ਅਦਾਕਾਰਾ ਸ਼ਹਿਨਾਜ਼ ਗਿੱਲ ਸੁਰਖੀਆਂ ਦਾ ਹਿੱਸਾ ਬਣੀ ਰਹਿੰਦੀ ਹੈ। ਸ਼ਹਿਨਾਜ਼ ਗਿੱਲ ਬਿੱਗ ਬੌਸ 13 ਤੋਂ ਬਾਅਦ ਹਰ ਪਾਸੇ ਛਾਈ ਹੋਈ ਹੈ। ਉਸ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵਾਇਰਲ ਹੁੰਦੇ ਰਹਿੰਦੇ ਹਨ। ਹਾਲ ਹੀ ਵਿੱਚ ਸ਼ਹਿਨਾਜ਼ ਗਿੱਲ ਨੇ ਅਲੀ ਸੇਠੀ ਤੇ ਸ਼ੇ ਗਿੱਲ ਸਟਾਰਰ ਗੀਤ ‘ਪਸੂਰੀ’ ’ਤੇ ਇਕ ਵੀਡੀਓ ਬਣਾਈ ਹੈ। ਕੁਝ ਸੈਕਿੰਡਸ ਦੀ ਇਸ ਵੀਡੀਓ ’ਚ ਸ਼ਹਿਨਾਜ਼ ਆਪਣੇ ਐਕਸਪ੍ਰੈਸ਼ਨ ਨਾਲ ਬਹੁਤ ਕੁਝ ਕਹਿੰਦੀ ਨਜ਼ਰ ਆ ਰਹੀ ਹੈ। ਸ਼ਹਿਨਾਜ਼ ਗਿੱਲ ਉਹ ਸਟਾਰ ਬਣ ਚੁੱਕੀ ਹੈ, ਜਿਸ ਦੀ ਖ਼ਬਰ ਦੇ ਬਿਨਾਂ ਖ਼ਬਰਾਂ ਦਾ ਦਿਨ ਪੂਰਾ ਨਹੀਂ ਹੁੰਦਾ ਹੈ। ਸ਼ਾਇਦ ਹੀ ਕੋਈ ਦਿਨ ਅਜਿਹਾ ਹੋਵੇਗਾ, ਜਦੋਂ ਉਸ ਨੂੰ ਲੈ ਕੇ ਕੋਈ ਖ਼ਬਰ ਨਾ ਆਈ ਹੋਵੇ।
ਅਰਪਿਤਾ ਖ਼ਾਨ ਸ਼ਰਮਾ ਦੀ ਈਦ ਪਾਰਟੀ ’ਚ ਸਲਮਾਨ ਖ਼ਾਨ ਤੇ ਸ਼ਹਿਨਾਜ਼ ਗਿੱਲ ਦੀ ਕਿਊਟ ਕੈਮਿਸਟਰੀ ਨੇ ਹਰ ਕਿਸੇ ਦਾ ਧਿਆਨ ਖਿੱਚਿਆ। ਇਸ ਤੋਂ ਬਾਅਦ ਸ਼ਹਿਨਾਜ਼ ਨੂੰ ਬ੍ਰਹਮਕੁਮਾਰੀਜ਼ ਨਾਲ ਲੋਕ ਗੀਤ ’ਤੇ ਡਾਂਸ ਕਰਦੇ ਦੇਖਿਆ ਗਿਆ। ਮਤਲਬ ਜਦੋਂ ਗੱਲ ਸ਼ਹਿਨਾਜ਼ ਦੀ ਹੁੰਦੀ ਹੈ ਤਾਂ ਗੱਲਾਂ ਹੀ ਖ਼ਤਮ ਨਹੀਂ ਹੁੰਦੀਆਂ। ਇਨ੍ਹਾਂ ਸਾਰੀਆਂ ਖ਼ਬਰਾਂ ਵਿਚਾਲੇ ਸ਼ਹਿਨਾਜ਼ ਆਪਣੀਆਂ ਗਲੈਮਰੈੱਸ ਤਸਵੀਰਾਂ ਨਾਲ ਲੋਕਾਂ ਨੂੰ ਇੰਪ੍ਰੈੱਸ ਕਰ ਰਹੀ ਹੈ। ਵੱਖ-ਵੱਖ ਤਸਵੀਰਾਂ ਤੋਂ ਬਾਅਦ ਸ਼ਹਿਨਾਜ਼ ਨੇ ‘ਪਸੂਰੀ’ ਗੀਤ ’ਤੇ ਇਕ ਫਾਇਰਿੰਗ ਵੀਡੀਓ ਬਣਾਈ ਹੈ।
ਵੀਡੀਓ ’ਚ ਸ਼ਹਿਨਾਜ਼ ਲਾਲ ਰੰਗ ਦੀ ਕੁੜਤੀ ’ਚ ਵੱਖ-ਵੱਖ ਐਕਸਪ੍ਰੈਸ਼ਨ ਦੇ ਰਹੀ ਹੈ। ਕਦੇ ਉਹ ਆਸਮਾਨ ਵੱਲ ਇਸ਼ਾਰਾ ਕਰਦੀ ਹੈ ਤਾਂ ਕਦੇ ਗੁਲਾਬਾਂ ਦੀ ਖੁਸ਼ਬੂ ਲੈਂਦੀ ਹੈ। ਸ਼ਹਿਨਾਜ਼ ਦੇ ਇਸ ਵੀਡੀਓ ਨੂੰ ਦੇਖ ਕੇ ਪ੍ਰਸ਼ੰਸਕ ਉਸ ਦੀ ਪੋਸਟ ‘ਤੇ ਕਾਫੀ ਕਮੈਂਟ ਕਰ ਰਹੇ ਹਨ। ਇਕ ਫੈਨ ਨੇ ਲਿਖਿਆ- ਯਕੀਨਨ ਇਹ ਸਿਧਾਰਥ ਸ਼ੁਕਲਾ ਲਈ ਹੈ, ਉਹ ਅਜੇ ਵੀ ਉਨ੍ਹਾਂ ਨੂੰ ਬਹੁਤ ਪਿਆਰ ਕਰਦੀ ਹੈ। ਇੱਕ ਫੈਨ ਨੇ ਲਿਖਿਆ- ਉਹ ਅਸਮਾਨ ਵਿੱਚ ਕੁਝ ਲੱਭ ਰਹੀ ਹੈ, ਅੱਖਾਂ ਸਭ ਕੁਝ ਦੱਸ ਰਹੀਆਂ ਹਨ। ਉਹ ਤੁਹਾਨੂੰ ਉੱਥੋਂ ਦੇਖ ਰਹੇ ਹਨ।
