆਖਰੀ ਉਡਾਣ 2019 ‘ਚ ਭਰੀ ਸੀ। ਕੰਪਨੀ ਦੇ ਸੀਈਓ ਨੇ ਉਸ ਸਮੇਂ ਇਸ ਨੂੰ ‘ਭਾਵਨਾਤਮਕ ਪਲ’ ਕਿਹਾ ਸੀ।